بۇگىن ۇلتتىق ۇلاننىڭ شىمكەنت قالاسىنداعى 6506 اسكەري بولىمىندە ۇلتتىق ۇلان وڭىرلىك قولباسشىلىقتارىنىڭ، وڭىرلىك قولباسشىلىقتار اسكەري پوليسياسىنىڭ، اسكەري ينستيتۋتتىڭ تاربيە جانە الەۋمەتتىك-قۇقىقتىق جۇمىستار جونىندەگى باسقارما جانە ءبولىم باستىقتارىمەن، «بۇركىت» ارنايى ماقساتتاعى بولىنىستەرى مەن اسكەري بولىمدەر كومانديرلەرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارلارىمەن، سونىمەن قاتار ۇلتتىق ۇلان اسكەري بولىمدەرىنىڭ اسكەري پوليسيا بولىمشەلەرى مەن قىزمەت باستىقتارىمەن رەسپۋبليكالىق وقۋ-ادىستەمەلىك جيىن باستالدى، - دەپ حابارلايدى «قامشى» پورتالى ۇلتتىق ۇلاننىڭ «وڭتۇستىك» وڭىرلىك قولباسشىلىعى باسپا ءسوز قىزمەتىنە سىلتەمە جاساپ.
جيىننىڭ العاشقى كۇنى تاربيەشى وفيسەرلەردىڭى باسشىلىق قۇجاتتاردى ءبىلۋ دەڭگەيى مەن مەملەكەتتىك ءتىلدى مەڭگەرۋى بويىنشا سىناقتار تاپسىرۋدان باستادى. سىناقتاما اياقتالعان سوڭ وقۋ-ادىستەمەلىك جيىن جەتەكشىسى قازاقستان رەسپۋبليكاسى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پولكوۆنيك مۇحامەتقالي ساتوۆ ەلىمىزدەگى قازىرگى قوعامدىق-ساياسي احۋالدى زەردەلەي كەلە، وتكەن 2015 جىلى تاربيە، زاڭدىلىق، قۇقىقتىق ءتارتىپ، قوعامدىق قاۋىپسىزدىك بويىنشا ۇلتتىق ۇلانداعى اتقارىلعان بارشا ءىس-شارالاردى سارالاپ قورىتىندىلادى، سونداي-اق 2016 جىلى تاربيە جانە الەۋمەتتىك-قۇقىقتىق جۇمىستار قۇرىلىمى مەن اسكەري پوليسيا ورگاندارىنا جۇكتەلەتىن مىندەتتەردى اتاپ ءوتىپ، الداعى بولاتىن قازاقستان رەسپۋبليكاسىنىڭ ءماجىلىس پارلامەنتى جانە بارلىق دەڭگەيدەگى ءماسليحات دەپۋتاتتارى سايلاۋىنىڭ وزەكتىلىگىنە دە توقتالدى.
باعىت-باعدارى مەن ماقساتى ايقىندالعان وتىرىستان سوڭ جيىن قاتىسۋشىلارى تمد-نىڭ سىرتقى شەكاراسىن كۇزەتۋ مەن قورعاۋ بويىنشا ۇكىمەتتىك تاپسىرمالاردى ورىنداۋ بارىسىندا تاجىك-اۋعان شەكاراسىندا 1995 جىلدىڭ 7 ساۋىرىندە قازا تاپقان ىشكى اسكەردىڭ 17 قاھارمان جاۋىنگەرلەرىنىڭ ەسكەرتكىشىنە گۇل شوقتارىن قويدى، اتاپ وتەرلىگى، بۇل ءىس-شاراعا ۇلتتىق ۇلان باتىرلارى ەربول وتاربيەۆ پەن جاندوس بايانبايەۆ ارنايى كەلىپ باتىرلار رۋحىنا تاعزىم ەتتى.
