ءقادىرلى وقىرمان! بۇگىنگى تاڭدا ايىقپاس دەرتكە شالدىعىپ، ءومىر مەن ءولىم اراسىندا ارپالىسىپ جۇرگەن قانشاما ادامدار بار. سونداي جانداردىڭ ءبىرى – تۋماسىنان ءبىر بۇيرەگىمەن دۇنيەگە كەلگەن سارا جەدەلحان اتتى قانداسىمىز.

«سارا جەدەلحان 1990 جىلدىڭ تۋماسى، بۇگىنگى تاڭدا 26 جاسقا اياق تىرەگەن قارىنداسىم جاستىق شاقتىڭ قىزىعىن كورىپ، ءبىلىم قۋىپ، جالىنداعان ءومىردىڭ قىزىقتارىنا تويماي ءجۇرۋدىڭ ورنىنا توسەككە تاڭىلىپ، تەك سىرتتان عانا دەنى ساۋ جاندارعا قىزىعۋشىلىقپەن باقىلاپ جاتىر»، - دەپ ءوز مۇڭىن شاقتى سارانىڭ اعاسى مۇلىك جەدەلحان.

• وسى ۋاقىتقا دەيىن 3 رەت اۋرۋحاناعا جاتتى، قىتايعا بارىپ تا ەمدەلدى، ءبىراق ەش وڭ ناتيجەسىن بەرمەدى. قازىرگى تاڭدا قارىنداسىمنىڭ بۇيرەگى 15-20%-عا عانا ىستەپ تۇر. دارىگەرلەردىڭ ايتۋىنشا، قارىنداسىما دونور تاۋىپ، بۇيرەگىن اۋىستىرۋ قاجەت، تەك سول كەزدە عانا ونىڭ ءومىر سۇرۋىنە مۇمكىندىگى بار. ال ءقازىر سارا تەك دارى-دارمەكتەرمەن، ءدارى تامىزعىشتارمەن ءال ساقتاۋدا. الايدا ولاردىڭ دا كۇننەن كۇنگە اسەر ەتۋى تومەندەپ بارا جاتىر. اي سايىن الىناتىن بۇل دارى-دارمەكتەرىنىڭ وزىنە ءبىر بۇيرەكتىڭ قۇنىنداي قاراجات كەتىپ جاتىر. سارانىڭ  ەمىنە 50 000 اقش دوللارى قاجەت. قارىنداسىمنىڭ مۇنداي حالىنە بەيجاي قارامايتىن ازاماتتاردان قارجىلاي كومەكتەسۋلەرىن سۇرايمىز. جالىنداعان جاس شاعىندا ءوز قاتارلاستارىمەن بىرگە ەل قاتارلى ءومىر سۇرسە ەكەن دەيمىن.

«بالامنىڭ تابانىنا قادالعان تىكەن، مەنىڭ ماڭدايىما قادالسا ەكەن» دەيتىن حالىقپىز عوي. قارىنداسىنىڭ مۇشكىل حالىنە حالىقتان كومەك سۇراپ كەلگەن اعاسىنىڭ ءبىر عانا تىلەگى – سارا قارىنداسى اياقتان تۇرىپ كەتۋى. ال بۇل نارسەگە قوماقتى قاراجاتتىڭ كەرەك ەكەنى بەلگىلى. سول سەبەپتەن دە بۇل جاعدايعا بەيجاي قاراماي بارىنشا قولدارىڭىزدان كەلگەن كومەكتى اياماۋلارىڭىزدى سۇرايمىز.