30 قاراشا، «ەگەمەن قازاقستان» رەسپۋبليكالىق گازەتى» اكسيونەرلىك قوعامى ديرەكتورلار كەڭەسىنىڭ وتىرىسى ءوتىپ، ونىڭ شەشىمى بويىنشا قوعامنىڭ باسقارما مۇشەلەرى قۇرامىندا وزگەرىستەر بولدى. باسقارما ءتوراعاسىنىڭ جاڭا ورىنباسارلارى بولىپ جاندوس بادەل ۇلى جانە ايبىن شاعالاقوۆ تاعايىندالدى.
وسى شەشىمگە سايكەس، احمەتقالي ۋتيگالييەۆ باسقا جۇمىسقا اۋىسۋىنا بايلانىستى باسقارما ءتوراعاسىنىڭ ورىنباسارى قىزمەتىنەن بوساتىلدى. ال ەركىن قىدىر باسقارما ءتوراعاسىنىڭ ورىنباسارى قىزمەتىنەن بوساتىلىپ، باسقارما ءتوراعاسىنىڭ كەڭەسشىسى بولىپ تاعايىندالدى.
سونىمەن قاتار بۇگىن باسقارما ءتوراعاسىنىڭ شەشىمىمەن گازەتتىڭ ءبولىم باسشىلارى قىزمەتىن اتقارىپ كەلگەن سەيفوللا شايىنعازى مەن عابيت مۇسىرەپ باس رەداكتوردىڭ ورىنباسارلارى بولىپ تاعايىندالدى.
