سوڭعى 3 جىلدا شەتەلدە ءدىني ءبىلىم الىپ جۇرگەن 400-دەي ستۋدەنت قازاقستانعا قايتارىلعان. شەتكە ءىلىم ىزدەپ بارعاندار كوبىنە پاكىستان، بانگلادەش، مالايزيا، ساۋد ارابياسى مەن كورشى قىرعىز ەلدەرىنە تۇراقتايدى. ويتكەنى وسى ەلدەردە وقۋعا ءتۇسۋ، ۆيزا مەن وزگە قىزمەتتەر تەگىن. بۇل ءدىني ساۋاتتى باسقا باعىتقا بۇرۋ ءۇشىن جاسالعان جاعداي ەكەنى تۇسىنىكتى دەيدى پروكۋرورلار.

ستۋدەنتتەردى ەلگە قايتارۋ «ەكسترەميزم مەن تەرروريزمگە قارسى كۇرەس باعدارلاماسى» اياسىندا جۇزەگە اسۋدا.

پروكۋرورلار، كەلەسى جىلى شەتتە جۇرگەن 13 ستۋدەنتتى قايتارۋ باستى مىندەتىمىز، دەپ وتىر. بۇل ەكسترەميزم مەن تەرروريزمنىڭ الدىن الۋ تەتىكتەرىنىڭ ءبىر پاراسى. ويتكەنى سوڭعى كەزدەرى جات اعىمدا جۇرگەندەردىڭ سىرتتان بارعان ستۋدەنتتەردىڭ ساناسىن ۋلاۋ دەرەگى كۇرت كوبەيگەن.

ايتا كەتەر بولساق، بيىل قازاقستان ەكى بىردەي لاڭكەستىك وقيعا ورىن الىپ، سالدارىنان قازاقستاندا تەرروردىڭ سارى دەڭگەيى، اقتوبە مەن الماتىدا قىزىل دەڭگەيى جاريالانعان ەدى. بيلىك رەسمي تۇردە اتالعان قىلمىستى سالافيتتەردىڭ جاساعانىن جاريالاعان بولاتىن.