اتاۋلى كۇندەر، وقيعالار، ەسىمدەر

/uploads/thumbnail/0_small.jpg
11 ماۋسىم، دۇيسەنبى

ەستە قالار وقيعالار

94 جىل بۇرىن (1918) «الاش» قازاق ۇلتتىق قوزعالىسى كەڭەس ۇكىمەتىنىڭ قازاقستان اۋماعىنداعى بارلىق دەكرەتتەرىن زاڭسىز دەپ جاريالادى.

21 جىل بۇرىن (1991) قازاقستان رەسپۋبليكاسىنىڭ جاڭا ەكونوميكالىق قۇرىلىمداردى قولداۋ جانە مونوپوليالىق قىزمەتتى شەكتەۋ مەملەكەتتىك كوميتەتى قۇرىلدى. قازاقستان رەسپۋبليكاسى پرەزيدەنتىنىڭ 1993 جىلعى قاڭتاردىڭ 11-ىندەگى جارلىعىمەن اتالمىش كوميتەت قازاقستان رەسپۋبليكاسىنىڭ مونوپولياعا قارسى ساياسات جونىندەگى مەملەكەتتىك كوميتەتى بولىپ قايتا قۇرىلدى.

20 جىل بۇرىن (1992) ق ر پرەزيدەنتى نۇرسۇلتان نازاربايەۆتىڭ «قازاقستان رەسپۋبليكاسىنىڭ اسكەري سوتى جانە اسكەري پروكۋراتۋرا ورگاندارى تۋرالى» قاۋلىسى قابىلداندى.

13 جىل بۇرىن (1999) قازاقستان رەسپۋبليكاسىنىڭ «ءبىلىم بۋرالى» زاڭى جاريالاندى

11 جىل بۇرىن (2001) ەلباسى نۇرسۇلتان نازاربايەۆ ەلورداداعى جاڭا نىساندار: ەسىل وزەنى ۇستىمەن وتەتىن اۆتوموبيل كوپىرىندە، «ماستەر» قۇرىلىس ماتەريالدار ورتالىعىندا، قازاق مەملەكەتتىك زاڭ اكادەمياسىنىڭ فيليلالىندا بولدى.

10 جىل بۇرىن (2002) ەلباسى نۇرسۇلتان نازاربايەۆ سولتۇستىك قازاقستان وبلىسىنىڭ سەليننىي اۋدانىن عابيت مۇسىرەپوۆ اتىمەن اتاۋ تۋرالى جارلىققا قول قويدى.

4 جىل بۇرىن (2004) ەلباسى نۇرسۇلتان نازاربايەۆ «قازاقستان رەسپۋبليكاسىندا تۇرعىن ءۇي قۇرىلىسىن دامىتۋدىڭ 2005-2007 جىلدارعا ارنالعان مەملەكەتتىك باعدارلاماسى تۋرالى» جارلىققا قول قويدى.

418 جىل بۇرىن (1594) تاۋەكەل حان جىبەرگەن قازاق ەلشىلىگى ماسكەۋگە باردى. پاتشا ۇكىمەتى كوشىم حانمەن قاقتىعىسىپ قالا بەرگەن سوڭ، تاعى دا وزىنە وداقتاس ىزدەي باستادى. ول وداقتاس رەسەيمەن ۆاسسالدىق قاتىناسقا تۇسكەن قازاق جەرى عانا بولا الاتىن ەدى. بۇل كەزدە قازاقستانعا بۇقار حاندىعى ءقاۋىپ توندىرە باستاعان بولاتىن. سوندىقتان دا بۇل وداقتاستىق ەكى جاققا دا ءتيىمدى ەدى.

5 جىل بۇرىن (2007) وسكەمەننىڭ ءتورت ورتالىق كوشەسى جاڭا اتاۋلارمەن وزگەرتىلدى. بۇرىنعى لەنين داڭعىلى - تاۋەلسىزدىك داڭعىلى، قىزىل قىران جاعالاۋى - الەكساندر پروتوزانوۆ اتىنداعى كوشە دەپ اتالدى. تەكستيلششيكتەر داڭعىلى - اكادەميك قانىش ساتبايەۆتىڭ، ەرماك كوشەسى - جاقىپبەك مالدىبايەۆتىڭ ەسىمدەرىنە يە بولدى.

بۇدان باسقا قالانىڭ ورتالىق الاڭى - رەسپۋبليكا الاڭى، ال قالالىق ساياباق - «جاستار» ساياباعى دەپ اتالدى. قالانىڭ تاعى ءبىر كوشەسى پانكراتيەۆ باعىنىڭ نەگىزىن قالاعان گۋستاۆ ۆينتەنيۋستىڭ، سولتۇستىك جاعالاۋدا سالىنىپ جاتقان جاڭا داڭعىل ءىلياس ەسەنبەرليننىڭ ەسىمدەرىن يەلەندى.

