كۋبا ليدەرى فيدەل كاسترو بۇگىن ومىردەن ءوتتى. قازانى كۋبا مەملەكەتتىك تەلەارناسىندا ءىنىسى راۋل كاسترو «كۋبا ريەۆوليۋسياسىنىڭ كوشباسشىسى جۇما كۇنى فيدەل كاسترو 90 جاسىندا جەرگىلىكتى ۋاقىت 22. 29-دا ومىردەن وزدى» دەپ جاريا ەتتى. XX عاسىردا اتى قالعان الەم ليدەرى تۋراسىندا الەمدىك ب ا ق ءتۇرلى دەرەكتەر جاريالاپ جاتىر.

وسىدان 10 جىل بۇرىن Guardian باسىلىمى وعان ومىرىندە 638 رەت قاستاندىق جاسالعانىن جازعان.  

كۋبا ۇكىمەتىنىڭ وكىمىمەن ەل حالقى كۋبالىق ريەۆوليۋسيا كوشباسشىسى فيدەل كاسترونىڭ قايتىس بولۋىنا بايلانىستى توعىز كۇن بويى ازا تۇتادى. ازا تۇتۋ سەنبىدە باستالىپ،  4 جەلتوقسان، جەكسەنبى كۇنى اياقتالادى.

راۋل كاسترو ءوزىنىڭ اعاسى، كۋبا ريەۆوليۋسياسىنىڭ كوشباسشىسى فيدەل كاسترونىڭ سەنبى كۇنى كرەماسيالاناتىنىن حابارلادى.

نۇرسۇلتان نازاربايەۆ قازاقستان حالقىنىڭ جانە جەكە ءوزىنىڭ اتىنان دوستىق پەيىلدەگى كۋبا رەسپۋبليكاسىنىڭ حالقىنا كوڭىل ايتتى.

سونداي-اق، «كۋبا ريەۆوليۋسياسىنىڭ كوشباسشىسى فيدەل كاسترو دۇنيەدەن ءوتتى. مەن ونىمەن 1995 جىلدىڭ قاڭتار ايىندا گاۆانادا كەزدەسكەن بولاتىنمىن»، - دەپ جازدى توقايەۆ Twitter جەلىسىندەگى پاراقشاسىندا.