كەزدەسۋگە پرەزيدەنت اكىمشىلىگى باسشىلىعىنىڭ، اقپارات جانە كوممۋنيكاسيالار مينيسترلىگى مەن باسقا دا مەملەكەتتىك ورگانداردىڭ وكىلدەرى قاتىستى. بۇل تۋرالى اقوردانىڭ باسپا ءسوز قىزمەتى حابارلادى.
كەزدەسۋ بارىسىندا ەلىمىزدىڭ مەملەكەتتىك بۇقارالىق اقپارات قۇرالدارىنىڭ باسشىلارى ەلباسىعا وزدەرى باسقارىپ وتىرعان ۇيىمنىڭ قىزمەتى تۋرالى باياندادى.
قازاقستان پرەزيدەنتى سونداي-اق مەملەكەتتىك باق-تاردىڭ جەتىستىكتەرىمەن جانە دامۋ جوسپارلارىمەن تانىستى. مەملەكەت باسشىسى جاستارعا ادامگەرشىلىك تاربيە بەرۋگە ىقپال ەتەتىن ساپالى وتاندىق مەدياكونتەنت ازىرلەۋدىڭ ماڭىزدىلىعىن اتاپ ءوتتى.
– مەملەكەتتىك بۇقارالىق اقپارات قۇرالدارى مەديا نارىقتا ءوز ورنىن يەلەنۋى ءۇشىن جۇمىس ىستەۋى كەرەك. قىزىقتى جانە اقپاراتتى كونتەنتتىڭ، سونىڭ ىشىندە الەمدىك مادەنيەت جانە تاريح تۋرالى كونتەنتتىڭ كوبىرەك بولعانى قاجەت، – دەدى نۇرسۇلتان نازاربايەۆ.
وتاندىق ب ا ق باسشىلارى مەملەكەت باسشىسىنا قازاقستاننىڭ اقپارات كەڭىستىگىندەگى قازىرگى احۋال مەن ونىڭ دامۋ كەلەشەگى تۋرالى ايتتى.
سوڭىندا قازاقستان پرەزيدەنتى باسەكەگە قابىلەتتى مەملەكەتتىك بۇقارالىق اقپارات قۇرالدارىن قالىپتاستىرۋ قاجەتتىگىن اتاي وتىرىپ، ءبىرقاتار ناقتى تاپسىرما بەردى.