5 جىل بۇرىن (2007) رەسەيدە سەمەيلىك جازۋشىنىڭ «ستالين - رازگادكا سفينكسا» اتتى كىتابى جارىق كوردى. كىتاپتىڭ اۆتورى مارات احمەتوۆ - بۇرىنعى جۋرناليست، ءبىزدىڭ رەسپۋبليكامىزدا كسرو-نى باسقارعان تاريحي ادامدار تۋرالى جازاتىن ادامداردىڭ بىردەن ءبىرى.

«ستالين - رازگادكا سفينكسا» كىتابىندا يوسيف دجۋگاشۆيلي باسقا تۇرعىدان بەينەلەنگەن. كىتاپ اۆتوردىڭ ەكى ەل مۇراعاتىندا ىزدەنىس جۇمىستارىن وتكىزىپ جانە ءستاليندى جەكە تانىعان ادامدارمەن كەزدەسۋ ناتيجەسىندە جاسالعان حرونيكالىق-دەرەكتى شىعارما بولىپ تابىلادى.

3 جىل بۇرىن (2009) قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قاتىسۋىمەن قوستاناي وبلىسى رۋدنىي قالاسىندا «سسكبوب» اق №6 تەس-ى ەنەرگوبلوگى ىسكە قوسىلدى. جوبانىڭ قۇنى - 8241،3 ملن. تەڭگە، ال قۋاتتىلىعى - 63 مۆت.

ەسىمدەر

74 جىل بۇرىن (1938) جازۋشى، اۋدارماشى، رەجيسسەر جىلقىبايەۆ ەدۋارد دۇنيەگە كەلدى.

ماسكەۋ قالاسىندا تۋعان. قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن. مەكتەپتە، كوركەمسۋرەت ۋچيليششەسىندە ۇستازدىق ەتكەن. حالىق تەاترىندا رەجيسسەر، سۋرەتشىلەر وداعىندا اعا رەفەرەنت، قازاق تەلەديدارىندا باس رەداكتوردىڭ ورىنباسارى، «نيۆا» جۋرنالىندا رەداكتور بولعان. ءقازىر «كازاحستانسكايا پراۆدا» گازەتىندە ءبولىم مەڭگەرۋشىسى. العاشقى ماقالالارى 1956 جىلى جارىق كورگەن. «مارتوۆسكيي سنەگ»، «دولگايا رابوتا»، «ليۋبوۆ حۋليگانا. سەرگەي ەسەنين ي اگۋستا ميكلاشيەۆسكايا»، «سوبستۆەننوست اۆتورا» اتتى كىتاپتارى جارىق كورگەن. جازۋشى ج.تىلەكوۆتىڭ، ن.اقىشيەۆتىڭ كىتاپتارىن، ت.ماماسەيىتوۆتىڭ اڭگىمە، پوۆەستەرىن اۋدارعان.

73 جىل بۇرىن (1939-2000) كينووپەراتور، كينورەجيسسەر، كسرو كينەماتوگرافيستەر وداعىنىڭ مۇشەسى بايۇزاقوۆ الماس حاسەن ۇلى دۇنيەگە كەلدى.

ول «سوۆەتتىك قازاقستان» كينوجۋرنالى ءۇشىن 100-دەن اسا سيۋجەت، 20-دان اسا فيلم ءتۇسىردى. ولاردىڭ كوپشىلىگى بۇكىلوداقتىق كينوفەستيۆالداردا جۇلدەلى ورىندارعا يە بولىپ، جاقسى باعاسىن الدى. كينوپۋبليسيستيكانىڭ وزىق ۇلگىسى بولىپ تابىلاتىن ءوزىنىڭ كوپتەگەن حرونيكالىق-دەرەكتى فيلمدەرىنە ەلىنىڭ تاريحى مەن ەلىنە ەلەۋلى ازاماتتاردىڭ عۇمىرىن ارقاۋ ءوتتى. ا.بايۇزاقوۆ «ساكەن سەيفۋللين. ءومىرى مەن ونەرى»، ل.ميرزويان تۋرالى «پارتيا مەن حالىققا جاۋ بولعان جوق»، چەكيست س.جاقىپوۆ ترالى «№ 0239-شى ءىستىڭ پاراقتارى» اتتى فيلمدەر ءتۇسىردى.

