(ماكس پەن تالعاتقا – بوستاندىق!)

(جەردىڭ ءجۇزىن جالماپ كەلگەن ءۇش الىپ،

كۇدىگىم بار،

«كەتە مە دەپ جوعالىپ»...)

جەر انا دا شالدىعىپتى ناۋقاسقا،

جۇرەگىمدەي،

ويپى-تويپى

قوزعالىپ...

تۇرعانداي-اۋ،

بارشا الەم جۇتالىپ،

باس سالارداي بىر-بىرىنە وت الىپ.

جوق ەمەس-اۋ،

قورقىنىشتىڭ بارى راس

«سوعىس ءورتى كەتە مە – دەپ، – تۇتانىپ؟».

وتكەرگەندە،

باستان تالاي زۇلماتتى،

ساباق الار

باستا ەشتەڭە قالماپتى.

سارى سۇرگىن، قۋ قىرعىنعا ۇشىراپ،

تالاي ۇلتتار ءوزىن-وزى جالماپتى.

قاق جارىلدىق،

باي،

كەدەيگە ءبولىنىپ،

كەلە جاتىر،

ءاي، بىردەڭە كورىنىپ...

ويلاماي ما،

ەل ريزىعىن جەگەندەر

«قالار-اۋ – دەپ، – تۋىرلىعىم ءتىلىنىپ؟»

تاستاياقتاي قاعىستىرعان قازاقتى،

نە ىستەرسىڭ بۇل،

يمانى جوق كاززاپتى؟!

«ەلدى قورعاۋ،

جەردى قورعاۋ – قىلمىس!» دەپ،

سوتتاپ وتىر

جەر قورعاعان قازاقتى!

ۇلت نامىسى –

ماكس پەنەن تالعاتتى،

«قىلمىسكەر» – دەپ وپاسىزدار،

تاڭداپتى.

يساتاي مەن ماحامبەتتىڭ –

ءور رۋحىن

مۇقىم قازاق ەكەۋىنەن اڭداپتى.

(وسى بولار –

ار-نامىسىڭ سوتتالعان!

كورەر جارىق،

بولاشاعىڭ وتالعان...)

نامىسىڭدى جىرتىپ،

سودان سوتتالعان:

ماڭگى باقي –

ماكس پەنەن تالعاتتىڭ

ماحامبەت پەن يساتايداي جاتتالىپ –

ەسىمدەرى،

ەل ەسىندە ساقتالعان!

قۋانىش مۇقتاي

28.11.16 جىل