وڭتۇستىك قازاقستان وبلىسى ورداباسى اۋدانى امانگەلدى اۋلىندا ۇرلانعان بالانى كۇدىكتىمەن بىرگە كورگەن تاكسيشى انىقتالدى، - دەپ حابارلايدى «قامشى» پورتالى TVK-عا سىلتەمە جاساپ.
تاكسي جۇرگىزۋشىسى ولاردى تەمىرلان اۋلىنداعى اۋداندىق اۋرۋحاناعا جەتكىزگەن. سونداي-اق، ول كەلىنشەكتىڭ تاكسي قىزمەتى ءۇشىن كەلىسىلگەن سومادان 4 ەسە ارتىق اقشا تولەگەنىن ايتقان.
تەمىرلان اۋلىنداعى اۋرۋحانا شىمكەنت قالاسىنا جانە اۋەجايعا اپاراتىن جولدىڭ بويىندا ورنالاسقان. تاكسيدەن تۇسكەننەن كەيىن جوعالعان بالا مەن كۇدىكتى ايەلدى ەشكىم كورمەگەن.
ەستەرىڭىزگە سالساق، سەنبى كۇنى وقو ورداباسى اۋدانى امانگەلدى اۋىلىندا 1-سىنىپ وقۋشىسى مۇحاممەد قامشىبەك دەگەن بالا جوعالىپ كەتكەن ەدى. كۋاگەرلەر بالانى 50-55 جاس شاماسىنداعى بەلگىسىز كەلىنشەك مەكتەپتىڭ الدىنان ەرتىپ كەتكەنىن ايتقان. ءقازىر پوليسيا كۇدىكتىنىڭ فوتوروبوتىن جاساپ، ىزدەۋ شارالارىنا كىرىسكەن.
پىكىر قالدىرۋ