تۇركيادا ەل استاناسىنداعى لاڭكەستىك ارەكەتتى ۇيىمداستىردى دەگەن كۇدىكپەن 22 ادام تۇتقىندالدى. ولاردىڭ بارلىعى «كۇردىستاننىڭ جۇمىسشى پارتياسىمەن» بايلانىستا بولعان. بۇل تۋرالى پرەمەر-مينيستر احمەت ءداۋىتوعلى مالىمدەپ وتىر، - دەپ جازادى khabar.kz.
ونىڭ ايتۋىنشا، الداعى ۋاقىتتا قاۋىپسىزدىك شارالارى تەك انكارادا عانا ەمەس، بۇكىل ەل بويىنشا كۇشەيتىلەدى.
ەستەرىڭىزدە بولسا، 17 اقپاندا تۇركيا استاناسىندا ساربازدار مىنگەن اۆتوبۋس جانىندا كولىككە قويىلعان جارىلعىش زات ىسكە قوسىلعان بولاتىن. سالدارىنان 28 ادام قازا تاۋىپ، تاعى 81 كىسى جارالانعان. لاڭكەستىك ارەكەت ءۇشىن جاۋاپكەرشىلىكتى «كۇردىستان ەركىندىگىنىڭ سۇڭقارلارى» توبى ءوز موينىنا الدى.
پىكىر قالدىرۋ