radiotochka.kz سايتىندا "كتو تاكوي شاۆكات ميرزيويەۆ؟" اتتى ماقالا جارىق كورگەن بولاتىن. "قامشى" پورتالى وقىرمان نازارىنا ماتەريالدىڭ قازاقشا نۇسقاسىن ۇسىنادى.

كەشە عانا كورشى مەملەكەت وزبەكستاندا پرەزيدەنت سايلاۋى وتكەندىگى بەلگىلى. تىلشىلەردىڭ ايتۋىنشا، تاققا ۋاقىتشا مەملەكەتتى باسقارىپ كەلگەن شاۆكات ميرزيويەۆتىڭ وتىرۋى ابدەن مۇمكىن. دەگەنمەن، ول جايىندا ءالى ناقتى دەرەك جوق. «اشىق ونلاين ازيا» تىلشىلەرى بۇل كەلەڭسىزدىكتىڭ الدىن-الۋ ماقساتىندا بۇل ادام جايلى دەرەكتەر جيناپ، جاريالادى.

1. شاۆكات ميرزيويەۆ قايدا دۇنيەگە كەلدى؟

شاۆكات ميرزيويەۆتىڭ قاي جەردە تۋىلعانىنا بايلانىستى ەكى ءتۇرلى دەرەك بار: ءبىرىنشى، ول وزبەكستاننىڭ دجيززاق وبلىسى زاامين اۋدانىندا دۇنيەگە كەلگەن؛ ەكىنشى، ميرزيويەۆ ول جەرگە 60 جىلداردا عانا كەلگەن، ال ءوزى تاجىكستاننىڭ ۇرا-تۇبەن وبلىسى ياحتان اۋىلىندا تۋىلعان.

بۇل دەرەكتەرگە قاتىستى ناقتى مالىمەت الۋ ءۇشىن تىلشىلەردىڭ ءبىر توبى تاجىكستانداعى اۋىلعا ساپار شەگىپتى.  ول جەردىڭ تۇرعىندارى شاۆكات ميرزيويەۆتى جاقسى تانيدى ەكەن، ءبىراق ءبىر قىزىعى ول جايلى ءتىس جارىپ ايتقىسى كەلمەيدى. 2003 جىلى ميرزيويەۆتى پرەمەر-مينيستر ەتىپ تاعايىنداعان كەزدە ياحتان اۋىلىنىڭ تۇرعىندارىندا مەملەكەتتىك قاۋىپسىزدىك ورگاندارىمەن ءبىر ماسەلە بولعانعا ۇقسايدى. سول سەبەپتەن بولار، شاۆكات ميرزيويەۆ جايلى ەشبىر ادام قانداي دا بولسىن ءبىر اقپارات ايتقىسى كەلمەگەن ءتارىزدى.

2. شاۆكات ميرزيويەۆ تاجىك پە؟

ياحتان اۋىلىنىڭ باسىم كوپشىلىگى وزبەك حالقى بولعاندىقتان ونىڭ تاجىك ەمەس وزبەك ۇلتىنان بولۋى ابدەن مۇمكىن. الايدا، ميرزيويەۆ ارعى اتالارى تاجىكستانداعى ماچ ەلدى مەكەنىنىڭ تۋمالارى، اقسۇيەك تۇقىمدارى ەكەندىگى بەلگىلى بولدى. سول سەبەپتەن دە ولاردىڭ ەسىمدەرى «مير»، ياعني، بيلەۋشىلەر دەگەن ۇعىمدى بىلدىرەتىن تىركەستەن باستالادى.

3. شاۆكات ميرزيويەۆ قايدا ءبىلىم الدى جانە قاي جەردە جۇمىس اتقاردى؟

مەكتەپتى بىتىرگەن سوڭ شاۆكات ميرزيويەۆ تاشكەنتتىڭ اۋىلشارۋاشىلىق ينستيتۋىنا وقۋعا تۇسەدى.  ول كومسومول ۇجىمىنىڭ حاتشىسى بولىپ جۇمىس ىستەيدى، كەيىننەن سول ينستيتۋتتىڭ پرورەكتورى بولىپ تاعايىندالادى. سونان سوڭ تاشكەنتتىڭ قۇيبىش اۋدانىندا اكىم قىزمەتىنە وتىرىپ، 1996 جىلى دجيززاق وبلىسىنىڭ باسقارۋشىسى بولادى. 2003 جىلى جوعارىدا اتاپ وتكەندەي پرەمەر-مينيستر بولىپ سايلانادى. سونىمەن قاتار ماقتا شارۋاشىلىعىنا جاۋاپتى بولادى.

