مىڭ قۇبىلعان مۇناي باعاسى بۇل جولى تاعى وزگەردى. ءتىپتى 2015 جىلدىڭ قاراشاسىنان تىركەلمەگەن مەجەنى كورسەتتى، ياعني برەنتتتىڭ ءبىر باررەلى 50 دوللارعا دەيىن جەتكەن، دەپ حابارلايدى Qamshy.kz 31 ارناعا سىلتەمە جاساپ.

باتىستىڭ  ساراپشىلارى 2016 جىلى بۇل كورسەتكىش 16 دوللاردى قۇرايدى دەپ بولجاعاندارى بار ەدى. الايدا، سەناريي مۇلدەم باسقا بولىپ شىقتى. ءتىپتى شەت ەلدىكتەردىڭ جورامالدارى قيسىنعا كەلمەيدى دەيدى ماماندار. ەلدەگى  ەكونوميستەردىڭ پايىمىنشا شيكىزاتتىڭ قازىرگى قۇنى الداعى ۋاقىتتا تۇراقتى بولادى.

ماقسات سەرالى، ەكونوميست:

- 48،30 مىندەتتى تۇردە تۇراقتى بولۋ كەرەك. وعان تەك ءبىر عانا جاعداي اسەر ەتپەۋى مۇمكىن. ول -  دوللاردىڭ تومەندەۋى.  سكلەيكا 3 جىلدىڭ كولەمىندە مۇنايدىڭ باعاسى ورتا ەسەپپەن 60 دوللاردىڭ توڭىرەگىندە ، نە بولماسا 60 دوللاردان اسۋى كەرەك.

بۇل رەتتە ءتول  تەڭگە كۇشەيە تۇسپەك. سايكەسىنشە، كوك قاعازدىڭ تەڭگەگە شاققانداعى قۇنى وزگەرەدى دەگەن ءسوز. ساراپشىلار مۇناي باعاسى 50-60 دوللاردىڭ توڭىرەگىندە بولسا، كۋرستىڭ قانداي بولاتىنىن وزىنشە بولجايدى.

- تەڭگەمىزدىڭ كۋرسى 280 مەن 300 تەڭگەنىڭ اراسىنا بارىپ قالۋى عاجاپ ەمەس.

مۇنىڭ ۇتىمدى تۇسى كوپ دەيدى ماماندار. شەت ەلدەن كەلەتىن تاۋارلار قۇنى ەداۋىر ارزانداماق. جالپى يمپورتتى تاۋارلار جالپاق جۇرتقا قولجەتىمدى بولا تۇسەدى. ءبىراق ۇلتتىق بانك تەڭگەنىڭ كۇشەيۋىنە توسقاۋىل قويىپ، ينتەرۆەنسيالار جۇرگىزۋى  مۇمكىن.

ماقسات حالىق، ەكونوميست:

- نەگىزىندە ينتەرۆەنسيا ەركىن اينالىمدا بولماۋى كەرەك. ال ينتەرۆەنسيا ارالاسۋ، بۇل دەگەنىمىز  بەلگىلى دارەجەدە بەكىتىلگەن كۋرسقا العاشقى كۋرسقا قايتا ورالۋ. سەناريىن كورسەتەدى. ءبىر سوزبەن ايتقاندا اقشانى جەلگە شاشۋ.

مامانداردىڭ بەرگەن بولجامى دا، قاداپ ايتقان مالىمەتى دە وسىنداي. انىعى، مۇنايلى مەملەكەتتەر قارا التىن ءوندىرۋدى ەداۋىر ازايتقان. سايكەسىنشە شيكىزاتقا سۇرانىس ءوسىپ باعا دا كوتەرىلگەن.  ءدال وسى باعا  مۇناي ءوندىرۋشى  مەملەكەتتەردىڭ قايتا جۇمىستارىنا كىرسىكەنشە ساقتالاتىنى بەلگىلى.