ءانشى Sia موڭعوليادان بۇركىتشى قازاق قىزى ايشولپان نۇرعايىپ تۋرالى فيلمگە سۋندترەك بولىپ تابىلاتىن «Angel by the Wings» اتتى جاڭا ءانىن جازدى. دجاز جانە پوپ ستيلىندەگى ورىنداۋشى اۆستراليالىق سيا فەرلەر رەجيسسەر وتتو بەللدىڭ «The Eagle Huntres» دەرەكتى فيلمىنە باللادا-ساۋند ترەگىن ورىندادى. بۇل تۋرالى قازاقپارات جازدى.

فيلم اتا-بابا ءداستۇرىن جالعاستىرعان بۇركىتشىلىك ونەردى مەڭگەرگەن قازاق قىزى ايشولپان نۇرعايىپ جايلى. بۇل نەگىزىنەن ەرلەرگە ءتان كاسىپ. الەمدە بۇل ونەرمەن تەك 2 نازىك جاندى عانا شۇعىلدانادى ەكەن. ولاردىڭ ەكەۋى دە - قازاق. ەكىنشىسى قازاقستاندا تۇراتىن بۇركىتشى ماقپال ءابدىرازاقوۆا. بۇركىتشى قىز تۋرالى دەرەكتى فيلم 28 قازاننان باستاپ نيۋ-يورك پەن لوس-اندجەلەس كينوتەاترلارىندا كورسەتىلىپ جاتقانىن اتاپ وتكەن ءجون.

سيا سوڭعى جىلدارداعى ەرەكشە كوزگە تۇسكەن انشىلەردىڭ ءبىرى. ول جۇرتشىلىقتى جۇمباقتىعىمەن تاڭ قالدىرىپ ءجۇر. ول ءجۇزىن جاسىرۋ ءۇشىن قارا-اق ءتۇستى پاريك كيەدى. وتتو بەلل ۇلىبريتانيا رەجيسسەرى، الايدا نيۋ-يوركتە جۇمىس ىستەيدى. ول 15-كە جۋىق قىسقا مەتراجدى فيلم تۇسىرگەن. ايشولپان نۇرعايىپ اكەسى، اناسىمەن بىرگە 6000 ءميلدى ەڭسەرىپ، موڭعوليادان اقش-قا، پارك-سيتيگە كەلدى. بۇگىندە يۋنەسكو-نىڭ ماتەريالدىق ەمەس مۇراسىنىڭ كورنەكى تىزىمىنە ماتەريالدىق ەمەس مادەني مۇرانى قورعاۋ كوميتەتىنىڭ شەشىمىنە سايكەس اڭعا قۇس سالۋ، قازاق كۇرەسى جانە ت.ب. ەنگەن. ادەلايدانىڭ 40 جاستاعى تۋماسىنىڭ العاشقى البومى 1997 جىلى شىققان. الايدا سيا فەرلەر 2008 جىلى عانا تانىلدى. ونىڭ جەتى البومى بار. كوپ ورىندالاتىندارى - Titanium، Elastic Heart جانە Chandelier.