life.ru سايتى -دا "جاڭا زەلانديالىق قىزدى قازاقستانعا كىرگىزبەي قويدى. سەبەبى، ول ويدان شىعارىلعان ەلدەن كەلدى دەپ شەشكەن"، - اتتى ماقالا جارىق كورگەن. شەتەلدىك جانە ەلىمىزدىڭ باسقا دا سايتتارى بولعان وقيعا جايلى كەڭىنەن اقپارات تاراتقان. ءبىراق، ءبىز وسى سايتتا بەرىلگەن اقپاراتتى قازاق تىلىنە اۋدارىپ ۇسىنۋدى ءجون كوردىك.
شەكارا كۇزەتشىلەرى ساياحاتشى قىزدى جاڭا زەلانديا اۆستراليا ەلىنىڭ ءبىر بولىگى دەپ سەندىرۋگە تىرىسقان جانە ودان اتالعان ەلدى كارتادان كورسەتۋدى تالاپ ەتكەن.
ساياحاتشى حلوي فيليپپس-حارريس شەكارا كۇزەتشىلەرىنە جاڭا زەلانديا ەلى ەشقانداي دا اۆستراليا ەلىنىڭ بولىگى ەمەس ەكەنىن دالەلدەيمىن دەپ ءبىر تاۋلىكتەن اسا ۋاقىتىن الماتى اۋەجايىندا وتكىزگەن دەپ life.ru سايتى جازادى.
فيلليپس-حارريس قازاقستان ەلىنە شىعاردا ءوزىنىڭ ەلىندەگى ەلشىلىكپەن كەڭەسكەن. وعان ەلگە كىرۋگە بايلانىستى ەشقانداي قيىندىق بولمايدى دەپ سەندىرگەن.
— مەن ۇشاقتان تۇسكەندە مەنەن كوشى-قون قىزمەتكەرلەرى اۆستراليالىق ءتولقۇجاتىمدى كورسەتۋدى تالاپ ەتتى. ونسىز مەنى وتكىزبەيتىنىن ايتتى. ماعان، جاڭا زەلانديا اۆستراليا ەلىنىڭ ءبىر بولىگى دەپ ايتتى، - دەيدى ساياحاتشى ايەل.
ساياحاتشى ايەل سۇراعان ءتولقۇجاتتى كورسەتە الماعان سوڭ، وعان ۇشاقپەن قىتايعا جىبەرەتىندەرىن ايتقان. ءبىراق، ايەلدىڭ جولى بولىپ ول بولماي قالعان. قىتايعا جىبەرە الماعان سوڭ، ايەلدى تەرگەۋ بولمەسىنە اپارعان. ول جەردە ۇلكەن دۇنيەجۇزىلىك كارتا بولعان ەكەن. قۇقىق قورعاۋشىلار فيلليپس حارريستەن قايدان ۇشىپ كەلگەنىن وسى كارتادان كورسەتۋىن سۇراعان. ءبىراق، ول مەملەكەت كارتادا كورسەتىلمەگەن ەكەن.
— ولار مەنەن مەن بۇل جەردە نە ىستەيىن دەپ جۇرگەنىمدى سۇرادى. وسى ۋاقىتتا بۇل داۋعا پوليسيا قىزمەتكەرلەرى مەن اۋەجاي وكىلدەرى دە تارتىلدى، - دەيدى ايەل.
قىزدىڭ ايتۋىنشا ونى ۇزاق ۋاقىت سۇراقتىڭ استىنا العان. سودان كەيىن، جارتى كۇن كۇزەتشىلەردىڭ بولمەسىنە جاۋىپ تاستاعان. كەيىن، جاعداي وڭتايلانىپ، جاڭا زەلانديانىڭ ازاماتشاسىن قازاقستان ەلىنە كىرگىزگەن. تۋريست قىز قازاقستاندا جارتى جىلىن وتكىزگەن. بولعان ءجايعا قاراماي بولاشاقتا تاعى دا كەلۋگە دايىن.
پىكىرلەر تىزىمىندە "ەشكىم google-دى اشىپ، كوزىن جەتكىزۋگە تىرىسپاعان با؟"، "قايداعى google؟! ول جەردە قويلار، سايعاق جانە قىمىزدان باسقا ەشتەڭە جوق"،"قازاق شەكاراشىلارى مەن كورگەن ەڭ توپاس شەكاراشىلار. ولاردىڭ ءبارى وقىماعان. وعان تاڭ قالمايمىن"، "ءبارى ونداي ەمەس شىعار"، "قىمىزدى الكوگولدى ىشىمدىك بولماسا دا جۇمىس ۋاقىتىندا ەشكىم ىشپەيدى. ءبىراق، تەكسەرىس كەزىندە گرادۋسىنىڭ كەسىرىنەن ۇلكەن ايىپپۇل سالىنادى"، "زەلانديالىقتار دا قازاقستان دەگەن ەل بارىن بىلمەيدى" دەپ وي-پىكىرلەرىن بىلدىرگەن وقىرمانداردا بار.
