دولى دا،دولى،دولى كۇن!
جۇرتىمنىڭ نەگە جولى مۇڭ؟
بيلىكتەن باستاپ ءبارىنىڭ،
جالتاقتىق باسقان كوڭىلىن.
ءبىز قازاق دەگەن xالىقپىز،
زامانى قالاي قۇبىلسا،
قيسايتقان ءسويتىپ بورىگىن.
قۋ تۇلكى عۇمىر كەشسە دە،
جۇرەگىن بەرگەن ءبورىنىڭ.
تىلىمە تيەك ەتەيىن،
تاۋقىمەت تارتقان بۇگىڭگى،
قازاقتىڭ ءاربىر ءوڭىرىن.

قاراعاندى دەپ جىلايمىن،
قىزدىرا الماعان كورىگىن،
كورشىگە بەرگەن كومىرىن.
ساپ قۇرار تالاي جىگىتتىڭ،
شاxتالار قيعان ءومىرىن.
وتقا جاعىپ ەگىنىن،
كارىستەر الدى بولشەكتەپ،
قانىشتىڭ تاپقان ءونىمىن.
'ەر جاقسىسى' دەگەندەي،
تۇرمەگە جاۋىپ سەرىگىن.
گەي كلۋبتا ءجۇر سىنىعى،
كەشەگى ساكەن سەرىنىڭ.

وسكەمەن دەپ جىلايمىن،
شۋىلداپ جۋرگەن شىگىسىم،
قازاقتار جاساپ جۇمىسىن،
ورىستار اساپ ىرىسىن.
اربالاپ كەتتى كۇيەۋى،
التايدىڭ التىن كۇمىسىن.
ورداسىنان ايىردىق،
ورالxاننىڭ كەربۇعىسىن.
پوليگون جۇتقان سەمەيدىڭ،
تارىلتىپ بىتتىك تىنىسىن.
التايى قىس كەلگەندە،
تەنتىرەپ جۇرگەن تۋىسىم.
قايراندا مەنىڭ قازەكەم،
ءوز ەلىڭ، ءوز جەرىڭ دە،
وگەي ۇلتتىڭ ءبىرىسىڭ.
وسىنشا بايتاق دالامدى،
قورعاپ ەد بابام كىم ءۇشىن.
ءتۇبى ءبىر قازاق قولعا الار،
ەر قابانبايدىڭ قىلىشىن.

كەرەكۋ دەپ جىلايمىن،
جانىمدى مۇڭمەن شەر جەيدى.
تاۋەلسىزدىك الساقتا،
پاۆلدىڭ اتى ولمەيدى.
كۋتۋزوۆتىڭ ورنىنا،
ماشەكەڭ نەگە كەلمەيدى؟!
ايتادى،كوڭىل سەنبەيدى،
جۇرەكتى قايتىپ ەمدەيدى؟
اسپان كوزدى قاباندار،
تورىمدە جاتىپ جەم جەيدى.
بايلىعىن قازىپ قازاقتىڭ،
ايلىعىن دۇرىس بەرمەيدى.
بيلىكتە جونگە كونبەيدى.
ورىس قۇلاسا كورەد(ءى) تە،
قازاق جىلاسا كورمەيدى.
مىنبەگە كەلگەن اكىمىن،
تۇرمەگە سالىپ جوندەيدى.
ودان دا سوتتامايدى ما؟
بايلىعىمدى توناعان،
يبراگيموۆ دەيتىن وزبەكتى،
ماشكەيەۆيچ دەگەن ەۆرەيدى.
كەتكەندەردى بەتىمەن،
سۇندەتتەگەن شەتىنەن،
ساعىنىپ كەتەم شوڭ ءبيدى.

كوكشەتاۋ دەپ جىلايمىن،
اسپان سۇيگەن ايدارىن.
بابام قورعاپ قالعان جەر،
ۇشىمەنەن نايزانىڭ.
اقان سەرىلەر شىرقاسا،
وقجەتپەسىڭ تۇگىلى،
تىڭداتقان دەيدى ايعا ءانىن.
سول جەردى كەشە ورىستان،
قورعاپ قالعان ءبىر تۇندە،
ارداقتى انام ايعانىم.
ءقادىرىڭدى تۇسىنبەس،
قاراعايىڭدى قىرقا ساپ،
كازينو سالعىش بايلارىڭ.
جەر بەتىنىڭ جارتىسى،
جاز بولسا ءورىپ جۇرەدى،
كولىڭنىڭ قالقىپ قايماعىن.
جىن ورداسى عىپ المايىق،
حان ورداسى اتانعان،
ابىلايدىڭ جايلاۋىن!