73 جىل بۇرىن (1939) مەديسينا عىلىمىنىڭ دوكتورى، پروفەسسسور وماروۆ تاريح دۇنيەگە كەلدى.

الماتى وبلىسىندا تۋعان. الماتى مەملەكەتتىك مەديسينا ينستيتۋتىن، ماسكەۋدەگى تۋبەركۋلەز اۋرۋلارى عىلىمي-زەرتتەۋ ينستيتۋتىنىڭ اسپيرانتۋراسىن بىتىرگەن. ول قازاق تۋبەركۋلەز عىلىمي-زەرتتەۋ ينستيتۋتىندا، ماسكەۋدەگى تۋبەركۋلەز اۋرۋلارى عىلىمي-زەرتتەۋ ينستيتۋتىندا جۇمىس ىستەگەن. عالىمنىڭ 200-دەن استام عىلىمي جاريالانىمى جارىق كورگەن.

148 جىل بۇرىن (1864-1949) نەمىس كومپوزيتورى ءارى ديريجەرى، بەرليندەگى ونەر اكادەمياسىنىڭ مۇشەسى، وپەرا جانە سيمفونيا ديريجەرلەرىنىڭ كورنەكتى وكىلدەرىنىڭ ءبىرى شتراۋس ريحارد دۇنيەگە كەلدى.

ول ف.ليست پەن گ.بەرليوزدىڭ باعدارلامالىق ءسيمفونيزمى ءداستۇرىن، ر.ۆاگنەردىڭ وركەسترلىك ءتاسىلىن ونان ءارى دامىتتى. ونىڭ سيمفونيالىق شىعارمالارى بەينەلى مۋزىكا تىلىمەن ءارى وتكىر بەينەلەۋ تاسىلىمەن ەرەكشەلەنەدى. شتراۋس - 14 وپەرانىڭ، 4 سيمفونيانىڭ، 6 باعدارلامالىق سيمفونيالىق پوەمانىڭ، كونسەرتتەردىڭ، كامەرالىق اسپاپتىق شىعارمالاردىڭ، حور، اندەردىڭ اۆتورى.

102 جىل بۇرىن (1910-1997) فرانسيانىڭ اتاقتى مۇحيت زەرتتەۋشىسى، كينورەجيسسەر، ونەرتاپقىش، فوتوگراف، فرانسيا اكادەمياسىنىڭ مۇشەسى كۋستو جاك يۆ دۇنيەگە كەلدى.

فرانسيانىڭ سەن-اندرە-دە-كيۋبزاك قالاسىندا تۋعان. فرانسيانىڭ تەڭىز اكادەمياسىن بىتىرگەن.

1943 جىلى ەميل گانيانمەن بىرگە اكۆالانگتى ويلاپ تاۋىپ، ونى سىناقتان وتكىزدى.

كۋستو «كاليپسو» كەمەسىمەن مۇحيتتىڭ گرافيكالىق زەرتتەۋلەرىن جۇرگىزدى. فرەدەريك ديۋمامەن بىرلەسىپ جازعان «ۆ ميرە بەزمولۆيا» اتتى كىتابى كۋستوعا اتاق الىپ كەلدى. 1956 جىلى كىتاپ بويىنشا تۇسىرىلگەن ءفيلمى «وسكار» جانە «زولوتايا پالموۆايا ۆەتۆ» سىيلىعىن يەلەندى.

1957 جىلدان موناكوداعى مۇحيتتانۋ ينستيتۋتىنىڭ ديرەكتورى بولدى. بۇكىلالەم كورەرمەندەرىنە كەڭىنەن تانىمال فيلمدەردىڭ اۆتورى. 1973 جىلى تەڭىز ورتاسىن قورعاۋ كوممەرسيالىق ەمەس «كۋستو قوعامىن» قۇردى.

«ءتىرى تەڭىز»، «دەلفيندەر»، «جاك كۋستو: مۇحيت الەمى» كىتاپتارىنىڭ اۆتورى.

66 جىل بۇرىن (1946) «شىعىس-باتىس» كورپوراتيۆتىك قورىنىڭ اتقارۋشى ديرەكتورى، ىشكى قىزمەت پولكوۆنيگى، زاڭ عىلىمىنىڭ كانديداتى ۋالييەۆ حاسان قۇسايىن ۇلى دۇنيەگە كەلدى.

