Almatydaǵy Alataý aýdanyna qarasty 151 mekteptiń oqýshylary qazaq tili muǵaliminiń jazalaý ádisterine ábden úırengen. Jas maman synypty ishinen kilttep, úı tapsyrmasyn oryndamaǵan oqýshylarǵa túrli jaza qoldanady eken. Ótken aptada 7 «G» synybynyń oqýshylary muǵalimniń kezekti áreketin telefonǵa túsirip alǵan, - dep habarlaıdy «stan.kz».

Oqýshylar jaǵdaıdy telefonǵa túsirip, ata-analaryna kórsetpekshi bolǵan. Sebebi, olar túrli jaılarǵa baılanysty kez kelgenimiz osylaı jazalanýymyz múmkin dep qorqady. Ata-analardyń bastamasymen mektep dırektory Asqat Oshaqbaevtyń aldynda jınalys ta uıymdastyrmaqshy bolǵan.

Bul vıdeoda 7 synyptyń oqýshysy úı tapsyrmasyn oryndamaǵany úshin jazalanyp jatyr. Onyń bulaı turǵanyn synyptastary vıdeoǵa túsirip alǵan. Oryndyq kóterip turǵan oqýshy aty-jónin aıtyp muǵalimniń ústinen shaǵymdanǵysy kelmeıdi. Sebebi, jurttyń kózine jaman qylyǵymen kórinýdi namys kóredi.

Al saıtymyzǵa maǵlumatty bergen kisi óziniń esimin atamaýdy ótindi.

«Órkenıetti zamanda balalardy bilimge baýlýdyń ózge jolyn ustanbasaq, osy muǵalimge 151 mektepte shekteý qoıatyn kisi bolmaı tur», - deıdi esimin atamaýdy ótingen qala turǵyny.

Este bolsa, bir jyl buryn týra osy mekteptiń muǵalimderi birin-biri balaǵattap is ákimshilik sotqa deıin jetken edi. Sońynda áriptesiniń namysyna tıgen ustazǵa aıyppul salynǵan.