يسا قۇلتۋمايەۆ ماڭعىستاۋ وبلىسىنىڭ جەتىباي اۋىلىنان الماتىعا ادىلدىك ىزدەپ كەلگەن. ەكى جىل بۇرىن ول سارايدان 16 جاستاعى ۇلىن اسىلىپ تۇرعان كۇيىندە تاۋىپ العان. جەرگىلىكتى تەرگەۋشىلەر مۇنىڭ وزىنە قول جۇمساۋ دەپ شىعارىپ، ءىستى تەزىرەك جابۋعا تىرىسىپتى.

بۇل تۋرالى  Qamshy.kz Stan.kz-كە   سىلتەمە جاساپ  حابارلايدى.

الايدا، جەتكىنشەكتىڭ جاقىندارى مۇنىڭ ادام ءولتىرۋ ءىسى ەكەنىنە كۇمان كەلتىرمەيدى. ءتىپتى، اكەسى ۇلىنىڭ ءولىمىنىڭ سەبەبىن دە بىلەتىن كورىنەدى. ونىڭ نەگىزگى سەبەبى – ەرتەدەن كەلە جاتقان «بوتەلكە» ويىنى.

يسا قۇلتۋماەتىڭ ايتۋىنشا، اۋىلداستارى «بوتەلكە» ويىنىن وينايدى. ويىندا جەڭىلگەن ادام ۇيلەنۋى ءتيىس.

«ويىنشىلار دوڭگەلەنە وتىرىپ الىپ، بوتەلكەنى اينالدىرادى. بوتەلكەنىڭ باسى كىمگە قاراپ توقتاسا، سول ادام ۇيلەنۋى كەرەك بولادى. وسىلاي ويناپ وتىرعاندا بوتەلكە يسانىڭ ۇلى ابدراحمانعا قاراعان. الايدا، ول ۇيلەنۋدەن باس تارتادى»، – دەيدى بالانىڭ ادۆوكاتى ءابىلعازى نابييەۆ الماتىداعى پرەسس-كونفەرەنسيادا.

يسانىڭ ءوزى وقيعا بولاردان بىرەر ۋاقىت بۇرىن بالالاردىڭ كەلگەنىن، ولار ۇلىمەن «ەر ازاماتتارشا سويلەسۋىن» تالاپ ەتكەن. الايدا، اكەسى ولاردى قۋىپ جىبەرىپتى. كەيىننەن ۇلى دۇكەننەن ساعىس الامىن دەپ شىعىپ كەتىپ، سول كۇيى ورالماعان.

ابدراحماندى اۋىل شەتىنەن تاپقان. ول اعاشقا اسىلعان كۇيىندە تابىلدى. ونىڭ اسىلعان كۇيى جاقىندارى مەن قورعاۋشىسىنى كۇمانىن تۋعىزدى.

«مەن بويىم 184 سم بولسا دا گاراجدىڭ توبەسىنە جەتە المادىم. ءتىپتى تەرگەۋ مالىمەتتەرىندە كەلتىرىلگەن تاستىڭ ۇستىنە شىقسام دا جەتۋ مۇمكىن بولمادى. ال، ابدراحماننىڭ بويى نەبارى 174 سم»، – دەيدى ادۆوكاتى.

ەڭ تاڭدانارلىعى پوليسەيلەر بالانىڭ ولىمىنە اكەسىن كىنالاۋعا تىرىسىپتى. ويتكەنى يسا مۇسىلمان بولعاندىقتان، ناماز وقيدى، ءوزى قاجىلىققا بارعان ادام. پوليسەيلەر ونىڭ قاتال اكە بولعانىن، سوندىقتان ۇلى وزىنە قول جۇمساۋعا بارعانىن ايتقان.

«مەن قاجىلىقتان كەلگەن سوڭ ۇلىما ناماز وقى دەپ ايتا باستادىم. الايدا، مەن ءدىني كوزقاراستان بولەك تولەرانتتىلىقتى ۇستانامىن. ءار بالا ناماز وقۋ-وقىماۋىن ءوزى شەشۋى كەرەك»، – دەيدى اكەسى.

اكەسى مۇنداي ايىپتىڭ ارتىندا تەرگەۋشىلەردىڭ ءبىرى تۇرعانىن ايتادى. ويتكەنى، ول وزىنە كۇدىكتى بالالاردىڭ ءبىرىنىڭ اعاسى. سوندىقتان دا ويىن ويناعان بالالار بۇل ىستە تەك كۋاگەرلەر رەتىندە قاراستىرىلعان. ءىستىڭ ءوزى بەس رەت جابىلىپتى.

ەندى قايتىس بولعان جىگىتتىڭ تۋىستارى ءىىم باسشىسىنان ايماققا ورتالىق مينيسترلىك اپپاراتىنىڭ قىزمەتكەرلەرىن جىبەرۋدى، جۇمباق ءىستى تەكسەرىپ شىعۋدى  سۇراپ وتىر.