2009 جىلدان بەرى شەشەنستاندا سپيرتتىك ىشىمدىكتەردى تاڭعى ساعات 8-دەن 10-عا دەيىن ساتۋعا رۇقسات بۇيىرىق بەرگەن شەشەنستان باسشىسى رامزان قادىروۆ، ىشىمدىككە قاتىستى تاعى ءبىر بۇيىرىق شىعاردى. قادىروۆ ءدىن قىزمەتكەرلەرىنە ماس كۇيىندە كولىك جۇرگىزىپ، جول اپاتىنان قازا تاپقان جۇرگىزۋشىلەردى ءدىني راسىممەن جەرلەۋگە تىيىم سالدى، دەپ حابارلايدى ورتالىق ازيانىڭ جاڭالىقتار قىزمەتى.
"ەگەر ماس جۇرگىزۋشى جول اپاتىنان قازا تاۋىپ جانە وزگە ادامنىڭ ولىمىنە سەبەپ بولسا، ونىڭ جەرلەۋ راسىمىنە ءدىني قىزمەتكەرلەر قاتىسپاۋى ءتيىس. قوعام ول ادامنىڭ قىلمىس جاساعانىن ءتۇسىنۋ كەرەك. ول تەرروريستىك اكتى جاسادى"، – دەپ مالىمدەدى قادىروۆ.
قادىروۆ سونىمەن بىرگە ەلگە الكوگول ساتۋعا تىيىم سالماعانىن اتاپ ءوتتى. "ءبىز الكوگولدى ىشىمدىكتەرگە تىيىم سالا المايمىز، ويتكەنى زاڭ بويىنشا ءبىزدىڭ قۇقىعىمىز جوق"، – دەيدى شەشەنستان باسشىسى.
30 قاراشادا ءمالىم بولعانداي، ايماقتا الكوگول ساتۋعا ليسەنزياسى بار كاسىپكەرلەر شەشەنستان پارلامەنتىنىڭ سپيكەرى ماگومەد داۋدوۆپەن كەزدەسۋدەن كەيىن، ءوز ەرىكتەرىمەن ليسەنزيالارىنان باس تارتقان. ونىڭ سوزدەرىنشە، كاسىپكەرلەر ءوز ەرىكتەرىمەن قىزمەتتەرىنەن باس تارتقان.
داۋدوۆپەن جينالىس ماس كۇيىندە كولىك جۇرگىزگەن الام حودجايەۆتىڭ جول اپاتىنا ۇشىراپ، جەتى ادامنىڭ قازاسىنا سەبەپ بولعاننان كەيىن وتكىزگەن.
رامازان جانە ورازا ايت كۇندەرى الكوگولدى ىشىمدىكتەردى ساتۋعا تىيىم سالادى.
