زاڭدى تۇلعالارعا بەرىلگەن كرەديتتەردىڭ كولەمى 2014 جىلعى ماۋسىمدا 8200،4 ملرد. تەڭگەگە دەيىن 1،9%-عا تومەندەدى، جەكە تۇلعالارعا كرەديتتەر 3962،9 ملرد. تەڭگەگە دەيىن 0،4%-عا ۇلعايدى. بۇل تۋرالى BNews.kz اگەنتتىگى ق ر ۇلتتىق بانكىنىڭ باسپا ءسوز قىزمەتىنە سىلتەمە جاساپ  حابارلادى.

 قارجى نارىعى تۋرالى ەسەپكە سايكەس، 2014 جىلعى ماۋسىمدا بانكتىك ەمەس زاڭدى تۇلعالارعا ۇلتتىق ۆاليۋتادا بەرىلگەن كرەديتتەر بويىنشا ورتاشا الىنعان سىياقى مولشەرلەمەسى 10،4%، جەكە تۇلعالارعا – 19،8% بولدى. بانكتەردىڭ ەكونوميكانى كرەديتتەۋىنىڭ جالپى كولەمى 2014 جىلعى ماۋسىمدا 1،2%-عا تومەندەپ، 12163،3 ملرد. تەڭگەنى قۇرادى. ۇلتتىق ۆاليۋتاداعى كرەديتتەردىڭ كولەمى 8118،1 ملرد. تەڭگەگە دەيىن 1،0%-عا ءوستى، شەتەل ۆاليۋتاسىنداعى كرەديت كولەمى 4045،2 ملرد. تەڭگەگە دەيىن 5،2%-عا تومەندەدى. تەڭگەدەگى كرەديتتەردىڭ ۇلەس سالماعى ءبىر ايدا 65،3%-دان 66،7%-عا دەيىن ءوستى. ۇزاقمەرزىمدى كرەديتتەۋ 2014 جىلعى ماۋسىمدا 1،1%-عا تومەندەپ، 9785،6 ملرد. تەڭگە قۇرادى، قىسقامەرزىمدى كرەديتتەۋ 2377،7 ملرد. تەڭگەگە دەيىن 1،3%-عا تومەندەدى. ۇزاقمەرزىمدى كرەديتتەردىڭ ۇلەس سالماعى ءبىر ايدا 80،4%-دان 80،5%-عا دەيىن ءوستى. زاڭدى تۇلعالارعا بەرىلگەن كرەديتتەردىڭ كولەمى 2014 جىلعى ماۋسىمدا 8200،4 ملرد. تەڭگەگە دەيىن 1،9%-عا تومەندەدى، جەكە تۇلعالارعا كرەديتتەر 3962،9 ملرد. تەڭگەگە دەيىن 0،4%-عا ۇلعايدى. جەكە تۇلعالارعا بەرىلگەن كرەديتتەردىڭ ۇلەس سالماعى ءبىر ايدا 32،1%-دان 32،6%-عا دەيىن ۇلعايدى. شاعىن كاسىپكەرلىك سۋبەكتىلەرىن كرەديتتەۋ 2014 جىلعى ماۋسىمدا 1540،4 ملرد. تەڭگەگە دەيىن 2،2%-عا ءوستى (جىل باسىنان بەرى ءوسىم 20،0%)، بۇل ەكونوميكاعا بەرىلگەن كرەديتتەردىڭ جالپى كولەمىنىڭ 12،7%-ىن قۇرايدى. سالالار بويىنشا بانكتەردىڭ ەكونوميكاعا بەرىلگەن كرەديتتەرىنىڭ ەڭ قوماقتى سوماسى ساۋدا (جالپى كولەمدەگى ۇلەسى – 19،6%)، قۇرىلىس (11،3%)، ونەركاسىپ (10،8%)، كولىك (3،5%) جانە اۋىل شارۋاشىلىعى (3،5%) سياقتى سالالارعا تيەسىلى.

قامشى-اقپارات