اقپاننىڭ توعىزى كۇنى ەرلان تىنىمباي ۇلى «قازاقستان» رەسپۋبليكالىق تەلەراديوكورپوراسياسى» اكسيونەرلىك قوعامىنىڭ باسقارما ءتوراعاسى بولىپ تاعايىندالدى. سودان بەرى قىرىق كۇن.
سونىمەن، «قازاقستان» تەلەراديوكورپاراسياسىنىڭ ءتوراعاسى قىزمەتىنە كەلگەن ەرلان ءقاريننىڭ «قازاقستان» تەلەارناسى رەداكسيالىق اقاپاراتتىق ساياساتىن وزگەرتۋ بويىنشا باستامالارى سوڭعى اپتانىڭ باستى جاڭالىعىنا اينالدى دەۋگە بولادى. فەيسبۋك الەۋمەتتىك جەلىسىندە قىزۋ تالقىعا تۇسكەن بۇل تاقىرىپ قوعامنىڭ پىكىرىن ءبىر جاقتان شىعاردى دەسكە ارتىق ايتاقانىمىز ەمەس. ويتكەنى، ۇلتتىق ارنانىڭ جاڭا فورماتقا كوشكەنىنە قوعام تولىققاندى قولداۋ كورسەتىپ جاتىر، مۇنى الەۋمەتتىك جەلىدەگى رەاكسيادان اق بايقاۋعا بولادى. ارينە سىن دا ايتىلىپ جاتىر. ءبىراق ەرلان ءقاريننىڭ ءوزى الەۋمەتتىك جەلىلەردە قوعامنىڭ پىكىرىن وقىپ، بىردەن سۇراقتارعا جاۋاپ بەرىپ جۇرگەنىڭە فەيسبۋك قولدانۋشىلارى كۋا. ول، جۋرناليستتەردىڭ ايتۋى بويىنشا ەفير اياقتالىسىمەن بىردەن قىزمەتكەرلەرمەن جينالىس جاساپ، قوعام تاراپىنان ايتىلعان سىنداردى، ۇسىنىستاردى ەسكەرىپ، ونى تۇزەتۋ جولدارىن دەرەۋ شەشىپ وتىرعانىڭ انعارۋ قيىن ەمەس.
ۇلتتىق ارنا جاڭا فورماتقا كوشكەنىنە ءبىر اپتاعا جۋىق ۋاقىت ءوتتى. كەشە جاريالانعان ءبىرقاتار ولشەمدەرگە قاراعاندا وتكەن دۇيسەنبىدەن بەرى ۇلتتىق ارنانىڭ جاڭا باعدارلامالارى كۇن سايىن شامامەن 18-25 پايىزعا ءوستى. كونستيتۋسيايىلىق رەفورماعا قاتىستى تەلەكوپىر جاساپ، ءبىر ستۋدياعا بيلىك پەن وپپوزيسيا وكىلدەرىن جيناپ، وركەنيەتتى تۇردە، اشىق پىكىرلەرىن بىلدىرۋگە جاعداي جاساعانى قوعامنىڭ كوڭىلىنەن شىقتى. ۇلتتىق ارنادان كورىنە بەرمەيتىن ساياساتتانۋشىلار، قوعام قايراتكەرلەرى دە سالماقتى ويلارىن ەفيردەن ايتا باستادى. كوزگە سۇيەل بولعان، ۇلتتىعىمىزعا، مادەنيەتىمىزگە، دىلىمىزگە جات «كەلىن» سياقتى سوڭى جوق ۇندىلەردىڭ سەريالدارىن ۇلتتىق ارنا ەفيرىنەن مۇلدە الىپ تاستادى، ال تۇرىكتەردىڭ تەك تاريحي سەريالدارىن قالدىرۋدى جوسپارلاپ جاتقانى تاعى بار. «تاڭ شولپان» «باستى اقپارات» سىندى جوبالاردى جاڭا فورماتقا كوشىرۋ دە ايتارلىقتاي ناتيجەگە اكەلدى. ءبىر عانا مىسال، قازاق تەليەۆيزياسىنىڭ مايتالماندارى قىمبات دوسجان مەن دانيار مەنىلبەك ۇلتتىق ارنانىڭ «باستى اقپارات» جاڭالىقتارىن جۇرگىزۋشىلەرى بولعانى حالىقتى قالاي قۋانتقانى ۇلكەن باعا ەمەس پە؟! جاڭالىقتاردىڭ مازمۇنى تۇرعىسىنان «كتك جاڭالىقتارى» نەمەسە «ينفورمبيۋرو» جاڭالىقتارىنان كەم تۇسپەيتىن، ەلىمىزدىڭ وزەكتى ماسەلەلەرىن اشىق ايتا باستاعانى ەڭ باستى جاعىمدى وزگەرىستىڭ ءبىرى. «باستى اقپارات» ساراپتامالىق جوباسى ىسكە قوسىلىپ، ەلىمىزدىڭ جاس ءارى بىلىكتى ساراپشىلارى قوعام الدىنا شىعىپ، وزەكتى ساياسي ماسەلەلەر بويىنشا ءوز پىكىرلەرىن ايتۋدا. جاھاندا ءجۇرىپ جاتقان پروسەستەر كۇن تارتىبىنە شىعىپ جاتقان كەزدە، ولارعا دەرەۋ تالداۋ جاساپ، ساراپشىلىق پىكىرىن تىكەلەي ەفيردە ايتۋى – حالىقتى الەمدەگى كۇردەلى ماسەلەلەر بويىنشا اقپاراتتاندىرۋدىن جاقسى ءتاسىلى بولدى. مۇنى ە.ءقاريننىڭ كاسىبي ساياساتتانۋشى رەتىندە ۇلتتىق ارناعا الىپ كەلگەن كاسىبي جاڭالىعى، قوسقان ۇلەسى دەۋگە بولادى.
