جەمقورلىقپەن كۇرەس كۇشەيسە دە، لاۋازىمدى تۇلعالار مەملەكەتتىك باعدارلاماعا بولىنگەن قارجىنى قالتالارىنا سالار ادەتتەرىنەن ارىلا الماي وتىر. بۇل جولى قارجى پوليسياسى، سۋعا بولىنگەن ءبىر جارىم ميلليارد تەڭگەنى تالان-تاراجقا سالعان سۋ رەسۋرستارى كوميتەتىنىڭ لاۋازىمدى وكىلدەرىنىڭ ۇستىنەن قىلمىستىق ءىس قوزعادى. ال، رەداكسيامىزعا "اۋىز سۋىمىز جوق" دەپ كۇنىنە ون اۋىلدىڭ تۇرعىندارى قوڭىراۋ شالادى. اتاعىمىز التى قۇرلىققا جەتتى دەپ، ماقتاناتىن ەلىمىزدىڭ التى تامشى سۋعا نەگە جارىماي وتىرعانىن ليمارا ساليح انىقتاپ كورگەن ەدى.

ارمانعا اينالعان اۋىز سۋ. الماتى وبلىسى، پەرۆوماي كەنتىنىڭ تۇرعىندارى، سۋدىڭ سىلدىرىن ساعىنعان. كوكتەم كەلگەن سايىن، قۇبىرلارىنداعى سۋ توقتاپ، قۇدىقتار قۋراپ كالادى دەپ اشىنادى ازاماتتار. كوپشىلىك سۋسىز ومىرلەرىنىڭ سەبەبىن بىلگىلەرى كەلەدى، الايدا، جاعدايدى جاي-جاپسارىنا جەتكىزىپ بەرەر جاعالىلار جوق دەيدى. ءتىپتى، تىرشىلىك نارىنە ءزارۋ بولعان بۇقارا، اۋىز سۋدى الۋ ءۇشىن تەكشەسىنە توقسان بەس تەڭگەدەن تولەپ وتىرعان كورىنەدى. اۋىز سۋعا اقشا ايار ازامات جوق. تەك تىرشىلىك ءنارىنسىز قالدىرماسا بولعانى دەيدى. ناتاليا سالەچينا، الماتى وبلىسى ىلە اۋدانى پەرۆومايكا اۋىلدىق وكرۋگىنىڭ تۇرعىنى: -تۇندە تامشىلاپ اققان سۋدى جيناپ الىپ، سول سۋمەن كىر جۋامىز، ءوزىمىز جۋىنامىز، ايتەۋىر ولمەستىڭ كۇنىن كورىپ ءجۇرمىز. الماتى اۋماعىنداعى شاعىناۋدان حالقى دا، 12 جىلدان بەرى اۋىز سۋدى سۇراپ ءىشىپ وتىر. قالتاسىندا قارجىسى بارلار، سۋ تاسيتىن كولىكتىڭ كەلگەنىن اڭديدى. بولاتبەك بەيىمبەتوۆ، الماتى قالاسى قالقامان 3 شاعىناۋدانىنىڭ تۇرعىنى: -2000 جىلى كوشىپ كەلدىك. سودان بەرى ءبىر ادام قۇساپ سۋ ءىشىپ كورگەن جوقپىز. بوتاگوز نۇرقالييەۆا، الماتى قالاسى قالقامان 3 شاعىناۋدانىنىڭ تۇرعىنى: -بيىل بارىپ ەدىك، اكىمنىڭ ورىنباسارى ءۇش ساۋساقتان ءبىر فيگۋرا كورسەتىپ، سۋ بەرىلمەيدى دەدى. ال، وزگە دە ايماقتارداعى اۋىز سۋ ماسەلەسى ءماز ەمەس. كەي جەرلەردە، ءتىپتى "اۋىز سۋ" مەملەكەتتىك باعدارلاماسى بويىنشا سۋ قۇبىرلارى تارتىلعانىمەن، تىرشىلىك ءنارى جەتپەپتى. بۇل جاعداي قاراعاندىداعا دۋبوۆكا اۋىلىنا باينالىستى. جىل بىسىندا باسشىلار، اۋىلداعى سۋ جۇيەسى قايتا جوندەۋدەن ءوتتى دەپ ءسۇيىنشى سۇراعان-دى. الايدا، قۇبىردىڭ وتىز پايىزىنا كۇردەلى جوندەۋدىڭ قاجەت ەكەنى كوپ ۇزاماي انىق بولدى. ۆەرا چەبوتار، دۋبوۆكا اۋىلىنىڭ تۇرعىنى: ء-بىز مۇلدەم ۇيدە شومىلۋ دەگەندى ۇتىمقالى قاشان؟ تۋىسقاندارىمىزدىڭ ۇيىنە بارامىز. سۋدى كورمەگەلى كوپ بولدى. 2002-2010-شى جىلدارعا ارنالعان "اۋىز سۋ" باعدارلاماسىن مەملەكەت بەكىتتى. بۇقارا بورىكتەرىن اسپانعا لاقتىردى قۋانعاننان. الايدا، وسى اپتادا، ەلىمىزدىڭ قارجى پوليسياسى، اۋىلشارۋاشىلىق مينيسترلىگىنىڭ سۋ رەسۋرستارى كوميتەتىنىڭ لاۋازىمدى تۇلعالارىن قازىنا قارجىسىن قالتالارىنا سالدى دەپ ايىپ تاعىپ، قىلمىستىق ءىس تە قوزعادى. جاعالىلاردىڭ، جەتى وبلىستا ورنالاسقان وتىز التى سۋ شارۋاشىلىعىن تەكسەرۋگە بولىنگەن ءبىر جارىم ميلليارد تەڭگەنى سۋعا اعىزعانى انىقتالدى. مۇرات جۇمانباي، ق ر ەكونوميكالىق قىلمىس جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى: -رەسپۋبليكانىڭ جەتى وبلىسىندا ورنالاسقان 36 سۋ شارۋاشىلىعىنىڭ جۇيەلەرىمەن، گيدروتەحنيكالىق قۇرىلعىلاردى تەكسەرۋگە "اۋىز سۋ " باعدارلاماسى بويىنشا بولىنگەن 1.5 ملرد تەڭگە ۇرلاۋ فاكتىسى بويىنشا اۋىلشارۋاشىلىق مينيسترلىگىنىڭ سۋ رەسۋرستارى كوميتەتىنىڭ لاۋازىمدى تۇلعالارى مەن وزگە تۇلعالارعا قىلمىستىق ءىس قوزعالدى. ليمارا ساليح، ءتىلشى: جەتى مىڭنان استام ەلدى-مەكەندى سۋمەن قامتاماسىز ەتۋگە ءتيىس بولعان "اۋىز سۋ" باعدارلاماسى قارقىندى باستالعانىمەن، بيۋدجەت قاراجاتىن جىمقىرعان شەندىلەردىڭ كەسىرىنەن اياقتالماي جاتىپ جابىلعان-دى. ال، ءدال وسى اتقامىنەرلەر، قازاقستانداعى سۋ جۇيەسىنىڭ جەتپىس پايىزى ىستەن شىققان، سەگىز جارىم مىڭ شاقىرىم سۋ قۇبىرى جەدەل تۇردە جوندەۋدى قاجەت ەتەتىنىن جينالىستاردا بىرنەشە مارتە جالپاق جۇرتقا جاريا ەتكەن. قالاي بولعاندا دا، ءبىر تامشى سۋعا زار بولعان بۇقارانىڭ كۇيىن ءتۇسىنۋ قالتالىلارعا قيىن.

31 ارنا جاڭالىقتارى