4. شاۆكات ميرزيويەۆ قانداي وتباسىدان شىققان؟

شاۆكات ميرزيويەۆ – دارىگەر ميرومونا ميرزيويەۆتىڭ ۇلى. ول جۇبايى كوز جۇمعاننان كەيىن بار ءومىرىن تۋبەركۋلەزبەن كۇرەسكە ارناعان. بالالىق شاعىندا شاۆكات ميرزيويەۆتى وگەي اناسى تاربيەلەپ وسىرگەن. بۇل دەرەكتەردەن تاعى دا ەكى ءتۇرلى نۇسقا شىعادى: 1) وگەي اناسى ونى بار ىقىلاسىمەن ماحابباتقا بولەپ وسىرگەندىكتەن ونى وگەي دەپ ايتقاندى ۇناتپايدى؛ 2) كەز كەلگەن قاتەلىگى ءۇشىن شاۆكات ميرزيويەۆتى سۋسىز، نانسىز قالدىرىپ، قاتاڭ جازالاعاندىقتان اعاسىنىڭ ۇيىنە كوشىپ بارۋعا ءماجبۇر بولعان.

ونىڭ ايەلى مەن بالالارى جايلى اشىق مالىمەتتەر بۇگىنگى تاڭدا ەش جەردە كەزدەسپەيدى. شاۆكات ميرزيويەۆ باسپا ءسوز قىزمەتكەرلەرىمەن كوپ تىلدەسپەگەن، 2006 جىلى جەلىدە العاش رەت ونىڭ سۋرەتى جاريالانعان كەزدە تىلشىلەرگە ۇلكەن جاڭالىق بولدى.

5. شاۆكات ميرزيويەۆتىڭ مىنەز-قۇلقى قانداي؟

1990 جىلدارى يسلام كاريموۆتىڭ باسپا ءسوز حاتشىسى بولىپ جۇمىس اتقارعان شاروفا ۋبايدۋللايەۆا ميرزيويەۆتى «ۇنەمى ءوزىنىڭ ايتقاندارىن دۇرىس دەپ باعامدايتىن، كوپ اشىلا بەرمەيتىن تۇيىق ادام» دەپ ەسەپتەيدى.

شاۆكات ميرزيويەۆ تۇرىك ازاماتتىعىن العانى ءۇشىن وزبەكستاننىڭ ەڭبەك سىڭىرگەن ءارتىسى، كومپوزيتورى ابدۋلازيز كارىمدى بارلىق اتاق-دارەجەلەرىنەن ايىرىپ، ونى «ۇلت ساتقىنى» دەپ اتاعان. بۇل – ونىڭ ەڭ قاتاڭ جازالاعان ءتۇرى بولاتىن.

6. شاۆكات ميرزيويەۆ پەن اليشەر ۋسمانوۆتىڭ اراسىندا قانداي بايلانىس بار؟

ءۇش جىل بۇرىن جان تۇرشىگەرلىك جول اپاتىنان قازا تاپقان اليشەر ۋسمانوۆتىڭ جيەنى – بابۋر - شاۆكات ميرزيويەۆتىڭ جيەنىنىڭ جارى بولعان. ولاردىڭ تويلارى 2009 جىلدىڭ مامىرىندا ءوتتى. سول كەزەڭدە ب ا ق جاڭالىقتارىندا ميرزيويەۆ پەن ۋسمانوۆ اراسىنداعى بۇل بايلانىستىڭ ورناعانى مارقۇم پرەزيدەنت يسلام كاريموۆقا ۇناماعانى جايلى ايتىلعان بولاتىن.