ماسكەۋدە بەلگىلى زاڭگەر ۆالەريي سوكولوۆتىڭ جەكە كۋالىگىن نوتاريۋس قۇجات رەتىندە قابىلداماي، قىزمەت كورسەتۋدەن باس تارتقان. ادۆوكات نوتاريۋستىڭ ۇستىنەن بابۋشكينسكيي سوتقا شاعىم تۇسىرگەن. الايدا، سوت شاعىمىن قاناعاتتاندىرماي تاستادى.

«قازاقستاندىق جەكە كۋالىكتى، جەكە باستى كۋالاندىراتىن قۇجات رەتىندە قابىلداماي تاستاعاندا، بابۋشكينسكيي اۋداندىق سوتىنا شاعىم ءتۇسىردىم. الايدا، سوت نوتاريۋستىڭ ارەكەتىن زاڭسىز دەپ تانۋدان باس تارتتى. مەن ادىلەت مينيسترلىگى مەن باسقا دا مەملەكەتتىك مەكەمەلەرگە ادۆوكاتتىق ساۋال جولداپ، ماسكەۋدىڭ قالالىق سوتىنا اپەللياسيالىق شاعىم ءتۇسىردىم» دەپ tengrinews.kz تىلشىسىنە بايانداپ بەردى.

ماسكەۋلىك سوت ءبىرىنشى ينستاسيانىڭ شەشىمىن جوققا شىعارىپ، ۆ.سوكولوۆتىڭ جەكە كۋالىگىن زاڭدى دەپ تانىعان. ادۆوكاتتىڭ ايتۋىنشا مۇنداي جاعدايلار قازاقستاندىق ازاماتتاردىڭ باسىنان ءجيى وتەدى.  

2005 جىلى 17 مامىردا قازاقستان پرەزيدەنتى نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين چەليابينسكىدە بىرلەسىپ قابىلداعان قۇجاتى بار. وندا ق ر مەن رف ازاماتتارى ەكى ەل اراسىندا جەرگىلىكتى كۋالىكتەرىمەن (جەكە كۋالىك) جانە بالالاردىڭ تۋۋ تۋرالى كۋالىگى (قازاقستاندىق ازاماتتار 16 جاسقا تولماعاندارعا، رەسەيلىكتەر 14 جاسقا تولماعان بالالارعا)  جۇرە الاتىندىعى تاسقا تاڭبا باسقانداي كورسەتىلگەن. رەسەيلىك سوتتىڭ اتالمىش قۇجات جونىندە بىلمەگەنى ادۆوكاتتى قاتتى تاڭ قالدىرىپتى.