«كومسومولسكايا پراۆدادا» داريا اسلاموۆانىڭ «ميگرانتتارعا توتەپ بەرۋ ءۇشىن فرانسۋزدار قولعا قارۋ-جاراق الۋدا» دەگەن ماتەريال پايدا بولدى. «قامشى» پورتالى شەتەلدە ورىن العان جايتتان ەل ءىشى حاباردار بولسىن دەگەن ماقساتتا اتالمىش ماتەريالدى قازاقشاعا اۋدارىپ، وقىرمان نازارىنا ۇسىنادى.

فرانسياداعى كالە كىشكەنتاي قالاشىعىنىڭ تۇرعىنى وزىنە «جاننا د’ارك» دەگەن پسيەۆدونيم العان. ەكى بالانىڭ اناسى، ءمۇعالىم فرانسۋز ايەلى قولىنداعى 1943 جىلى ستالينگرادتا شىعارىلعان ورىس سنايپەرلىك ۆينتوۆكاسىن ماقتان تۇتادى. «جاقسى اتاسىز با؟ مەرگەنسىز بە؟» دەگەن ءجۋرناليستىڭ سۇراعىنا «جاننا د’ارك» «جامان ەمەس. ءبىراق كۇيەۋىم مەن 13 جاسار قىزىم ناعىز مەرگەندەر» دەپ جاۋاپ قايتارادى. «جاننا د’اركتىڭ» ايتۋىنشا فرانسيا سوڭعى ەكى جىل بويى ازاماتتىق سوعىستىڭ الدىندا تۇر. «ءبىز، فرانسۋزدار، جاۋلاپ الۋشى-مۇسىلماندارعا قارسىمىز. ءوز ءۇيىمدى، ەلىمدى قورعاۋ ءۇشىن ادامعا وق جاۋدىرۋ كەرەك بولسا قولىم قالت ەتپەيدى. ءبىز بەرىلمەيمىز» دەدى ول.

اۋدارعان: جازيرا بايدالى