Qaraǵandy Memlekettik tehnıkalyq ýnıversıtetiniń stýdentteri men oqytýshylary kún elektr stansıasy arqyly balamaly energıa kózine qol jetkizdi. Onyń qýaty sportzal men joǵarǵy oqý ornynyń aýlasyn jaryqpen qamtýǵa jetkilikti. Stýdentter men oqytýshylar qazir kún elektr stansıasynyń ártúrli aýa raıynda qalaı jumys isteıtiniń baqylaýda, - dep habarlaıdy 24 kz arnasy.

Basty maqsat – jaýyn-shashyn kezinde de qurylǵynyń tıimdiligin arttyrý. Ol úshin kúnniń jaǵdaıyn qadaǵalaıtyn arnaıy júıe qurylǵanEkijaqtyq model qýat kózin tek kúnniń jaryǵynan ǵana emes, joǵarydaǵy jaryq pen shaǵylysqan jerden de alýǵa múmkindik beredi. Zertteý jumystary kezinde beligili bolǵandaı, asfáltty aq boıaýmen syrlasa, qurylǵy qýaty kózin 6%-ǵa kóteredi, dedi joba jetekshisi Vácheslav Iýgaı.

Tehnologıa jáne baılanys júıeleri kafedrasy qýat kózin únemdeý tehnologıasy baǵytynda 5 jyldan beri jumys jasap keledi. Birneshe úlgi jasaldy. Sońǵy tájirıbede, akýmýlátorlyq batareıalardy sýtegi óndirý júıesine almastyrý sheshimi qabyldandy. Endi qurylǵynyń únemshildigi artyp, qyzmet kórsetý merzimi uzardy. Kún elektr stansıasy saǵatyna 2 kVt qýat óndiredi. Bul birneshe sportzal men ýnıversıtet aýlasyn jaryqpen qamtýǵa tolyq jetedi eken.