شىعىس قازاقستان وبلىسى سەمەي قالاسىندا تۋعان. سەمەي جەڭىل ونەركاسىپ تەحنيكۋمىن، بۇكىلوداقتىق توقىما جانە جەڭىل ونەركاسىپ سىرتتاي وقىتۋ ينستيتۋتىن، كسرو ىشكى ىستەر مينيسترلىگى قاراعاندى جوعارى مەكتەبىن بىتىرگەن. ەڭبەك جولىن سەمەي تەرى-مەح بىرلەستىگىندە دانەكەرشى-رەتتەۋشى بولىپ باستاپ، سەمەي وبلىستىق «سۋارناقۇرىلىس» باسقارماسىنىڭ دانەكەرشىسى، تۇرمىستىق قامسىزداندىرۋ باسقارماسىنىڭ اعا ينجەنەرى، كرۋپسكايا اتىنداعى تىگىن فابريكاسىنىڭ باس ينجەنەرى، وبلىستىق پارتيا كوميتەتىنىڭ نۇسقاۋشىسى بولعان. 1984-1990 جىلدارى - سەمەي وبلىستىق اتقارۋ كوميتەتىنىڭ ىشكى ىستەر باسقارماسى ەڭبەكپەن تۇزەۋ مەكەمەسىنىڭ ءبولىم باستىعى، باسقارما پارتيا كوميتەتىنىڭ حاتشىسى. 1990-1993 جىلدارى - اتىراۋ وبلىستىق ىشكى ىستەر باسقارماسى باستىعىنىڭ ورىنباسارى. 1993-1994 جىلدارى - قاراعاندى وبلىستىق ىشكى ىستەر باسقارماسى باستىعىنىڭ ورىنباسارى. 1994-1997 جىلدارى - قازاقستان رەسپۋبليكاسى ىشكى ىستەر مينيسترلىگى باس قىلمىستىق تۇزەتۋ جۇيەلەرى باسقارماسى باستىعىنىڭ ءبىرىنشى ورىنباسارى، باستىعى. 1997-1998 جىلدارى - قازاقستان رەسپۋبليكاسى ىشكى ىستەر مينيسترلىگى قىلمىستىق تۇزەتۋ جۇيەلەرى دەپارتامەنتىنىڭ ديرەكتورى. 1998-2001 جىلدارى - قازاقستان رەسپۋبليكاسى ىشكى ىستەر مينيسترلىگى كادر جانە تاربيە جۇمىستارى دەپارتامەنتىنىڭ ديرەكتورى قىزمەتتەرىن اتقارعان. قازىرگى قىزمەتىندە 2001 جىلدىڭ قازان ايىنان باستاپ ىستەيدى.

61 جىل بۇرىن (1951) جۇڭگو حالىق رەسپۋبليكاسىنداعى قازاقستان رەسپۋبليكاسى ەلشىلىگىنىڭ كەڭەسشىسى، گەنەرال-مايور ۋاجانوۆتۇرسىن ءۇشباي ۇلى دۇنيەگە كەلدى.

شىعىس قازاقستان وبلىسى زايسان قالاسىندا تۋعان. كسرو مقك-ىنىڭ فەليكس دزەرجينسكيي اتىنداعى جوعارى شەكارالىق-كوماندالىق ۋچيليششەسىن، كسرو مقك-ىنىڭ قىزىل تۋلى ينستيتۋتىن بىتىرگەن. 1972-1979 جانە 1982-1985 جىلدارى - كسرو مقك-ىنىڭ شىعىس شەكارا وكرۋگى زايسان شەكارا وتريادىنىڭ وفيسەرى، اعا وفيسەرى. 1985-1987 جىلدارى - شىعىس شەكارا وكرۋگى كۇرشىم شەكارا وتريادىنىڭ ءبولىم باستىعىنىڭ ورىنباسارى. 1987-1993 جىلدارى - ءۇشارال شەكارا وتريادى باستىعىنىڭ ورىنباسارى - ءبولىم باستىعى - جەدەل ءبولىم باستىعىنىڭ ورىنباسارى، باستىعى. 1993-1995 جىلدارى - قازاقستان رەسپۋبليكاسى شەكارا اسكەرلەرى شتابى باستىعىنىڭ ورىنباسارى - اقپاراتتىق-ساراپتاما ءبولىمىنىڭ باستىعى، شەكارالىق باقىلاۋ ءبولىمىنىڭ باستىعى. 1995-1998 جىلدارى - قازاقستان رەسپۋبليكاسى قورعانىس مينيسترلىگى مەملەكەتتىك شەكارانى قورعاۋ جونىندەگى كوميتەتىنىڭ، قازاقستان رەسپۋبليكاسى مەملەكەتتىك شەكارانى قورعاۋ جونىندەگى مەملەكەتتىك كوميتەتىنىڭ شتاب باستىعىنىڭ ورىنباسارى - شەكارالىق باقىلاۋ باسقارماسىنىڭ باستىعى. 1998-1999 جىلدارى - مەملەكەتتىك شەكارانى قورعاۋ كۇشتەرى باس شتابى باستىعىنىڭ ورىنباسارى، قازاقستان رەسپۋبليكاسى قورعانىس مينيسترلىگى سىرتقى قاتىناس قىزمەتىنىڭ باستىعى. 1999-2007 جىلدارى - قازاقستان رەسپۋبليكاسى ۇكك شەكارا قىزمەتى ديرەكتورىنىڭ ورىنباسارى - باس باسقارمانىڭ باستىعى قىزمەتتەرىن اتقارعان. قازىرگى قىزمەتىندە 2007 جىلدان باستاپ ىستەيدى.

