Eýropa bosqyndardy qabyldaýǵa ázir. Biraq olardy ornalastyrýǵa oryn qalmaı barady, - dep habarlaıdy 24.kz.

Aǵylyp baryp jatqan mıgranttardyń kóptigi sondaı, kári qurlyq elderi olarǵa pana bolarlyq jer tappaı ábigerge túsip jatyr. Áıtse de keıbir memleketter bul máseleni ońtaıly sheshýge tyrysyp baǵýda. Mysaly, Germanıa bıligi bosqyndardy burynǵy konslagerlerge jaıǵastyrdy. Sol sıaqty áskerı kazarmalar, stadıondar men zırattar kirmelerdiń turaǵyna aınalǵan. Bosqyndardyń qalyń legi Avstrıa úkimetin de tyǵyryqqa tiredi. Al Avstralıada shirkeý qyzmetkerleri «ǵıbadat etetin oryndardy kelimsekterge berýge daıynbyz», - deıdi. Bılik mıgranttardy tipti kórshiles aral-memleketterge deportasıalaýdy josparlaýda. Biraq jergilikti shirkeý qyzmetkerleri kirmeler basqa jaqqa kúshpen kóshirilgennen keıin qorlyq pen zorlyqqa tap bolýy múmkin dep esepteıdi.