Facebook، Microsoft، Twitter جانە YouTube ءوزارا كەلىسىمگە كەلدى. وعان سايكەس، اتالمىش كومپانيالار ءوز سايتى ارقىلى ەكسترەميستىك سارىنداعى سۋرەت پەن بەينەلەردى تاراتۋدى توقتاتپاق دەپ حابارلايدى bbc.com ورىس قىزمەتى.

ءىرى 4 كومپانيا ورتاق بازا قۇرۋدى جوسپارلاپ وتىر. ول ارقىلى كونتەنتتەردىڭ جۇكتەمەلەرىن باقىلاپ وتىرادى. ەكسترەميستىك نەگىزدەگى جازبالار پايدا بولسا تارالماي تۇرىپ ونى جويىپ وتىرادى. ميكروبلوگ سايتىنىڭ وكىلى Twitter-دە راديكالدى، ادام پسيحيكاسىنا كەرى اسەر بەرەتىن فوتو مەن بەينە ماتەريالداردى شەكتەۋگە دە باعىتتالعانىن جازدى.

ەكسترەميستىك سارىنداعى ماتەريالداردى شەكتەگىسى كەلەتىن باسقا دا كومپانيالار دەرەكوزگە قوسىلا الادى.

وسىدان جارتى جىل بۇرىن ەۋرو وداقتىڭ اتاۋىمەن Facebook، Microsoft، Twitter جانە YouTube 24 ساعاتتا ناسىلدىك بولىنۋشىلىككە شاقىراتىن مازمۇنداعى ماتەريالداردى ءوشىرىپ وتىرۋعا ۋاعدالاسقان بولاتىن. الايدا، زاڭ ماسەلەلەرى بويىنشا ەۋروكوميسسار ۆەرا يۋروۆا امەريكاندىق كومپانيالار ءوز قىزمەتتەرىن ورىنداي الماعانىن مالىمدەگەن. ۆ.يۋروۆا، اتى اتالعان كومپانيالار جىلدام جۇمىس ىستەمەسە، بريۋسسەل زاڭ تۇرىندە مىندەتىن اتقارۋعا ماجبۇرلەيتىنىن ەسكەرتتى.