http://youtu.be/iP47jLyWNcA

«كوك تۋدىڭ جەلبىرەگەنىن»  ءار قازاق جىرلاۋعا ءتيىستى. ءبىراق ورنىمەن، مەلودياسىمەن ورىنداسا ەكەن. ءوز قالپىندا ورىنداماسا، حالىققا جەتپەيدى. يبراگيم ءىنىمىز بۇل ءاندى ليريكاعا اينالدىرىپ جىبەرىپتى. ءبىز «كوك تۋدىڭ جەلبىرەگەنى» ءانىن 2001 جىلى 16 جەلتوقساندا رەسپۋبليكا الاڭىندا العاش رەت ورىندادىق.  حالىق كەرەمەت قابىلداعان.  سول ءۇشىن ايرىقشا تەر توكتىك دەسەك ارتىق ايتقاندىق ەمەس. بۇل ءان ءبىزدىڭ پاسپورتىمىزعا اينالدى.  «قازاق راديوسىنىڭ» التىن قورىنا ەندى. ءاننىڭ اۆتورى ەرمۇرات مارقۇم ءتىرى كەزىندە ەرەكشە ريزاشىلىعىن بىلدىرگەن. 2007 جىلى ءان ءسوزىنىڭ اۆتورى الماس احمەتبەك دەمەۋشى بولىپ،  ورالحان ءسادۋاقاستىڭ ورانجيروۆكاسىمەن قايتا وڭدەپ ورىندادىق.  الداعى ۋاقىتتا رۋحتى وياتاتىنداي ەتىپ، كليپ تۇسىرەيىك دەپ جاتىرمىز.  

يبراگيم باۋىرىمىزعا ايتىرمىز، مۇنداي بيىك ءاندى شىنايى دەڭگەيى، ورەسى جەتسە ورىنداسىن.  وسى ءاننىڭ حالىققا جەتۋى ءۇشىن 11 جىل تەر توكتىك. ال ونى بۇل باۋىرىمىز الادى دا، ليريكاعا اۋىستىرادى. بۇل – ۇلكەن قاتەلىك. ءتىپتى العاش ورىنداۋشىلاردىڭ ءبىرى وسى كىسىلەر عوي دەپ ءبىر اۋىز رۇقسات سۇراۋدى دا بىلگەن جوق. ەرمۇرات مارقۇمنىڭ جان دۇنيەسىن تەبىرەنتىپ شىعارعان مۇنداي اۋەندى قالاي بولسا سولاي  بۇزۋعا بولمايدى. ويتكەنى، «بۇل ءاننىڭ باعىن سەندەر اشتىڭدار، سەندەر كوتەرىڭدەر» دەپ، ەرمۇرات مارقۇم بىزگە اماناتتاعانداي بولىپ ەدى. http://youtu.be/alOTLSogUak

بۇل ءان 1999 جىلى شىقتى. ءان بولىپ، قاتارعا قوسىلعانى 2000 جىلدارى. ەرمۇرتتىڭ ءبىرىنشى كونسەرتىندە مايرام  مۇحامەد قىزى ورىنداعان. بۇل ءاندى ەسترادادا ايتىپ جۇرگەنىنە كوڭىلىم تولمايدى. مەلودياسىنا وزگەرىستەر جاساعان، ءبىراز جەرىندە قاتەلىك بار. ءبىراق حالىققا تاراتىپ جۇرگەنىنە راحمەت ايتامىز.  «بىرەۋدىڭ  جولىنا ىزدەنىس جاساساڭ، دۇرىستاپ جاسا» دەيدى عوي. ەرمۇرات مارقۇم ءتىرى بولسا، «مىنا جەرىن بىلاي ايتۋ كەرەك، مىنا جەرىن بىلاي ورىنداۋ كەرەك» دەپ يبراگيمگە ەسكەرتەتىنى ءسوزسىز ەدى... ءبىز ءارقاشان ءوز نۇسقامىزبەن ورىنداي بەرەمىز. كەشە كونستيتۋسيا كۇنىنە وراي رەسپۋبليكا سارايىنىڭ الدىندا وتكەن كونسەرتتە دە ەرمۇراتتىڭ نوتاسى بويىنشا ورىنداپ شىقتىم. http://youtu.be/ldTxogCeNy8

– بۇل ءان مەن ءسۇيىپ تىڭدايتىن اندەردىڭ ءبىرى. جاقىندا يبراگيم ەسكەندىردىڭ ورىنداۋىندا تىڭداپ تاعى ءبىر ريزا بولدىق. دەگەنمەن ءاننىڭ بۇلايشا ليريكالىق ءان بولۋىنا اركىم ءارتۇرلى پىكىر ايتۋدا. جالپى، سازگەردىڭ ءوز قالاۋى بويىنشا وسىلاي ورىندالىپ جاتسا، ارينە، قارسى ەمەسپىز. ءبىراق ەرتەڭ تاعى بىرەۋلەر باسقا جانرعا سالىپ نەمەسە ءوز قالاۋىنشا وزگەرتىپ جاتسا، كەرەمەت ءاننىڭ ءقادىرى قاشادى دەپ ويلايمىن. ءاننىڭ ءسوزىن جازعان اقىن الماس احمەتبەك ۇلىنىڭ پىكىرىن ءبىلۋ ءۇشىن حابارلاسقانىمىزدا، ول ءوزىنىڭ قىتايدا ساپاردا جۇرگەنىن ايتتى. ەگەر وسى پىكىرلەرگە بايلانىستى يبراگيم ەسكەندىر ءوز جاۋابىن ايتىپ جاتسا، ونى دا ءوز قالپىندا وقىرمانعا ۇسىنۋعا بارمىز.