اتاقتى رەسەيلىك اكتريسا ەلەنا پروكلوۆا  مۇسىلمان اتاندى. جاقىندا ول بىرىككەن اراب امىرلىگىنە ساپارعا بارىپ، 2006 جىلدان بەرى سول ەلدىڭ تۇرعىنى تاتارلىق بيزنەسمەن يسماگيل شانگارەيەۆتىڭ ۇيىندە قوناق بولىپ قايتتى.  

پروكلوۆانىڭ شىعىستا نە كورگەنى جانە ونىڭ جان-دۇنيەسىنە قالاي اسەر ەتكەنى جايلى يسماگيل شانگارەيەۆ «رەالنوە ۆرەميا» بەتتەرىندە جازدى.

– ەلەنا يسلام وركەنيەتىنە ءتانتى ەكەنىن جانە وعان بۇل ءدىن ۇنايتىنىن ايتتى، - دەيدى اۆتور. – ونىڭ بولاشاق كۇيەۋ بالاسى – مۇسىلمان. وعان ءوزى ءدان رازى. مەن وعان يسلام جايلى بۇگە-شۇگەسىنە دەيىن ءتۇسىندىرىپ بەردىم. ول يسلام ءدىنىن جان-تانىمەن ۇعىندى. سوسىن زايد شەيح اتىنداعى مەشىتتە: «ليا يلياحا يللياللاح، مۋحاممادان راسۋليۋللاح» دەپ شاحادۋ ايتتى. (مۇسىلمان ءدىنىن قابىلداۋدىڭ فورمۋلاسى). ول اللادان ونىڭ، بالالارىنىڭ جانە نەمەرەلەرىنىڭ اماندىعىن شىن جۇرەگىمەن تىلەدى.

ءبىز ول جاقتا، ءتىپتى، كريستينا ورباكايتەنىڭ بالالارىنىڭ ءبىرى – ناعىز مۇسىلمان ءدىنىن ۇستانۋشى ەكەنىن ەسكە الدىق. ول وزىنە جاڭالىق جاساپ: يسلامدا كۇنا دەپ تابىلعاننىڭ ءبارى مەديسينادا دا تەرىسكە شىعاراتىنىن ايتتى. ونىڭ بولاشاق كۇيەۋ بالاسى مۇسىلمان بولعانى يسلام ءدىنىن قابىلداۋىنا سەپتىگىن تيگىزگەن.  وتكەن جىلى پروكلوۆا اجىراسقان بولاتىن، جانە ول: «ەگەر ماعان قايتا تۇرمىسقا شىعۋ جازىلعان بولسا، كۇيەۋىمنىڭ مۇسىلمان بولعانىن قالار ەدىم» دەپ اعىنان جارىلدى.

اۋدارعان شايحى مارال