بۇگىن قوستاناي قالاسىنىڭ   
ەكى كوشەسىنە قازاقشا اتاۋ بەرۋ ماسەلەسى بويىنشا جەرگىلىك ءماسليحات اشىق جيىن وتكىزدى. ءبىر جەتى بۇرىن سايتىمىزدا "قوستانايداعى ەكى كوشە اتاۋى قازاقشالانادى دەگەن ۇمىتتەمىز" دەگەن ماتەريال شىعارعان ەدىك.  ءۇمىتىمىزدىڭ اقتالعانىنا قۋانىپ، وقىرمان قاۋىمنان ءسۇيىنشى سۇرايمىز. 200 ادام جينالىپ (سىيماعاندار قانشاما)، ءۇش ساعاتقا سوزىلعان جيىن سولتۇستىكتە
سەل قوزعالعاندىعىن راستادى.

گەرسەن كوشەسىنىڭ اتاۋى قوبىلاندى باتىر، تاران كوشەسىنىڭ اتاۋى تاۋەلسىزدىك دەپ وزگەرتىلۋى  ماقۇلداندى. وسىعان دەيىن    
قالا بەلسەندىلەرى گەرسەن كوشەسىنە تاريحشى زۇلقاينار الدامجاردىڭ ەسىمى بەرىلسىن دەپ ءوتىنىش ايتقان بولاتىن. تاريحشىلار، اقىندار، قىسقاسى قوستانايلىق زيالى قاۋىم باس قوسقان اتالمىش جيىندا گەرسەنگە 
قوبىلاندىنىڭ اتى بەرىلگەن دۇرىس دەپ شەشىم قابىلداندى.

قوستانايدىڭ تاعدىرىن شەشۋگە جينالعانداردىڭ اراسىندا وزگە ۇلت وكىلدەرى دە بولدى. ورىس كوممۋنيستەرىنىڭ "بۇل قانشالىقتى زاڭعا سايكەس؟" دەگەن cۇراعىنا مەملەكەتتىك ءتىلدى دامىتۋ باسقارماسىنىڭ باستىعى ۇمبەتوۆ "زاڭعا سايكەس" دەپ جاۋاپ بەردى.

امانجول كۇزەمباي ۇلى باستاعان، سەرگەي ۆلاديميروۆيچ قوستاعان قوستاناي مەملەكەتتىك پەداگوگيكا ينستيتۋتى اتالمىش ماسەلەگە بەلسەندى ارالاسىپ، مىنبەرگە شىعىپ ءسوز سويلەپ، حالىققا تاريحي دەرەك-انىقتاما بەرىپ وتىردى.

"قامشى" پورتالىندا قۋانىش ۇزاعىنان بولسىن دەگەن تىلەك قانا بار. قوستانايدا قابىلدانعان شەشىم رەسپۋبليكالىق دەڭگەيدە قولداۋ تاباتىنىنا ءۇمىتتى.

قامشىگەر: جازيرا بايدالى