نۇرسۇلتان نازاربايەۆ وتاندىق اياق كيىمگە جارناما جاساپ بەردى دەپ حابارلايدى ktk.kz ارناسىنىڭ ءتىلشىسى ەربول سەيىلحان
قازاقستاندا تاعى ءبىر جاڭا مينيسترلىك پايدا بولۋى مۇمكىن. پرەزيدەنت سىرتقى ىستەر جانە ساۋدا مينيسترلىگىن قۇرۋ تۋرالى جوسپارى بارىن ايتتى. ۆەدومستۆو ساياساتپەن عانا ەمەس، ەكسپورتپەن جانە ەلگە ينۆەستيسيا تارتۋمەن اينالىسۋى ءتيىس. بۇگىن تەلەكوپىر كەزىندە ونداعان زاۋىتتى ىسكە قوسقان مەملەكەت باسشىسى، وتاندىق اياقكيىمگە دە جارناما جاساپ بەردى. وسى جەردە نازاربايەۆ يندۋستريالاندىرۋدىڭ ولقى تۇسىن سىناپ، كەمشىلىكتى تۇزەۋدىڭ جولىن دا كورسەتتى.
بيۋدجەتتىڭ ميللياردتتارى ەسەپسىز ءبولىنىپ جاتقان اۋقىمدى ءىستىڭ ورىندالۋىن جىل سايىن پرەزيدەنتتىڭ ءوزى تەكسەرەدى. سوندىقتان يندۋستريالاندىرۋ باعدارلاماسىنا باسىمەن جاۋاپتى ينۆەستيسيالار جانە دامۋ مينيسترلىگى مەن وبلىس اكىمدەرى جانتالاسىپ، ەلباسىعا جاعىپ قالۋعا تىرىسادى. ال بۇگىن نۇرسۇلتان نازاربايەۆ 16 وڭىردە سالىنعان 23 جاڭا ءوندىرىستى تىكەلەي ەفيردە ىسكە قوستى. بۇلاردىڭ ىشىندە، «الماتى-شۋ» باعىتى مەن قۇرىق پورتىنا اپاراتىن تەمىرجول جەلىسى، اتىراۋدا قايتا جوندەلگەن مۇناي وڭدەۋ زاۋىتى، ءتۇرلى مەتالل، تاعام، تىڭايتقىشتان باستاپ قارا ۋىلدىرىققا دەيىن شىعاراتىن فابريكا دا بار. اسىرەسە، مەملەكەت باسشىسىنا الماتىدا تىگىلە باستاعان وتاندىق اياقكيىمدەر قاتتى ۇنادى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
-جاڭادان ءوندىرىس اشىلادى دەگەننەن كەيىن بۇگىنگى باسقوسۋعا وتاندىق كوستيۋم كيىپ كەلدىم. اياق كيىم دە سەندەردەن ساتىپ الدىم. ءقازىر اياعىمدى كوتەرىپ كورسەتە المايمىن، ءبىراق سەندەر وندىرگەن اياق كيىمدى كيىپ وتىرمىن. حالىقتى وتاندىق جەڭىل ونەركاسىپ تىككەن كىيىمدەردى الۋعا شاقىرامىن. ءارى قاراي وسىنى دامىتا بەرىڭدەر، باسەكەگە ساي بولىپ، يتاليالىقتاردان دا، فرانسۋزداردان دا كەم شىعارمايتىن بولىڭدار.
بۇگىن سان-سالتاناتپەن اشىلعان كاسىپورىندار تولىق قۋاتىنا كوشىپ جارتى جولدا توقتاپ قالماۋى ءتيىس. وتكەننەن ساباق الۋعا كەڭەس بەرگەن پرەزيدەنت بۇل جوبالارعا مينيستر مەن اكىمدەردىڭ باسىمەن جاۋاپ بەرەتىنىن تاعى دا قاتال ەسكەرتتى. وسى جەردە نازاربايەۆ قازاقستاندا كىمنىڭ ساۋدامەن، كىمنىڭ سىرتتان اقشا اكەلۋمەن اينالىسىپ جاتقانىن تۇسىنبەي دال بولدى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
-ۇكىمەت ينۆەستيسيا جانە ساۋدامەن كىمنىڭ اينالىسىپ جاتقانىن بىلمەيدى. سىرتقى ىستەر مينيسترلىگى كوپتەگەن ەلدەردەگىدەي سىرتقى ىستەر جانە ساۋدا مينيسترلىگى بولۋ كەرەك شىعار؟ ال يندۋستريا مينيسترلىگىندە يندۋستريامەن اينالىسۋ قاجەت. مۇنىمەن ناقتى كىم اينالىساتىنىن انىقتاپ الۋىمىز كەرەك.
جۇيەسىزدىكتىڭ كەسىرىنەن شەتەلدىك قالتالى كاسىپكەرلەر بيۋروكراتيادان، نەگىزسىز كابينەتكە جۇگىرۋدەن شارشاپ، ەلدەرىنە قايتىپ كەتىپ جاتىر ەكەن. بۇنى ەستىگەن مەملەكەت باسشىسى جاۋاپتى شەنەۋنىكتەردى بىردەن جۇمىستان قۋۋدى تالاپ ەتتى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
-سوندىقتان دا مەن ەسكەرتەمىن: مەن بىلتىر وسى ماسەلە بويىنشا كىمدەرمەن سويلەستىم، سولار قاجەتتى جۇمىستاردى جۇرگىزۋى قاجەت. جازباشا تۇردەگى ەسەپتى ماعان تاپسىراسىڭدار. جانە دە ينۆەستورلاردى يتەرىپ تاستايتىن ادامدار جۇمىستا ماعان كەرەك ەمەس. مەن ولاردى دا يتەرىپ، جۇمىستارىنان بوساتاتىن بولامىن.
ەلدى مۇنايعا تاۋەلدىلىكتەن قۇتقارۋى ءتيىس يندۋستريالاندىرۋعا 7 جىلدىڭ ىشىندە 5 تريلليون تەڭگە جۇمسالىپ، مىڭعا تارتا زاۋىت سالىنعان. ال بيىل ون ايدا 10 ايدا 180 ميلليارد تەڭگەگە 60 جوبا ىسكە قوسىلىپتى. ەكسپورتقا ءونىم شىعارۋدى تالاپ ەتكەن ەلباسى ۆەلوسيپەدتتى قايتا قۇراستىرىپ، كوشىرمەگە اينالۋدىڭ قاجەتى جوق دەدى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
-سوۆەتسكيي سويۋز حوتەل سوزدات Mercedes، سوزدال "ۆولگۋ". حوتەل سوزدات Toyota، سوزدال "لادۋ". ي چتو پولۋچيلوس يز ەتوگو؟! نە نادو. كاك بى نە زاحوتەلي، Mercedes نە سموجەم سوزدات. "بوينگي"، سامولەتى سوزداۆات نە نادو، دا ي نە نۋجنو. ەتو ەست ۆ ميرە. تو، چتو نە نۋجنو، كۋپيم، تو، چتو موجەم سوزدات ي پرودات، نادو سوزداۆات.
بۇگىن پرەزيدەنتكە ەڭ ماقتاۋلى دەگەن جوبالار كورسەتىلدى. ءبىراق ينۆەستيسيالار جانە دامۋ مينيسترلىگىنىڭ قارقىنى قاتتى. جەتوقساننىڭ سوڭىنا دەيىن تاعى 700 ميلليارد تەڭگەگە 63 زاۋىتتى ىسكە قوسپاق. ءسويتىپ بوس جۇرگەن 7 مىڭ ادامدى جۇمىسقا ورنالاستىرماق ويدا.
