الماتىدا ادامدار كوپ جۇرەتىن جەرلەردە ورنالاسقان ساۋدا ورتالىقتارىن سالافيتتەر «يەمدەنىپ»» جاتىر. بۇل تۋرالى «31 ارنا» دابىل قاقتى.  قالا تۇرعىندارى دىنگە جاۋاپتى باسقارمادا دا سالافيتتەر جاسىرىنعان جانە توپ بولىپ ساۋدا جاسايتىن قانشا ورتالىقتىڭ بارىن اشىق تۇردە ايتىپ بەرگەن. باسقارمانىڭ مالىمەتىنشە، ءتۇر-تۇلعاسى كۇدىك تۋعىزاتىن دىنشىلدەردىڭ نەگىزگى ورىنى "كار سيتي"، "كوكبازار" جانە  ورتالىق مەشىتتىڭ ماڭى ەكەن. سونداي-اق، ولاردى  ۇيالى تەلەفونداردى ساتۋمەن نەمەسە جوندەۋمەن اينالىساتىن دۇڭگىرشەكتەردەن كوپ كەزدەستىرۋگە بولادى.

 بۇل الماتىداعى كوكبازار مەن ورتالىق مەشىت ماڭى.  بىلايعى ومىردە ءسىز ولاردى بايقاي بەرمەۋىڭىز مۇمكىن. انىقتاپ قاراساڭىز، راسىمەن بەتىن تۇمشالاعان قىزدار مەن  قىسقا بالاقتى، قاۋقا  ساقالدى جىگىتتەر ءورىپ ءجۇر.

 قالا تۇرعىندارىنىڭ ءبىرى عانيبەك سەرىكوۆ: «بارىمىزدە يمامعا نيەت ەتەمىز عوي ناماز وقىعاندا. ولار ەرەكشە. باتا قايتارماي تۇرىپ كەتىپ قالادى. وتىرايدى. تۇرىپ تۇرادى. توپ بوپ جۇرەدى وزدەرى. ولاردى توقتاتىپ جاتقان ەشكىم جوق» دەپ كەييدى.

الماتى قالاسى ءدىن ىستەرى جونىندەگى باسقارمانىڭ باسشىسى ايدار ەسەنبەكوۆ تۇرعىندار ءسوزىنىڭ جانى بار ەكەنىن ايتىپ: «بەلگىلى ءبىر شوعارلانعان ورتالىقتار بار ەكەنى ول جاسىرىن ەمەس. ءبىراق ونى ءبىز سىرتتاي عانا انىقتاي الامىز ەندى. ياعني، سىرتقى بەينەسىنە قاراپ»، دەدى.

 الماتى قالاسى ءدىن ىستەرى جونىندەگى باسقارما دا   سالافيزم اعىمىنىڭ وكىلدەرىنىڭ ەڭ كوپ شوعىرلانعان ورتالىعىنا وسى كوك بازار، كار سيتي ساۋدا ورنى جانە ورتالىق مەشىت ماڭىن جاتقىزىپ وتىر.

الايدا باسقارما باسشىسى، ولاردىڭ ارتىندا كىمدەر تۇر دەگەن سۇراققا جاۋاپ بەرگىسى كەلمەيدى.  

ەڭ قىزىعى، جاي عانا سايكەستىك بولۋى مۇمكىن، ءبىراق بازار ماڭىن جاعالاعان ساقالدىلاردىڭ دەنى ۇيالى تەلەفون ساتۋمەن نەمەسە  جوندەۋمەن اينالىسادى ەكەن.  ەستەرىڭىزدە بولسا، الماتىدا پوليسيا بولىمىنە شابۋىل جاساپ، 5 ادامدى اتىپ ولتىرگەن رۋسلان كۇلىكبايەۆ تا بۇرىن ۇيالى تەلەفون ساتۋمەن اينالىسقان.