قاراعاندىداعى №15 مەكتەپتىڭ بەسىنشى سىنىپ وقۋشىسىنىڭ اناسى حابارلاسىپ، مەكتەپتە قىزى مەن ونىڭ سىنىپتاستارىنا "بالالار زورلىققا قارسى" اتتى تەستىلەۋدىڭ وتكىزىلگەنىنە شاعىم ءتۇسىردى. اناسى تەستىلەۋدىڭ سۇراقتارىنىڭ دۇرىس ەمەس ەكەنىن ايتادى، - دەپ حابارلايدى Qamshy.kz Tengrinews.kz –كە سىلتەمە جاساپ

ول بىرنەشە سۇراقتى مىسالعا كەلتىردى: "ساعان سەكس تۋرالى ۆيدەو كورۋگە ماجبۇرلەدى مە، جۋرنالداردا نەمەسە كومپيۋتەردە پورنوگرافيالىق فوتوگرافيالار كورۋگە ماجبۇرلەدى مە؟"، "دەنەڭنىڭ ينتيم بولىكتەرىن بىرەۋ ءتۇرتتى مە نەمەسە بىردەڭە جاساۋعا ماجبۇرلەدى مە؟"، "قارسى بولعان كەزىڭدە سەنىمەن سەكسپەن اينالىسۋعا ماجبۇرلەدى مە؟".

ءوز كەزەگىندە ق ر ءبىلىم جانە عىلىم مينيسترلىگىندەگىلەر بالالارعا كورسەتىلگەن زورلىق جاعدايلارىنىڭ، اقشا جيناۋ دەرەكتەرىنىڭ، سەكسۋالدىق زورلىق جاعدايلارىنىڭ كوبەيىپ كەتۋىنە بايلانىستى تەستىلەۋلەردىڭ بالالاردىڭ قۇقىعىن قورعاۋ جونىندەگى كوميتەتتىڭ تاپسىرىسى بويىنشا ءوتىپ جاتقانىن ايتتى. 

"وسى الەۋمەتتىك زەرتتەۋدىڭ اياسىندا "قازاقستاننىڭ داعدارىس ورتالىقتارىنىڭ وداعى" وقۋشىلار اراسىندا زورلىق دەرەكتەرىن انىقتاۋ ماقساتىندا انكەتا جۇرگىزۋدى كەڭەس ەتتى. زەرتتەۋدىڭ قورىتىندىسى بويىنشا ومىرلىك قيىن جاعدايعا تاپ بولعان بالالارعا جانە بالالارعا قاتىستى زورلىقتىڭ الدىن الۋعا باعىتتالعان قۇرالداردى جەتىلدىرۋ بويىنشا ۇسىنىستار ازىرلەنەدى، - دەپ حابارلادى ۆەدومستۆوداعىلار. 

مينيسترلىكتەگىلەردىڭ ايتۋىنشا، وسىعان بايلانىستى الماتى، قاراعاندى جانە وڭتۇستىك قازاقستان وبلىستارىندا ۇكىمەتتىك ەمەس ۇيىم مەن ءبىلىم بەرۋ ورگاندارى انونيم تەستىلەۋدىڭ جۇرگىزىپ جاتقانىن ءتۇسىندىردى.