Qazaqstan Prezıdenti Nursultan Nazarbaev Reseı Federasıasynyń basshysy Vladımır Pýtınmen telefon arqyly sóılesti, - dep habarlaıdy «Qamshy» portaly Tengrinews.kz – ke silteme jasap.

Áńgimege qazaqstandyq taraptyń bastama bolǵany habarlanyp otyr.

"Ekonomıkalyq taqyrypta, onyń ishinde otyn-energetıka salasyndaǵy jaǵdaı áńgime órbidi. Óńirlik saıasattyń ózekti máseleleri jóninde pikir almasý boldy. Ekijaqty baılanys kestesi de qozǵaldy", - delingen habarlamada. 

Aıta keteıik, osyǵan deıin Qazaqstan Prezıdenti Nursultan Nazarbaev energetıka mınıstri Vladımır Shkolnıkti qabyldap, munaı-gaz sektoryndaǵy jáne elektr energetıkasy, qorshaǵan ortany qorǵaý, atom salalaryndaǵy ahýal men mınıstrliktiń basqa da baǵyttaǵy jumystary talqylanǵan bolatyn. Energetıka mınıstri munaı óndirisin 77 mıllıon tonnaǵa deıin tómendetý jóninde bıylǵy jylǵa qarastyrylyp otyrǵan kólemdi keıin Qashaǵan kenishin iske qosý esebinen toltyrý josparlanyp otyrǵanyn málimdedi.