دج. حوپكينس ۋنيۆەرسيتەتىنىڭ ورتالىق ازيا ءجان كاۆكاز بويىنشا ينستيتۋتتىڭ ءتوراعاسى فرەدەريك ستارر قازاقستان ەكونوميكاسىن دامىتۋعا قاتىستى ءبىرقاتار كەڭەستەر بەردى، دەپ حابارلايدى «قامشى» پورتالى. ول كەڭەستەرىن «قازاقستان رەسپۋبليكاسىنىڭ تاۋەلسىزدىگىنە 25 جىل: ناتيجەلەر، جەتىستىكتەر، كەلەشەك كوكجيەگى»  تاقىرىبىنداعى حالىقارالىق كونفەرەنسيادا ايتقان.

تابىستى مەملەكەتتەردىڭ قاتارىنا قوسىلۋ ءۇشىن قازاقستاننىڭ ەكونوميكاسىن بارىنشا ءارتاراپتاندىرۋ قاجەت ەكەنىن ايتقان فرەدەريك ستارر،  قازاقتارعا ەڭ الدىمەن اۋىل شارۋاشىلىعىن دامىتۋ جۇمىسىنا ەرەكشە دەن قويۋ قاجەت ەكەندىگىن ەسكەرتتى.

«قازاقستاندا «استانا» xالىقارالىق قارجى ورتالىعىن قۇرۋ دا  باتىل باستامالاردىڭ ءبىرى. الايدا شاعىن جانە ورتا بيزنەستى دە ۇمىتپاۋ قاجەت. ولارعا نەسيەلەردى كوپتەپ بەرۋ كەرەك. بولاشاقتا، شامامەن 10 جىلدان كەيىن شاعىن جانە ورتا كاسىپكەرلەردىڭ سانى بارىنشا كوپ بولعان ءجون. ماسەلەن، سول كەزدە «حان شاتىر» ساۋدا ورتالىعىنداعى بۋتيكتەرگە شەتەلدىكتەر ەمەس، قازاقستاندىق بيزنەسمەندەر يەلىك ەتۋى ءتيىس»، - دەيدى ف.ستار.