اعاسىمەن بىرگە ىزدەۋدە جۇرگەن ەكس-ماجىلىسمەننىڭ ۆيدەوسى الەۋمەتتىك جەلىدە تاراپ، قىزۋ تالقىلانىپ جاتىر. بۇل تۋرالى كتك ارناسى حابارلادى.
بەينەروليكتە ورىندالىپ جاتقان «شىنار-اۋ» ءانىنىڭ 2014ء-شى جىلدىڭ اياق جاعىندا شىققانىن ەسكەرسەك، بۇل بەينەروليك بىلتىر جازدا تۇسىرىلگەن بولۋ مۇمكىن. وسى كوڭىلدى وتىرىسقا قاتىسقان، ءبىراق وزدەرىن جاريالاماۋدى ءجون كورگەن كەيبىر ازاماتتاردىڭ ايتۋىنشا، روليك اتىراۋداعى جەكە تۇرعىن ۇيلەردىڭ بىرىندە تۇسىرىلگەن. ەكرانداعى كىشى رىسقاليگە قول بۇلعاعان قوناقتاردىڭ بۇعان تۇك تاڭ قالماعاندارىنا قاراعاندا، ىزدەۋدەگى ەكس-دەپۋتات تۋىستارىمەن بۇرىن دا وسىلاي تىلدەسىپ جۇرگەنگە ۇقسايدى. ءبىراق ەشبىر قۇزىرلى ورگان بۇل تاسپاعا قاتىستى تۇسىنىكتەمە بەرۋگە قۇلىقسىز. اتىراۋ وبلىسىنىڭ بۇرىنعى اكىمى بەرگەي رىسقالييەۆ پەن ونىڭ ءىنىسى امانجانعا جانە وزگە تاعى دا 11 ادامعا 4 جىل بۇرىن ىزدەۋ جاريالاعان بولاتىن. ولارعا قىلمىستىق توپ قۇرىپ، مەملەكەتتىڭ 71 ملرد تەڭگەسىن جىمقىردى دەگەن ايىپ تاعىلعان.
بۇل دەرەكتەرگە سۇيەنەتىن بولساق، ەلىمىزدىڭ اقشاسىن جىمقىرعان دەپۋتاتتى تابۋ قيىن بولماعان، قۇزىرلى ورگاندار تەك ەلگە كوزبوياۋ رەتىندە قۇرىلعان قىلمىستىق توپتىڭ ەش ناتيجە بەرمەگەندىگىن بايقاۋعا بولادى. بىرنەشە ايدان بەرى جالاقىلارىن، الەۋمەتتىك جاردەماقىلارىن الا الماي جۇرگەن قانشاما قانداستارىمىزدىڭ وبالىنا قالعان ءدال مۇنداي جاتىپىشەرلەردى اۋىزدىقتاۋدىڭ قانداي جورلى بار؟ الدە ەلىمىز وسىنداي پىسىقايلارعا جەم بولعانى بولعان با؟ كىمدى دە بولسا بۇل سۇراقتار تولعاندىرۋى شارت.