قوستاناي دەپ جىلايمىن،
باسقادان قويعان باستىعىن.
وتاردى سالىپ الدىنا،
باقتاشى قويعان قاسقىرىن.
قايراندا مەنىڭ قازەكەم،
تاۋ عىپ ۇيگەنمەن استىعىن،
تولتىرالماي ءالى ءجۇر،
ءتۇبى تەسىك قاپشىعىن.
ۇمىتتەنىپ كەلەدى،
ەرتەڭ بولار دەپ جاقسى كۇن!
ءتورىمدى تاپتاپ سارىلار،
تورەمنىڭ باۋىرى تاس بۇگىن.
جالعىز قالماسام بولار ەد،
بەيىتىندەي باقسىنىڭ.

پەتروپاۆل دەپ جىلايمىن،
ماسكەۋگە بۇرعان ەسىگىن.
بايۋ-بايۋمەن تەربەتكەن،
بوبەگى جاتقان بەسىگىن.
قىزىلسىراپ جاتپاس ەم،
قىزىلجار بولسا ەسىمىم.
باسا كوكتەپ باسقا ۇلتتار،
جۇرگىزەد دەيدى شەشىمىن.
بابامنان سۇراپ كەشىرىم،
قۇدايدىڭ كۇتتىم نەسىبىن.
كۇتەر مە ەكەن ءبىر باقىت،
بىتەر مە ەكەن وسى كۇن!

تارازىم دەپ جىلايمىن،
تاۋسىلماي قويدى اۋ قۋ سىناق.
ايىر قالپاقتى قىرعىزعا،
الاقان جايعان سۋ سۇراپ.
ەكىمىڭ جىلدىق قالادان،
ەكى كۇن سايىن شۋ شىعاد.
رۋxىم سولاي تۇنشىعاد(ى).
بۇگىڭگى كوكەك انالار،
دالادا قالعان بالالار،
جاۋابى جوق مىڭ سۇراق.
شۇكىر ەتۋدىڭ ورنىنا،
قۇدايعا نەگە قىرسىگاد(ى)؟
سەنەن باسقا ءبىر ادام،
الا الماي ءجۇر ۇل سۇراپ.
قايتەيىن كەيبىر ادامنىڭ،
كوكىرەگىنە تۇسپەي ءجۇر،
كورگە دە تۇسكەن كۇن شۋاق.

شىمكەنت دەپ جىلايمىن،
وزبەكتەر تەرىپ ماقتاسىن،
كيىم قىلىپ ساتقاسىن.
كارى-جاسى جاعالاپ،
سيىنىپ جۇرسە ارالاپ،
كەسەنەلەردىڭ قاقپاسىن.
ءنۇرالى دەيتىن نەمەلەر،
پايعامبارمىن دەپ شاتقاسىن.
مەكتەپتە وقيتىن قىزداردىڭ،
اياعى اۋىرلاپ جاتقاسىن.
ايبوزدارى الاشتىڭ،
قاي جاققا بۇردىڭ ات باسىن.
قازاقتى ازىپ-توزۋدان،
قۇدايىم ءوزى ساقتاسىن!

قىزىلوردا دەپ جىلايمىن،
تارتىلعان تەڭىز سۋلارى.
گەپتيلىنەن جەر قۋرادى.
ۋدان جامان ۋرانى،
دالامنىڭ بەتىن ۋلادى.
ادامنىڭ كونگىش قۋ جانى.
بايقوڭىرىم بولىپ تۇر،
رەسەيدىڭ تۋلاعى
سول جايلى ويلاندىما ەكەن؟
كەبەجە قارىن، كەڭ قۇرساق،
بيلىكتىڭ بوسپە قۋلارى.
تاۋەلسىزدىگىم تۋسا دا،
تاۋبەلى كۇنiم تۋمادى.

الماتى دەپ جىلايمىن،
كورىڭگەنىمەن سۇيكىمدى،
كوڭىلدى تەربەپ كۇي ءتۇرلى،
كۇندە جيىن ميتينگى.
تۋن بولسا جەرى جۇلقىنىپ،
قاشىراتىن ۇيقىڭدى.
الماتىنى ءبىر كەزدە،
الما باعى دەيتىندى.
ۇجۇماقتىڭ جەمىسىن،
سەنەن عانا ءجيتىندى.
ورىنىنا وردالى،
بايلار سوققان ءۇي تۇردى.
تاۋعا بارساڭ تۇرىكتەر،
قىرعا بارساڭ قىتايلار،
سىعىپ جاتىر ءبيتىڭدى.
بايراعى جوق بىرەۋلەر،
شەكەرادان كىرىپ اپ،
شىعارماسىن ءيتىندى.
اباي بول قازاق بالاسى،
تاۋەلسىزدىكتىڭ جولىندا،
قانشاما باستار ءۇيتىلدى...

