Instagram الەۋمەتتىك جەلىسىندە پايدا بولعان ستۋدەنتتەر حاتىندا اقشا دامەتكەن ۇستازدارىنان شارشاعانىن، ءتىپتى رەكتور اتىنا دەيىن شاعىمدانعاندارىن، ءبىراق ودان ەشقانداي ناتيجە جوق ەكەندىگى جازىلعان.
وزدەرىن وسى ۋنيۆەرسيتەتتەگى پەداگوگيكا جانە پسيحولوگيا فاكۋلتەتىنىڭ ستۋدەنتتەرى دەپ اتاعان ولار بەلگىلى ءبىر ۇستازدار جاقسى باعا قويۋ ءۇشىن اشىقتان اشىق اقشا سۇرايدى دەيدى.
ال بۇعان نارازىلىق بىلدىرگەندەردى مۇعالىمدەرى نامىسىنا ءتيىپ، „شاكىرتاقىڭنان ايىرامىن، جازدىق ەمتيحانعا قالدىرامىن„ دەپ قوقان-لوقى كورسەتەتىن كورىنەدى.
بۇل حاتتىڭ اۆتورى ستۋدەنتتەر اتىنان رەكتورعا حات جازعاندارىن دا ءبىراق ودان ەشقانداي ناتيجە بولماعانىن ايتادى.
وعان قوسا، ستۋدەنتتەر قاجەت بولسا وزدەرىندە بۇل ايىپتى دالەلدەيتىن اۋديو جانە ۆيدەو جازبالار بارىن دا ايتقان.
ستۋدەنتتەر بۇل حات ارقىلى ۋنيۆەرسيتەت باسشىلىعىنا ەسكەرتۋ جاساپ، شارا قابىلداۋىن سۇراعان. ايتپەسە قولداعى دالەلدەر سىبايلاس جەمقورلىققا قارسى قىزمەتكە جولدانباق.
„تالاپ ەتىپ وتىرعانداي اقشامەن ەمەس، ءوز باسىمىزبەن ەمتيحان تاپسىرۋعا مۇمكىندىك بەرىڭىزدەر„ دەپ جازادى ستۋدەنتتەر.
دەرەك كوزى: jasqazaq.kz