ءىى دارەجەلى «ايبىن» وردەنىمەن، كسرو-نىڭ بىرنەشە مەدالدارىمەن، 2ء-شى دارەجەلى «شەكارا اسكەرلەرىنىڭ ۇزدىگى» بەلگىسىمەن، «ينتەرناسيونالشى جاۋىنگەرگە ريزالىقتى اۋعان حالقىنان» مەدالىمەن ماراپاتتالعان.

45 جىل بۇرىن (1967) ق ر پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى رومانوۆسكاياسۆەتلانا يۋريەۆنا دۇنيەگە كەلدى. رەسەي فەدەراسياسىنىڭ ءنوۆوسىبىر وبلىسىندا تۋعان. حالىق شارۋاشىلىعى ينستيتۋتىن، حالىق شارۋاشىلىعى اكادەمياسىن، «ادىلەت» جوعارى قۇقىق مەكتەبىن بىتىرگەن. زاڭ عىلىمدارىنىڭ كانديداتى. حالىق شارۋاشىلىعى ينستيتۋتىن بىتىرگەننەن كەيىن «اۋەزوۆ اۋداندىق ازىق-تۇلىك ساۋداسى» مەملەكەتتىك كاسىپورنىندا كوتەرمە جانە بولشەك ساۋدانى ۇيىمداستىرۋ مەن باسقارۋ مەڭگەرۋشىسى بولدى. 1992 - 1994 جىلدارى - «سايران» ج ش س باس بۋحگالتەرى. 1996 جىلدان باستاپ - «ءمىنسىز بيزنەس كاسىپورىندارى قاۋىمداستىعى» تاۋەلسىز ارالىق سوتىنىڭ ءتورايىمى. 2001 جىلدان باستاپ - «ۇيرەتۋشى باپكەرلەر ليگاسى» رەسپۋبليكالىق قوعامدىق بىرلەستىگى باسقارماسىنىڭ ءتورايىمى. 2001 - 2003 جىلدارى - «ادىلەت» جوعارى قۇقىق مەكتەبى، ازاماتتىق قۇقىق كافەدراسىنىڭ دوسەنتى، «تۇتىنۋشىلار قۇقىقتارى زاڭى سالاسىنداعى تاجىريبەلىك-تەوريالىق نەگىزدەر» ءپانىنىڭ وقىتۋشىسى. 2001 - 2011 جىلدارى - «BBC R Group» ج ش س باس ديرەكتورى. 2003 جىلدان باستاپ - قازاقستان رەسپۋبليكاسىنىڭ پرەزيدەنتى جانىنداعى ۇلتتىق كەڭەستىڭ مۇشەسى. 2005 جىلدان باستاپ - «قازاقستان تۇتىنۋشىلار ليگاسى» قاۋىمداستىعى» زاڭدى تۇلعالار بىرلەستىگى باسقارماسىنىڭ ءتورايىمى. 2005 جىلدان باستاپ - «الەۋمەتتىك جاۋاپتى بيزنەسكە» ISO 26000 بەرۋ بويىنشا دۇنيەجۇزىلىك ISO اشىق كوميتەتىنىڭ وكىلى. 2005 جىلدان باستاپ - سانكت-پەتەربۋرگ مەملەكەتتىك ۋنيۆەرسيتەتىنىڭ داۋلاردى شەشۋدەگى دەلدالدىق وكىلى، مەدياتور. 2005 جىلدان باستاپ - زەرتتەۋ جانە داۋلاردى شەشۋ ينستيتۋتىنىڭ (CR) حالىقارالىق داۋلاردى شەشۋدەگى دەلدالدىق وكىلى، مەدياتور. 2007 جىلدان باستاپ - قازاقستان رەسپۋبليكاسى پارلامەنتىنىڭ ءماجىلىسى جانىنداعى قوعامدىق پالاتانىڭ مۇشەسى. 2010 جىلدان باستاپ - «مەدياسيا» بىتىمگەرشىلىگى جانە مەدياسيا ءبىرىڭعاي ورتالىعى» قوعامدىق بىرلەستىگى باسقارماسىنىڭ ءتورايىمى، وقىتۋشى. 2012 جىلعى قاڭتاردان باستاپ - بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. «نۇر وتان» حالىقتىق دەموكراتيالىق پارتياسىنىڭ مۇشەسى، پارتيالىق ءتىزىم بويىنشا سايلانعان. «قازاقستان كونستيتۋسياسىنا 10 جىل»، «استانانىڭ 10 جىلدىعى» «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالدارىمەن، «2007 - جىل ايەلى»، اسا كورنەكتى ۇلەسى جانە كاسىبي جەتىستىكتەرى ءۇشىن امەريكاندىق ءومىرباياندىق ينستيتۋتىنىڭ ەسكەرتكىش مەدالىمەن، استانا قالاسىنىڭ «اجار» قازاقستان ايەلدەرى جەتىستىكتەرىن قوعامدىق تانۋ تۋرالى ۇلتتىق سىيلىعىمەن ماراپاتتالعان. مەملەكەتتىك، حالىقارالىق، ۇكىمەتتىك ەمەس ۇيىمداردان العان العىستارى بار.

