قازاقتىڭ تالانتتى دا تەكتى جاراتىلعان پەندەسى يگىلىك ايمەن (يگەن) – جازۋشى، اقىن، سىنشى، كوسەمسوزشى، ءپالساپاشى اۋىر حالدە ءجۇر دەگەن اقپارات عالامتور بەتىن شارلاپ ءجۇر. نەگىزى ءبىر جىل بۇرىن abai.kz پورتالىنىڭ facebook پاراقشاسى مىنانداي اقپاراتپەن بولىسكەن ەدى:" ءبىر قۇداي «اۋىر» قىلا كورمەسىن عوي – ال، انىعىندا، يگىلىك ايمەن كوشە كەزىپ ءجۇر. جاتاتىن جايى، ىشىپ-جەيتىن اسى جوق ەسەبى. ءوزى، 2ء-ىنشى توپتاعى مۇگەدەكتىكتە. جاسى بولسا، 63-كە تاقادى. «تاعدىر تالەيى» دەيمىز عوي، دەگەن دە، «گۇلدەنگەن قازاقستانىمىزدا» ءبىر اقىن-جازۋشىمىز – «تىك ءجۇرىپ، تۋرا سويلەپ كەلە جاتقان» – وسىنشالىق قورلىقتى باسىنان وتكەرىپ جۇرگەندە: قايسىمىزدىڭ جەرىمىز كەڭەيىپ، قالتامىز قامپيا قالار ەكەن؟.. كومەك قولىن سوزىپ، قايىرىمدىلىعىمىزدى – مۇسىلماندىعىمىزدى بىلدىرەلىك!..جازۋشىلار وداعىنىڭ «استانا» بولىمشەسى. 27 جەلتوقسان، 2015 جىل".
تورعايلىق بەلسەندى داۋلەت سەرىكباي ءبىر كۇن بۇرىن ءوزىنىڭ facebook پاراقشاسىندا بىلاي دەپ جازدى:
"قازاقتىڭ دارىندى جازۋشىسى، كوسەمسوزشىسى، ادەبيەت سىنشىسى يگىلىك (يگەن) ايمەننىڭ جاعدايى قيىن ەكەن. ايەلى 7 جىل بۇرىن قايتىس بولعان. سودان بەرى جالعىز ءوزى استاناداعى كوكتالدان پاتەر جالداپ تۇرىپ جاتىر ەكەن. 2ء-شى توپتاعى مۇگەدەك. ازعانتاي زەينەتاقىسى پاتەرى مەن ەمىنە ازەر جەتەدى، كەيدە اپتالاپ قارا ناندى عانا تالعاجاۋ ەتەتىن كۇندەرى بولادى. قالانىڭ اۋرۋحانالارى ەسىگىنەن قاراتپايدى ەكەن. كوكتالداعى امبۋلاتوريانىڭ مەيىرىمدى باسشىسىنىڭ ارقاسىندا عانا ەم الىپ ءجۇر. تالاي جازۋشىلاردان كومەك سۇراعان، ءبىراق بىرەن-سارانى بولماسا، كوبىسى كومەكتەسپەك تۇرماق ءحالىن سۇراۋعا جاراماعان. 3يالى دەگەن اتتارى بولماسا سۇرىنگەندى مىسقىلداپ تالاۋعا دايىن، حالىقتان كورى قارا باسىن ويلايتىن زياندى جازۋشىلاردان نە قايىر بار دەيسىز. بار الدانىشى ۇلتىق اكادەميالىق كىتاپحاناعا بارىپ كىتاپ وقۋ. قانشا قيىندىق كورسە دە رۋحى سىنباعان، ۇلتتىڭ ماسەلەسىن كەيبىر جازۋشىلاردان ارتىق كوتەرىپ ءجۇر، ءوزى مۇگەدەك بولسا دا ەلدىڭ قامىن ويلايدى. جازۋشىلاردان ءۇمىت ۇزگەن اعامىز حالىقتان كومەك سۇرايدى. مۇمكىن از-ماز اقشالاي كومەكتەسەرسىز، مۇمكىن بارىپ جاعدايىن سۇرارسىز. پايعامبار جاسىنان اسقان جازۋشىنىڭ وسىنداي كۇيدە جۇرگەنى ەلدىگىمىزگە سىن عوي.
حابارلاسامىن دەسەڭىز يگىلىك اعامىزدىڭ تەلەفون ءنومىرى - 8775 396 1634".
"قامشى" پورتالى ءوز وقىرماندارىن، اسىرەسە، استانالىقتاردى اتالمىش جاعدايعا بەيجاي قاراماۋعا، تاۋەلسىزدىك كۇنى قارساڭىندا قارىمدى قالامگەرگە كومەكتەسۋلەرىن سۇرايدى.