وسىلاي باستاۋ العان جيىن بارىسى ««ماڭگىلىك ەل» جالپىۇلتتىق يدەياسى نەگىزىندە ۇلتتىق ۇلان جەكە قۇرامىن قازاقستاندىق پاتريوتيزم رۋحىندا تاربيەلەۋدەگى اسكەري باسقارما مەن جەرگىلىكتى بيلىك ورگاندارىنىڭ اتقاراتىن ءرولى جانە يدەولوگيالىق جۇمىستارىنىڭ نەگىزگى باعىتتارى» اتتى تاقىرىپتاعى دوڭگەلەك ۇستەلگە ۇلاستى. ونىڭ باستى ماقساتى وسكەلەڭ ۇرپاقتى جانە اسكەري قىزمەتشىلەردى جاڭا قازاقستاندىق پاتريوتيزم الەۋەتىندە تاربيەلەۋ بويىنشا تاربيەشى وفيسەرلەردىڭ كاسىبي دايارلىق دەڭگەيلەرىن جوعارىلاتۋ جانە اسكەردەگى يدەولوگيالىق جۇمىستاردىڭ دۇرىس جۇرگىزىلۋىن ۇيىمداستىرۋ بولىپ تابىلدى.
دوڭگەلەك ۇستەلگە وڭتۇستىك-قازاقستان وبلىسى اكىمىنىڭ ورىنباسارى ساكەن قانىبەكوۆ، وڭتۇستىك-قازاقستان وبلىسىنىڭ اكىمى اپپاراتى جەتەكشىسىنىڭ ورىنباسارى، قازاقستان حالىقتارى اسسامبلەياسى سەكرەتارياتىنىڭ مەڭگەرۋشىسى ءمۇراتالى قالمۇراتوۆ، س.پ. كوروليەۆ اتىنداعى № 45 مەكتەپ-گيمنازياسىنىڭ مەكتەپ ديرەكتورى ، پەداگوگ-نوۆاتور، قالالىق ءماسليحاتتىڭ دەپۋتاتى پاك روزا ۆيكتوروۆنا، ارداگەرلەر كەڭەسىنىڭ ءتوراعاسى زاپاستاعى پولكوۆنيك ءماجيت جۇسىپبايەۆ، «نۇر وتان» پارتياسى ىشىنەن قۇرىلعان «جاس وتان» جاستار قاناتىنىڭ ءتوراعاسى باۋىرجان مولدابەكوۆ، سونىمەن قاتار قوعامدىق جانە ءوزارا ءىس-قيمىل بىرلەستىكتەگى ورگانداردىڭ وكىلدەرى، ۇلى وتان سوعىسىنىڭ، اۋعان سوعىسىنىڭ جانە ەڭبەك ارداگەرلەرى، ينتەرناسيوناليست جاۋىنگەرلەر، جيىن قاتىسۋشىلارى، ستۋدەنت جاستار مەن ب ا ق وكىلدەرى قاتىستى.
اتالعان شارا بارىسىندا ەلباسىنىڭ حالىققا جولداعان جولداۋىنىڭ نەگىزى سانالاتىن «ماڭگىلىك ەل» يدەياسى اياسىندا ءبىرشاما باياندامالار جاسالىپ، بارلىق قاتىسۋشى وكىلدەردىڭ پىكىرلەرى تىڭدالدى. بارلىق قۇرىلىمدار اراسىندا تاجىريبە الماسۋ ءوتتى.
دوڭگەلەك ۇستەل اياسىندا ءبىرشاما اۋقىمدى ماسەلەلەر تالقىلانىپ، وتىرىس قورىتىندىلانعان سوڭ، وسكەلەڭ ۇرپاقتى وتانشىلدىق رۋحتا تاربيەلەۋگە قوسقان ۇلەستەرى ءۇشىن قوعامدىق ۇيىمداردىڭ، جەرگىلىكتى بيلىك ورگاندارىنىڭ جانە ءوزارا ءىس-قيمىل بىرلەستىكتەگى ورگانداردىڭ وكىلدەرىن ۇلتتىق ۇلان باس قولباسشىسىنىڭ اتىنان گراموتالارمەن جانە ارنايى سىيلىقتارمەن باس قولباسشىنىڭ ورىنباسارى مۇحامەتقالي قۇسايىن ۇلى ماراپپاتتادى.
دوڭگەلەك ۇستەل اياقتالىسىمەن جيىن قاتىسۋشىلارى جوسپار بويىنشا ادىستەمەلىك-نۇسقاۋلىق، ۇلگىلىك جانە تاجىريبەلىك ساباقتارعا تاراستى.
پىكىر قالدىرۋ