بۇگىن پرەزيدەنتتىڭ باسپا ءسوز حاتشىسى داۋرەن ابايەۆ پرەزيدەنت ن. نازاربايەۆتىڭ قازاق تىلىنە قاتىستى مالىمدەمەسىنە تۇسىنىكتەمە بەردى، - دەپ حابارلايدى «قامشى» پورتالى.

«ورىس تىلىندە جازىلعان وتىنىشتەرگە قازاقشا جاۋاپ بەرگەن شەنەۋنىكتەر قىزمەتىنەن قۋىلسىن»، - دەگەن پرەزيدەنت مالىمدەمەسىنە قاتىستى داۋرەن ابايەۆ اقوردانىڭ «فەيسبۋك» الەۋمەتتىك جەلىسىندەگى بەتىندە بىلاي دەيدڭ:

«ءول سويلەگەن سوزىندە پرەزيدەنت شەنەۋنىكتەردىڭ مەملەكەتتىك قىزمەت كورسەتۋ كەزىندە ازاماتتاردىڭ تىلدىك سۇرانىسى ەسكەرىلۋى كەرەكتىگىن انىق ءتۇسىندىردى.

«تىلدەر تۋرالى» زاڭدا «مەملەكەتتىك جانە مەملەكەتتىك ەمەس ۇيىمداردىڭ ازاماتتاردىڭ وتىنىشتەرىنە جاۋاپتارى مەن باسقا دا قۇجاتتار مەملەكەتتىك تىلدە نەمەسە ءوتىنىش تۇسكەن تىلدە بەرىلەدى» دەلىنگەن. شەنەۋنىكتەر زاڭنىڭ ءبىر عانا بولىگىن باسشىلىققا الاتىن جاعدايلار كەزدەسەدى. پرەزيدەنت وسىنداي رەتيۆتى مەملەكەتتىك قىزمەتشىلەردى ايتقان بولاتىن.

ول مىسال رەتىندە ورىس تىلىندە جاسالعان ءوتىنىشتى كەلتىردى. ءبىراق، بۇل تالاپ بيلىك وكىلدەرى ازاماتتارعا قازاق تىلىندە جاۋاپ بەرە المايتىن جاعدايلارعا دا قاتىستى.

سوندىقتان دا، وسى تاقىرىپ توڭىرەگىندە الاڭداۋشىلىققا نەگىز جوق. مەملەكەتتىك ءتىلدى دامىتۋ – مەملەكەتتىك ساياساتتىڭ باستى باعىتتارىنىڭ ءبىرى جانە ونى شەكتەۋدىڭ كەز كەلگەن ءتۇرى قازاقستاننىڭ ۇلتتىق مۇددەلەرىنە قايشى كەلەدى»، - دەلىنگەن داۋرەن ابايەۆتىڭ اقوردا پاراقشاسىندا جاريالاعان جازباسىندا.

پرەزيدەنتتىڭ باسپا ءسوز حاتشىسىنا پرەزيدەنت مالىمدەمەسىنە قاتىستى تۇسىنىك بەرۋ تۋرالى Tengrinews.kz سايتى ءوتىنىش جاساعان.

ەستەرىڭىزگە سالساق، كەشە الماتى قالاسىنا ساپارى بارىسىندا پرەزيدەنت ءنۇرسۇلتان نازاربايەۆ وڭىرلەردە «تىلدەر تۋرالى» زاڭنىڭ تالاپتارى بۇزىلىپ وتىرعانىن، كەيبىر شەنەۋنىكتەر ورىس تىلىندە جازىلعان وتىنىشتەرگە قازاقشا جاۋاپ قاتىپ جاتقانىن ايتىپ، ونداي باسشىلاردى قىزمەتتەن قۋۋدى تاپسىرعان ەدى.