پەكيندىك سوت ايەلىنىڭ ءجابىر كورسەتكەندىگىنە ارىزدانعان  ەركەككە قولداۋ كورسەتتى. قىتايلىق سوت ىسىندە بۇل العاش رەت بەرىلگەن وردەر دەپ حابارلايدى  chinadaily.com  تىلشىلەرى.

بۇل جۇپ 2014 جىلدا وتاۋ قۇرعان ەكەن. باستاپقى كەزدە ءتاتۋ-تاتتى ءومىر ءسۇرىپ كەلگەن وتباسى كەيىننەن وتاۋر قۇرعاننان سوڭ بولماشى نارسەلەرگە بولا كوپ سوزگە كەلەتىندەرىن، كەيىننەن ءتىپتى ايەلى وعان قول كوتەرىپ سابايتىنىن ايتىپ جەتكىزدى. مامىر ايىندا، سونان سوڭ جاڭادان تۋىلعان قىزىنىڭ الدىندا قاتتى سوققىعا جىعىلىپ، سول جاعدايدىڭ كەسىرىنەن جالعىز قىزدارى قاتتى شوشىنىپ قالعان.

دارىگەرلەر مەن پوليسەيلەردەن الدىنداعى بولعان جاعدايلارعا بايلانىستى انىقتامالاردى جيناپ ەرى سوتقا شاعىم تۇسىرۋگە بەل بۋعان.

سوت كۇيەۋىنە ءوز-وزىن قورعايتىن وردەر بەرىپ، ايەلىنە مۇنداي ماسقارالىقتى قايتالاماۋىنا، ەرىنىڭ نامىسىن تاپتاماۋىنا قاتاڭ ەسكەرتۋ جاساعان.

ەگەر مۇنداي ايەلى تاعى دا ەرىنە قول كوتەرەتىن بولسا، ونى 15 تاۋلىككە قاماۋعا الىپ نەمەسە 1000 يۋان كولەمىندە ايىپپۇلعا تارتىلۋى جايلى ۇكىم شىعارعان.

ناۋرىز ايىندا وتباسىلىق ءجابىر كورسەتۋشىلىككە بايلانىستى زاڭنىڭ كۇشىنە ەنۋىنە بايلانىستى سوتتا جوعارىدا اتپ وتكەندەي ۇكىم شىعارىلا باستاعان. سول ساتتەن باستاپ جۇڭگو سوت بيلىگى 300-دەن اسا ءدال وسىنداي جاعدايلارعا بايلانىستى ۇكىم شىعارعان. الايدا بۇعان دەيىن كەلىپ تۇسكەن شاعىمدار ەرىنەن ءجابىر كورگەن ايەل ادامدار تاراپىنان بولعان.

بۇل ءجايت سوت تاجىريبەسىندەگى العاش رەت بولعانمەن، ەڭ سوڭعى بولماۋى مۇمكىن. قىتايلىق بۇقارا اقپاراتتارى كوپ وتباسىلار وتاۋ قۇرعاننان كەيىن كوبىندە ايەل ادامدار وتباسىداعى بيلىكتى قولدارىنا الىپ، وتاعاسىنىڭ ءرولىن اتقارادى، كەيدە ءتىپتى ەرىنە قول جۇمساۋعا دەيىن بارادى دەپ حابارلايدى. الايدا، بۇل جايلى ەرلەرى جالپاق جۇرتقا جاريا قىلۋعا نامىستانىپ كەلگەن دەيدى.

اۋدارعان: لابيحان نازەركە