بۇگىن باس پروكۋراتۋرانىڭ الدىندا بەلگىسىز ايەل ءوزىن ورتەپ جىبەردى دەپ حابارلايدى  باس پروكۋراتۋرانىڭ باسپا ءسوز قىزمەتى.

ءۇش ادامدى ەرتىپ كەلگەن ايەل سىرت كيىمىن شەشىپ، ۇستىنە بەنزين قۇيىپ، ءوزىن ورتەپ جىبەرگەن.

«ءورتتى ءسوندىرۋ ءۇشىن بىردەن ارنايى شارالار قولدانىلدى. وقيعا كۇتپەگەن جەردەن، ءبىر مەزەتتە ورىن الدى. ءوزىن ورتەگەنگە دەيىن ايەلدىڭ تاراپىنان ەشقانداي كۇماندى ارەكەت  بايقالمادى. العاشقى مەديسينالىق كومەك كورسەتىلىپ، جەدەل جاردەم شاقىرىلدى» دەيدى باس پروكۋراتۋرانىڭ باسپا ءسوز قىزمەتى.  

ايەلدىڭ ءاتى-جونى انىقتالدى. ول م.ە.رىسمانوۆا ەسىمدى 48 جاسار ايەل 1988 جىلى دۇنيگە كەلگەن بالاسى ە.ن.احمەتوۆتى  زاڭسىز سوتتادى دەگەن سەبەپپەن وسىنداي قادامعا بارعان. باس پروكۋراتۋرانىڭ مالىمەتىنشە، بالاسىنا قاتىستى قىلمىستىق ىستە م.ە.رىسمانوۆانىڭ دالەلدەرىن باس پروكۋراتۋرادا تەكسەرۋ تۋرالى ءوتىنىشى 28 قاراشادا 2016 جىلى كەلىپ تۇسكەن.

            شۋ اۋداندىق سوتتىڭ شەشىمى بويىنشا، 2015 جىلدىڭ 15 ماۋسىم ايىندا ە.احمەتوۆ ق ر قىلمىستىق كودەكسىنىڭ 4 ءبولىمى 296 بابى بويىنشا 4 جىل 6 ايعا قاتاڭ رەجيمدەگى كولونياعا توعىتىلعان.  28 جاستاعى ە.احمەتوۆ زاڭسىز 3،5 گرامم گەروين مەن 285 گرامم اناشا ساقتاعانى ءۇشىن سوتتالعان.