اتىراۋ دەپ جىلايمىن،
ەلمەن ءبىر ءومىر سۇرمەگەن.
ماxامبەتتىڭ كەزىندە،
قازاققا ەشكىم كۇلمەگەن.
تۋىڭنان بولەك ادامدار،
تۋىرلىعىڭدى تىلمەگەن.
ال ءقازىر ساقتانعان دۇرىس،
سىرتتان كەلگەن كىرمەدەن.
ءبىرى بىلىققان دىنمەنەن.
ءبىرى بىلىققان جىنمەنەن.
مۇنايىڭدى بۇرعىلاپ،
ماڭدايىڭنان ۇرعىلاپ،
جىگەرىڭدى قۇم دەگەن،
جىبەگىڭدى جۇندەگەن.
ۇلدارىڭدى قۇل دەگەن،
قىزدارىڭدى كۇڭ دەگەن.
اباي بول قازاق بالاسى،
يتپەنەن بيرگە ۇيىقتاعان،
بىرگە ويانادى بۇرگەمەن.
قارقارام التىن قارنىم اش
قايدا بارىپ كۇن كورەم؟!

اقتوبە دەپ جىلايمىن،
سوزىمە قۇلاق سالىڭدار.
شاعىلىپ جاتقان تاۋىم بار،
تالاۋعا تۇسكەن مالىم بار،
اتىلىپ جاتقان ەرىم بار،
ساتىلىپ جاتقان ارىم بار.
قاسقالداقتاي قانىم بار!
باس بارماقتاي باعىم بار!
ۇشىرىپ ادام دەمەسەڭ،
4 قۇبىلاڭدى تىرەگەن،
اراق زاۋىتتى جابىڭدار.
اۋزىنان اللا تۇسپەگەن،
قىمىزدان باسقا ىشپەگەن،
كەشەگى قايدا نار ۇلدار؟
حانشالارمەنەن xانىمدار.
جىلاماگاندا قايتەسىڭ،
باسقارىپ وتسا جۇرتىمدى،
عالىمدار كەتىپ زالىمدار،
دارىندار كەتىپ قارىندار.

ماڭعىستاۋ دەپ جىلايمىن،
تۇلپارى كەتپەس كەرمەدەن.
بەكەت اتام جاتقان جەر،
شىراعى ءدىننىڭ سونبەگەن.
باتىستىڭ بىلعاپ ايدىنىن،
كاسپيدىڭ سورىپ بايلىعىن،
كاسىپ قىپ العان ماي مۇرىن،
كوك اتتىلار ءجۇر كولدەنەڭ.
قايراندا مەنىڭ قازەكەم،
بالىقشىنىڭ ۇلىنداي،
تەڭىزدە ءجۇرىپ شولدەگەن.
جانوزەن جاتىر جانىندا،
شىڭعىرتىپ وتقا سالسا دا،
شىقپاعان جانى كەۋدەدەن.
قابىرعاسىن قاۋساتىپ،
بىر-بىرىندەپ سوكسە دە،
قاباعىن شىتىپ كورمەگەن.
كىشى ءجۇزىم امان بول،
ارىسى ءولىپ كەتسە دە،
نامىسى بويدا سونبەگەن.

استانا دەپ كۇلەمىن،
ءسوزى دە نۇر،ءانى نۇر،
ءانى تۇگىل ءتانى نۇر،
ءتانى تۇگىل جانى نۇر،
جانى تۇگىل xانى نۇر!
استانادا ءبارى ءجۇر،
قازاناتىمنىڭ قاسىندا،
قابا جالدى جابى ءجۇر.
ازاماتىمنىڭ قاسىندا،
ازعان ۇرى-قارى ءجۇر.
كارولگە سەنگەن دامى ءجۇر.
التىلىقتىڭ جاعدايى،
تۇز كوزىرگە ءبارىبىر.
سۋىق قالا بولعانمەن،
سارىارقامنىڭ ءسانى بۇل.
قازاق امان بولسا ەكەن،
جانى بولەك، قانى ءبىر!

قۇماي دا، قۇماي،قۇماي كۇن!
قۇلديلاپ تومەن قۇلايمىن.
كۇيبەڭمەن وتكەن كۇندەرگە،
كۇلكىمدى بەرىپ مۇڭايدىم.
جارتىكەش ءتىلىم زارلانعان،
وبالىن كىمنەن سۇرايمىن.
ءدىنىمنىڭ ءدىڭى شايقالعان،
ءدارىس اپ ءجۇرمىز شايتاننان،
قۇدايعا ءقايتىپ ۇنايمىن؟!
شاشىلعان ەلدىڭ تارىداي،
شاڭىراعىن ءقايتىپ قۇرايمىن؟!
كەتىگى كەتكەن دۇنيەنىڭ،
تەتىگىن قالاي بۇرايمىن؟!
اداسىپ بارا جاتىرمىز،
امانىندا كۇن-ايدىڭ.
ەرى نامىسىن تاپتاعان،
ەلى ارىسىن جوقتاعان
قىزتەكەلەرى قاپتاعان،
ارۋى اردان اتتاعان،
نە زامان بولدى اقتابان؟
ارىلار ما ەكەن بۇ قايعىم؟
كوك بايراعىمدى قۇشاقتاپ،
قازاقتىعىم دەپ جىلايمىن.
ازاتتىعىم دەپ جىلايمىن!

اسپانبەك شۇعاتايەۆ