جاڭادان قۇرىلعان اقپارات جانە كوممۋنيكاسيا مينيسترلىگىنىڭ باسشىسى داۋرەن ابايەۆ فەيسبۋك الەۋمەتتىك جەلىسىنەن ءوز اككاۋنتىن اشتى، - دەپ حابارلايدى Qamshy.kz.

ءوز پاراشاسىنداعى العاشقى جازباسىندا مينيستر فەيسبۋكتىڭ ازاماتتىق بەلسەندىلىكتىڭ ايناسىنا اينالىپ وتىرعانىن ايتقان.

«قىمباتتى دوستار! فەيسبۋكتەن جەكە پاراقشا اشقانىم، ارينە، مەنىڭ جۇمىسىممەن بايلانىستى بولىپ وتىر. بۇگىندە فەيسبۋك-قاۋىمداستىق قازاقستاندىقتاردىڭ ازاماتتىق بەلسەندىلىگىنىڭ ايناسىنا اينالدى. ءبىزدىڭ ومىرىمىزدەگى وزەكتى دە وتكىر ماسەلەلەر وسىندا تالقىلانادى. مەن سىزدەرمەن تۇراقتى بايلانىستا بولا وتىرىپ قانا قوعام تىنىسىنىڭ تامىرىن باسىپ وتىرۋعا بولاتىنىنا سەنىمدىمىن»، - دەپ جازدى داۋرەن ابايەۆ.

سونداي-اق، مينيستر قازىرگى تاڭدا جاڭا مينيسترلىكتىڭ ۇيىمداستىرۋ ماسەلەلەرىمەن اينالىسىپ جاتقانىن، جاقىن كۇندەرى ءوز جوسپارلارىمەن ءبولىسىپ، ۇسىنىستار مەن يدەيالاردى قاراستىرا باستايتىنىن جازعان.

ەستەرىڭىزگە سالساق، داۋرەن ابايەۆ 6 مامىر كۇنى جاڭادان قۇرىلعان اقپارات جانە كوممۋنيكاسيا مينيسترلىگىنىڭ باسشىسى بولىپ تاعايىندالعان بولاتىن.