43 جىل بۇرىن (1969) قىزىلوردا وبلىسى اكىمىنىڭ ورىنباسارى الپامىسوۆ اباي ابدىسامەت ۇلى دۇنيەگە كەلدى.

1969 جىلى دۇنيەگە كەلگەن. 1993 ج. - م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن. 1998 ج. - ءال-فارابي اتىنداعى قازاق ۇلتتىق ۋنيۆەرسيتەتىن اياقتاعان وقىپ ءتامامداعان. 1993-1994 جىلدارى قازاقستان رەسپۋبليكاسىنىڭ ەكونوميكا مينيسترلىگى جانىنداعى ەكونوميكا جانە نارىقتىق قاتىناستار عىلىمي زەرتتەۋ ينستيتۋتىنىڭ كىشى عىلىمي قىزمەتشىسى بولىپ جۇمىس ىستەگەن. 1994 جىلى مەملەكەتتىك تۇرعىن ءۇي قۇرىلىس بانكىنىڭ يپوتەكالىق كرەديتتەۋدى جانە ەكىنشى دەڭگەيدەگى باعالى قاعازداردى دامىتۋ ءبولىمىنىڭ باستىعى قىزمەتىندە ىستەگەن. 1994-1995 جىلدارى مەملەكەتتىك تۇرعىن ءۇي قۇرىلىس بانكىنىڭ ەكونوميكالىق تالداۋ جانە قارجىلىق جوسپارلاۋ ءبولىمىنىڭ باستىعى. 1995 جىلى «تۇرانبانك» قازاق اكسيونەرلىك بانكىنىڭ بانك قىزمەتىن جوسپارلاۋ باسقارماسىنىڭ ەكونوميكالىق تالداۋ جانە بولجامداۋ ءبولىمىنىڭ باستىعى. 1995-1996 جىلدارى «تۇرانبانك» قازاق اكسيونەرلىك بانكىنىڭ پاسسيۆتىك وپەراسيالار باسقارماسىنىڭ باستىعى. 1996 جىلى «تۇرانبانك» قازاق اكسيونەرلىك بانكىنىڭ جوسپارلاۋ-ەكونوميكالىق دەپارتامەنتىنىڭ ديرەكتورى. 1996-1997 جىلدارى «تۇرانبانك» قازاق اكسيونەرلىك بانكىنىڭ جەزقازعان وبلىستىق باسقارماسىنىڭ باستىعى. 1997 جىلى «تۇرانالەم بانك» جاق اكتيۆتەردى جانە پاسسيۆتەردى تالداۋ باسقارماسىنىڭ باستىعى. سول جىلى «كازمەت» ج ش س قارجى ديرەكتورى. 1997-1998 جىلدارى «قازاقويل» ۇلتتىق مۇنايگاز كومپانياسى قارجىلىق ديرەكسياسىنىڭ قارجىلىق تالداۋ دەپارتامەنتىنىڭ ديرەكتورى. 1998-1999 جىلدارى «قازاقويل» ۇلتتىق مۇنايگاز كومپانياسىنىڭ اتىراۋ قالاسىنداعى وكىلدىگىنىڭ ديرەكتورى. 1999-2000 جىلدارى «وزەنمۇنايگاز» ااق ەكونوميكا ماسەلەلەرى جونىندەگى ءبىرىنشى ۆيسە-پرەزيدەنتى، جاڭاوزەن قالاسى. 2000-2001 جىلدارى «قازاقويل» ۇلتتىق مۇنايگاز كومپانياسى پرەزيدەنتىنىڭ كەڭەسشىسى، استانا قالاسى  2003 جىلى «تەمىر جولى» ساۋدا ءۇيى» جاق ۆيسە-پرەزيدەنتى، استانا قالاسى. 2004-2005 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى اپپاراتى باسشىسىنىڭ ورىنباسارى. 2005-2006 جىلدارى قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى. 2006-2007 جىلدارى «قازىنا» ورنىقتى دامۋ قورى» اق باسقارۋشى ديرەكتورى، استانا قالاسى. 2007 جىلى «Kazyna Capital Management» اق باسقارما ءتوراعاسى، الماتى قالاسى.

