اقتوبە وبلىسىنداعى مەملەكەتتىك ساياساتتى ناسيحاتتاۋشى اقپارات تقۇرالدارىنىڭ باسشىلارىمەن كەزدەسكەن وبلىس اكىمى بەردىبەك ساپاربايەۆ وڭىردەگى جۋرناليستەردەن ءوزى تۋرالى جازا بەرمەۋدى سۇرادى، - دەپ حابارلايدى «قامشى» پورتالى stan.kz – كە سىلتەمە جاساپ.

Aقتوبە وبلىسىنىڭ اكىمى بەردىبەك ساپاربايەۆ مەملەكەتتىك ب ا ق باسشىلارىمەن كەزدەسۋ كەزىندە وڭىردە اكىمنەن باسقا دا جازۋعا تۇرارلىق ماسەلەلەردىڭ كوبىن ايتتى. وبلىستىق  «اقتوبە»، «اكتيۋبينسكيي ۆەستنيك» باسىلىمدارى مەن «قازاقستان-اقتوبە» ارناسىنىڭ باسشىلارىنا  شالعاي اۋىلدارعا شىعىپ، ونداعى تىرشىلىك پەن ەلدىڭ ماسەلەسىن كوتەرۋگە بولاتىنىن مىسال ەتكەن.

«سىزدەردىڭ ورىندارىڭىز باسقا. سوندىقتان اۋىل تۇرعىندارى، ول جاقتاعى ەڭبەك ادامدارى تۋرالى كەڭىنەن ناسيحاتتالۋ كەرەك»،-دەدى ساپاربايەۆ.

وبلىستىق باسىلىمنىڭ سوڭعى سانى التى بەت بولىپ شىققانىن، ونىڭ ءتورت بەتى جارناما مەن رەسمي قۇجاتتار ەكەنىن، قالعان ەكى بەتى اكىم مەن ونىڭ ورىنباسارىنا ارنالعانىن ايتقان ول:

«سىزدەردە باسقا ماتەريالدار مەن ماسەلە جوقپا نە؟»،-دەپ جينالعان رەداكتورلارعا توتەسىنەن سۇراق قويىپتى.

مىسالدارى مەن دالەلدەرىن كەلتىرە ايتقان اكىم وڭىرلىك ب ا ق باسشىلارىنا وبلىستىق تەلەارنانىڭ  ماتەريالدىق-تەحنيكالىق بازاسىنىڭ جاقسى ەكەنىن ەسكە سالدى. سول ءۇشىن دە الداعى ۋاقىتتا ەسكى باعدارلامالاردى قايتالاۋدى قويىپ، جاڭا باعدارلامالار مەن وزگەرىستەر جاساۋدى ۇسىندى.