گرەسيا، فرانسيا، مەكسيكا جانە يسپانيا ەلدەرىنىڭ استاناسىندا 2025 جىلعا قاراي كولىكتەردىڭ ديزەلمەن جۇرۋىنە تىيىم سالىنادى، دەپ «موي گورود» پورتالى حابارلايدى.
ەۋروپا ەلدەرىنىڭ مۇنداي شەشىم قابىلداۋىنا، اۋانىڭ لاستانۋ دەڭگەيىنىڭ جوعارىلاۋى تۇرتكى بولعان. افينا، پاريج، مەحيكو جانە مادريد قالالارىنىڭ مەرلەرى كەلەسى ون جىلدىقتا جەڭىل جانە اۋىر جۇك ماشينالارىندا ديزەلمەن جۇرۋىنە تىيىم سالىنادى، دەپ حابارلادى. بۇل ەكولوگيانى جاقسارتۋ ءۇشىن قاجەت. سەبەبى، ديزەل وتىندارى – قاتتى بولشەكتەر مەن ازوت توتىعىن بولەدى. ىستىڭ از مولشەرى وكپەگە ءتۇسىپ، جۇرەك اۋرۋلارى مەن ولىمگە اكەپ سوعادى. ازوت توتىعى – تىنىس الۋدى قيىنداتاتىنى دالەلدەگەننەن كەيىن، ەكولوگيالىق بەلسەندىلەر اۋا تازالىعىن ساقتاۋ ەرەجەلەرىن ساقتاۋ ءۇشىن، سوتقا جۇگىندى. دۇنيە جۇزىلىك دەنساۋلىق ساقتاۋ ۇيىمىنىڭ مالىمەتىنشە، اۋانىڭ لاستانۋىنان جىلىنا ءۇش ميلليون ادام كوز جۇمادى.