2012 جىلدىڭ 11 ناۋرىزىنان باستاپ، قىزىلوردا وبلىسى اكىمىنىڭ ورىنباسارى قىزمەتىن اتقارىپ كەلەدى.

41 جىل بۇرىن (1971) قوستاناي وبلىسى اكىمىنىڭ ورىنباسارى  دارىبايەۆ مۇرات امانگەلدى ۇلى دۇنيەگە كەلدى.

1971 جىلى تۋعان. 1996 جىلى الماتى اۆتوموبيل-جول ينستيتۋتىن «ينجەنەر-قۇرىلىسشى» بىلىكتىلىگى بويىنشا «ۇزدىك» جانە 2004 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن «ەكونوميست» ماماندىعى بويىنشا «ۇزدىك» بىتىرگەن. 1989 جىلدىڭ ماۋسىمىنان 1991 جىلدىڭ ماۋسىمىنا دەيىن كسرو قارۋلى كۇشتەرىندە اسكەري بورىشىن وتەدى. ەڭبەك جولىن 1996 جىلى «اۆس-پارفيۋم» اكسيونەرلىك قوعامىندا ەكونوميست رەتىندە باستادى. 1997 جىلدىڭ ناۋرىزىنان 2000 جىلدىڭ قاڭتارىنا دەيىن ەكونوميكا جانە ساۋدا مينيسترلىگى جانىنداعى ەكونوميكالىق زەرتتەۋلەر ينستيتۋتۋنىڭ ەكونوميستى، عىلىمي قىزمەتەكەرى، كەيىن - سەكتور مەڭگەرۋشىسى. 2000 جىلدىڭ قاڭتارىنان 2002 جىلدىڭ قاراشاسىنا دەيىن قازاقستان رەسپۋبليكاسى پرەزيدەنت اكىمشىلىگى الەۋمەتتىك-ەكونوميكالىق تالداۋ ءبولىم سەكتورىنىڭ باس ساراپشىسى، كەيىن - مەڭگەرۋشىسى. 2002 جىلدىڭ قاراشاسىنان 2003 جىلدىڭ شىلدەسىنە دەيىن يندۋستريا جانە ساۋدا مينيسترلىگى شاعىن بيزنەستى قولداۋ كوميتەتى ءتوراعاسىنىڭ ورىنباسارى. 2003 جىلدىڭ شىلدەسىنەن 2004 جىلدىڭ اقپانىنا دەيىن قازاقستان رەسپۋبليكاسى تابيعي مونوپوليالاردى رەتتەۋ جانە باسەكەلەستىكتى قورعاۋ اگەنتتىگىنىڭ دەپارتامەنت ديرەكتورى. 2004 جىلدىڭ جەلتوقسانىنان 2005 جىلدىڭ ساۋىرىنە دەيىن يندۋستريا جانە ساۋدا مينيسترلىگىنىڭ دەپارتامەنت ديرەكتورى. 2005 جىلدىڭ ساۋىرىنەن 2006 جىلدىڭ قاراشاسىنا دەيىن قازاقستان رەسپۋبليكاسىنىڭ قاۋىپسىزدىك كەڭەس حاتشىلىعىنىڭ باس ينسپەكتورى. 2006 جىلدىڭ قاراشاسىنان 2007 جىلدىڭ قاراشاسىنا دەيىن قازاقستان رەسپۋبليكاسى پرەزيدەنت ءىس باسقارماسى «بۇركىت» مەملەكەتتىك اۋە كومپانياسى» رمك ديرەكتورىنىڭ ءبىرىنشى ورىنباسارى. 2007 جىلدىڭ قاراشاسىنان 2008 جىلدىڭ ناۋرىزىنا دەيىن قازاقستان رەسپۋبليكاسى پرەزيدەنت اكىمشىلىگى الەۋمەتتىك-ەكونوميكالىق تالداۋ ءبولىم مەڭگەرۋشىسىنىڭ ورىنباسارى.

