رەسەي ۋكرايناعا قاتىستى باسقىنشىلىق ارەكەتىن توقتاتپاسا، پەنتاگون رەسەيمەن ەشقانداي اسكەري بايلانىس ورناتپايدى، دەپ حابارلايدى BBC. اقش-تىڭ قورعانىس مينيسترلىگىنىڭ 2017 جىلعى قارجىلىق قورىنان، رەسەيمەن ارىپتەستىك قارىم-قاتىناس ورناتۋعا اقشا جۇمساۋعا تىيىم سالىندى. رەسەي اقش-تىڭ بىرنەشە شارتىن ورىنداسا عانا، ول ءوز كۇشىن جويۋۋى مۇمكىن.

بىرىنشىدەن، رەسەي ۋكراينا جەرىن جاۋلاۋىن، ۋكراينانىڭ جانە سولتۇستىك اتلانتيكالىق كەلىسىم ۇيىمى مۇشەلەرىنىڭ ءبىرتۇتاستىعىنا، تاۋەلسىزدىگىنە ءقاۋىپ توندىرەتىن ارەكەتتەرىن توقتاتۋ قاجەت.

ەكىنشىدەن،  مينستىك كەلىسىم بويىنشا ۋكراينانىڭ شىعىسىندا سوعىس ارەكەتتەرىن توقتاتۋ كەرەك.

پەنتاگوننىڭ رەسەيمەن قارىم-قاتىناسى تۋرالى قۇجاتتا، «قىرىمدى رەسەيدىڭ تاۋەلسىز ايماعى» دەپ مويىندايتىن كەز-كەلگەن ىسكە قارجىنى پايدالانۋعا تىيىم سالىنعان دەپ كورسەتىلگەن.  سونىمەن قاتار، رەسەيمەن ءتۇرلى تەحنولوگيالىق سالادا ارىپتەستىككە جول جوق.  

2027 جىلعا دەيىن رەسەيمەن راكەتاعا قارسى قورعانىستا دا اقپارات الماسۋعا، رەسەي جانە قىتايمەن راكەتاعا قارسى قورعانىستىڭ بىرىككەن جۇيەسىن جاساۋعا بولمايدى.

2016 جىلعى پرەزيدەنتتىك سايلاۋدا جەڭىسكە جەتكەن دونالد ترامپ پەنتاگوننىڭ باسشىسى ەتىپ - دجەيمس مەتتيستى تاعايىندادى. ول  رەسەيدىڭ، قىرىمدا جانە ۋكراينانىڭ شىعىسىندا سوعىس جاعدايىن ورناتقانىن قاتتى سىنعان العان.