عالامتوردا "اياكوزدەگى اتىس" تۋرالى ۆيدەو تارادى. اتالعان بەينەجازبادا قىس كۇنى كوشەنى بويلاي قاشقان "جيگۋلي" اۆتوكولىگىن ۆيدەو تۇسىرىلگەن كولىكتىڭ قۋالاعانى، قاشقان كولىك كەنەتتەن توقتاپ، ىشىنەن شىققان بەلگىسىز ەر ادامنىڭ نىساناسىز وق جاۋدىرعانى كورىنەدى. اتالعان وقيعاعا بايلانىستى "قامشى" ءتىلشىسى اياكوزدىڭ ىىب-ىنە حابارلاسىپ اقپارات الا المادى. الايدا، اياكوز تۇرعىندارىنان ءىستىڭ ءمان-جايىن سۇراپ ءبىلدى. 

اياكوز تۇرعىندارىنىڭ ايتۋىنشا، ۆيدەو ءدال اياكوزدەگى جاعدايدىڭ ۆيدەوسى بولماۋى دا مۇمكىن. ءبىراق، كەشە كەشكى ۋاقىتتا اياكوزدىڭ ورتاسىن ءبولىپ جاتقان تەمىر جول ماڭىندا، ورتالىق الاڭ تۇسىندا اتىس بولعان. بەيرەسمي حابار بويىنشا 1995 جانە 1996 جىلعى ەكى ازامات اۋىر جاراقاتتانىپ اۋرۋحاناعا تۇسكەن. بىرەۋىنە 16 وق تيگەن. ال ەكىنشى ازامات تەمىر سويىلمەن قاتتى سوققى العان. ازىرگە وقيعانىڭ ناقتى قالاي بولعانى بەلگىسىز. 

ال، اتالعان جاعدايدى شىعىس قازاقستان وبلىسى ءىىد جوققا شىعارعان. "شقو-دا اتىس بولدى دەپ، جالعان ۆيدەو تاراتقان ادامعا 10 ميلليون تەڭگە ايىپپۇل سالىنادى نەمەسە ول باس بوستاندىعىنان ايىرىلادى. قاسكۇنەمدەردى قازىرگى ۋاقىتتا شىعىس قازاقستان وبلىستىق ءىىد قىزمەتكەرلەرى ىزدەپ جاتىر." دەلىنگەن دەپارتامەنت حابارلاسىندا. 

"مۇنداي ۆيدەونى تاراپ جاتقانىن ءبىز بىلەمىز، - دەيدى شقو ءىىد باسپا ءسوز قىزمەتىنىڭ جەتەكشىسى باقىتجان تورعايەۆ. - اتاپ ايتامىن، اياگوزگە بۇل ۆيدەونىڭ ەش قاتىسى جوق. ونىڭ ۇستىنە، الدىن الا مالىمەت بويىشا، روليك 2015 جىلى رەسەيدە الەۋمەتتىك جەلىلەردە تارالعان. ۆيدەو رەسەيدە تۇسىرىلگەن بولۋى دا مۇمكىن. بۇل ءتىپتى قازاقستان ەمەس! بۇل ۆيدەونى تاراتقانداردى جەدەل ىزدەستىرىپ جاتىرمىز. جاۋاپتى ادامدار 5 000 اەك كولەمىندە ايىپپۇل ارقالايدى (10 605 000 تەڭگە) نەمەسە 2 جىلدان 5 جىلعا دەيىن باس بوستاندىعىنان ايىرىلادى"، - دەدى ول.