2008 جىلدىڭ ءساۋىر ايىنان باستاپ قازاقستان رەسپۋبليكاسى يندۋستريا جانە ساۋدا مينيسترلىگى ونەركاسىپ كوميتەتىنىڭ ءتوراعاسى. قازىرگى قىزمەتىندە - 2012 جىلعى ناۋرىزدان بەرى

55 جىل بۇرىن قوستاناي وبلىسى اكىمىنىڭ ورىنباسارى بەكتۇرعانوۆ سەرىك شىڭعىس ۇلى دۇنيەگە كەلدى.

قاراعاندى   وبلىسى   جاڭا-ارقا   اۋدانىنىڭ   اتاسۋ    ستانسياسىندا    تۋعان. 1979 جىلى قاراعاندى مەملەكەتتىك ۋنيۆەرسيتەتىن فيزيكا ءپانىنىڭ وقىتۋشىسى ماماندىعى بويىنشا بىتىرگەن. 1979 جىلى  رۋدنىي يندۋستريالدىق ينستيتۋتىنىڭ وقىتۋشىسى. 1981 - 1984 جىلدارى قوستاناي قۇرىلىس تەحنيكۋمى  كومسومول  كوميتەتىنىڭ حاتشىسى. 1984 - 1986 جىلدارى قوستاناي قالالىق  كوميتەتىنىڭ ءبولىم مەڭگەرۋشىسى.1986 - 1988 جىلدارى. قوستاناي قۇرىلىس تەحنيكۋمىنىڭ وقىتۋشىسى.1988 - 1991 جىلدارى قوستاناي قالالىق كومسومول كوميتەتىنىڭ ەكىنشى، ءبىرىنشى حاتشىسى. 1991 - 1993 جىلدارى قوستاناي قالاسى، «سوسيالنايا سلۋجبا مولودەجي» قاۋىمداستىعى ءتوراعاسىنىڭ ورىنباسارى، ءتوراعاسى. 1993 - 1995 جىلدارى قوستاناي قالالىق اكىمشىلىگى باسشىسىنىڭ ورىنباسارى 1995 - 1997 جىلدارى قوستاناي قالاسى اكىمىنىڭ ورىنباسارى. 1997 -  2001 جىلدارى قوستاناي وبلىسى اكىمىنىڭ ورىنباسارى. 2001 - 2005 جىلدارى قوستاناي قالاسى، «ستومەد» ج ش س كوممەرسيالىق ديرەكتورى. 2005 جىلى قازاقستان رەسپۋبليكاسى اگەنتتىگىنىڭ مەملەكەتتىك قىزمەت ىستەرى جونىندەگى اۋماقتىق باسقارماسىنىڭ باستىعى  - قازاقستان رەسپۋبليكاسى اگەنتتىگىنىڭ قوستاناي وبلىسى بويىنشا مەملەكەتتىك قىزمەت ىستەرى تارتىپتىك كەڭەسىنىڭ ءتوراعاسى. 2005 جىلدان وسى كەزگە دەيىن قوستاناي وبلىسى اكىمىنىڭ ورىنباسارى  «استانا»، «قازاقستان رەسپۋبليكاسىنىن تاۋەلسiزدiگiنە 10 جىل»مەدالدارىمەن ماراپاتتالعان. «قازاقستان رەسپۋبليكاسى ءبىلىم بەرۋ ءىسىنىڭ ۇزدىگى».

65 جىل بۇرىن (1947) م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ءارتىسى  جانعالييەۆا باقىت دۇنيەگە كەلدى.

اقتوبە وبلىسىنىڭ شالقار اۋىلىندا تۋعان. اقتوبە مادەني-اعارتۋ ۋچيليششەسىن جانە قۇرمانعاز اتىنداعى ونەر ينسيتۋتىنىڭ اكتەرلىك فاكۋلتەتىن بىتىرگەن. سپەكتاكلدەردە جانە كينوفيلمدەردە كوپتەگەن رولدەردى سومدادى.

ق ر ەڭبەك سىڭىرگەن ءارتىسى. «قۇرمەت» وردەنىمەن ماراپاتتالعان. ب.ريموۆا اتىنداعى فەستيۆاولدىڭ لاۋرەاتى.

قازاقپارات كۇنتىزبەسى

پىكىر قالدىرۋ

قاتىستى ماقالالار