AQSH Izraılge HAMAS-tyń úńgirlerin joıý úshin 240 mln dollar bóletin boldy, - dep habarlaıdy «Qamshy» portaly 24.kz-ke silteme jasap.
Al, Gaza sektorymen shekaralas aımaqta ornalasqan turǵyndar jer astynan shyǵatyn shýylǵa baılanysty jıi shaǵymdanatyndy shyǵarypty. HAMAS-tyń strategıalyq qarýy. Jer asty joldaryn uıym osylaı ataıdy. Ony salý da óte qıyn. Qurylysqa qajetti materıaldar ızraıldikterdiń baqylaýyndaǵy Gaza sektory arqyly baqylaý ótkizý pýnktimen ótkiziledi. Degenmen oǵan jumsalǵan qarjy ózin aqtap otyr. Úńgir Gaza shekarasynda turatyn evreılerdiń záre-qutyn qashyrýda. Jer astyndaǵy shýyldy ár turǵyn jaqsy biledi. Bul jerdegi halyq Izraıl qorǵanys mınıstrinen úńgirlerdi joıý jumystary nege nátıje bermeı jatqandyǵyn bilgisi keledi. Óıtkeni bul jerde kúnde apat bolady. Úńgirdiń qabyrǵalary aýyr salmaqty kótere almaı, opyrylyp jatyr. Úıindi astynda qalyp jatqan qurylysshylar qanshama. Bir jaǵynan osy, ekinshi jaǵynan HAMAS jetekshisiniń Izraılge jer asty arqyly shabýyl jasaıtyndyqtary týraly málimdemesi úńgirdi qıratýǵa túrtki boldy. Ekaterına Sýmarovanyń úıiniń terezesinen búkil Gazany baqylap otyrýǵa bolady. Onyń aıtýynsha, osyndaı qorqynyshty jańalyqtan keıin turǵyndardyń birazy basqa jaqqa kóship ketken.
Ekaterına Sýmarova, jergilikti turǵyn:
- Bul jerden kóshýge úńgirden keletin qaýip sebep boldy. Halyqtyń kóbi osy qorǵannan aýlaq jerge qonys aýdarýda. Óıtkeni úńgirden tóngen qaýip óte ózekti másele, ol halyqty kúndelikti qorqynyshta otyrýǵa májbúrleıdi.
Nahal Oz – Gaza sektoryna jaqyn ornalasqan eldi mekenderdiń biri. Jergilikti halyq bıliktiń áreketsiz otyrǵanyna narazy. Úńgirdiń turǵyzylyp jatqany týraly 2014 jyly Izraıl anklavta áskerı operasıa júrgizip jatqan kezde belgili bolǵan. Alaıda eshbir nátıje shyǵarylmady.
Aldyn alý sharalaryn júrgizý qajet. Ony Izraıldiń bılik basyndaǵylar ǵana emes, AQSH ta jaqsy biledi. Eki el dıversıalyq úńgirlerdi izdestirý júıesin birlese júrgizý jobasyna kelisim jasady. Ony júzege asyrýǵa 240 mln dollar jumsaý josparlanyp otyr.
