شىمكەنتتە ەكى ءسوزدىڭ باسىن قوسا الماعان شەنەۋنىكتىڭ ماسقاراسى شىقتى، دەپ حابارلايدى NUR.KZ
تاۋەلسىزدىكتىڭ 25 جىلدىعىنا وراي شىمكەنتتە دەنساۋلىق فەستيۆالى ءوتتى. وعان قالالىق دەنە شىنىقتىرۋ جانە سپورت ءبولىمىنىڭ باسشىسى نۇرجان قاتايەۆ ارنايى كەلىپ، قاتىسۋشىلاردىڭ باسى-قاسىندا بولدى. تەك تىلشىلەرگە سۇحبات بەرگەن شەنەۋنىك ەكى ءسوزىنىڭ باسىن ارەڭ قوستى.
«...وسى دەنساۋلىق ساقتاۋ، دەنساۋلىقتىڭ ءقازىر... جاستار، جاستار دەنساۋلىق» دەپ سويلەگەن قاتايەۆ مىرزانىڭ ول ارەكەتىنە جانى اشىپ كەتكەن ءتىلشىنىڭ ءبىرى شەنەۋنىككە شارانىڭ ماقساتىن سىبىرلاپ جەتكىزدى.
مۇنان سوڭ بارىپ قانا ءبولىم باسشىسى «ءيا، جاستار سالاۋاتتى ءومىر سالتىن قولداۋ بارىسىندا ءبىز وسىنداي فەستيۆالدى ۇيىمداستىرىپ جاتىرمىز» دەپ ويىن قينالىپ تۇرىپ جەتكىزدى.
ايتا كەتەيىك، نۇرجان قاتايەۆ شىمكەنت قالالىق دەنە شىنىقتىرۋ جانە سپورت ءبولىمىنىڭ باسشىلىق قىزمەتىنە 2015 جىلدىڭ قازان ايىندا تاعايىندالعان. ول ەركىن كۇرەستەن ازيا چەمپيونى.