ۇلتتىق ارنا «ديسنەي» كومپانياسىنىڭ ەڭ جاقسى مۋلتفيلمدەرىن قازاق تىلىنە اۋدارىپ، ساپالى دۇنيەلەردى بالالار نازارىنا ۇسىنۋى – كەلەر ۇرپاققا قازاق ءتىلىن مىقتاپ ناسيحاتتاۋ دەگەن ءسوز! ال ۇلىبريتانياينىڭ ەڭ اتاقتى «شەرلوك» سەريالىن اعىلشىن تىلىندە، قازاق سۋبتيترىمەنەن اپتاسىنا ءبىر رەت، 00:00دەن كەيىن كورسەتۋ قوعامنىڭ نازارىنا ەڭ كوپ ىلىنگەن شەشىم بولدى جانە شەرلوكتى وسىلاي كورسەتۋ شەشىمىن اسىرەسە جاستار قولدادى. قوعامنىڭ باسىم كوپشىلىگى بۇل يدەيامەن كەلىسىپ وتىر، وعان دالەل بولاتىن جارىلقاپ قالىباي، ءامىرجان قوسانوۆ، راسۋل جۇمالى، اسقار قۇمىران، عابيدەن جاكەي سياقتى باسقادا تانىمال اعا بۋىن وكىلدەرى مەن قازاق ءتىلىنىڭ جاناشىرلارى قولداۋ سوزدەرىن ايتۋدا.
سونداي-اق، ۇلتتىق ارنانىڭ web سايتى جاڭارىپ، موبيلدىك قوسىمشاسى جەتىلدىرىلگەنىن دە ايرىقشا ايتا كەتۋ كەرەك.
ەرلان قارين ءوزىن جاڭا قىرىنان كورسەتتى. تەلەارناعا تەك سۇحبات بەرىپ قانا شەكتەلىپ جۇرگەن ول، جالپى تەلەارنانىڭ باسشىلىعىنا ءبىر اي بۇرىن عانا كەلىپ تالاي ماسەلەنى شەشىپ تاستاۋعا ۇلگەردى، ۇلتتىق ارنانىڭ اقپاراتتىق، شىعارماشىلىق، رەداكسيالىق ساياساتىن مۇلدە جاڭا باعىتقا بۇرىپ، تەلەارنادا ۇلتتىڭ مۇددەسىنە ساي ساياسات جۇرگىزە باستادى. مەملەكەتكە شىنىمەن ادال قىزمەت ەتەمىن دەگەن نيەت بولسا مۇنداي رەفورمالاردى 1 ايدا ىسكە اسىرۋعا بولاتىنىڭ كورسەتكەن ەرلان قارين «مەملەكەتتىك ساياسات يدەولوگى» ستاتۋسىن ودان ءارى كۇشەيتە تۇسكەنى كۇمان تۋدىرمايدى. ءقاريننىڭ ءوزى وزگەرىستەردىڭ باسىم كوپشىلىگىن كۇزدە باستايمىز دەپ مالىمدەگەن بولاتىن. جالپى، ەرلان ءقاريننىڭ ۇلتتىق ارنانى كۇردەلى وزگەرىستەردى قوعاممەن تىعىز بايلانىستا، تالقىدا، وي الماستىرۋدا وتكىزۋى مەملەكەتتىك ينستيتۋتتارعا ۇلگى بولاتىن دايىن جوبا.
ويدى قورىتا ايتار بولساق، ارناداعى وزگەرىستەرمەن قارين تەك ءبىر ارناعا ەمەس، بۇكىل تەليەۆيزيا سالاسىنا جاڭا ترەندتتەر قالىپتاستىرۋدا. وسىنداي وزگەرىستەردى جاساۋ ۋاقىت وتە باسقا ارنالاردا دا ءتۇپتىن تۇبىندە ورىن الاتىنى انىق! سولاي جاڭا اقپاراتتىق جۇەي دە قالىپتاسۋى مۇمكىن. نەگىزىنەن، ۇلتتىق ارنانىڭ رەفورماسى – جالپى قازاق تەليەۆيزياسىنىڭ رەفورماسى، قازاق جۋرناليستيكاسىنىڭ جاڭارۋى، مەملەكەتتىڭ اقپاراتتىق قاۋىپسىزدىگىنىڭ كۇشەيۋىن، بيلىك پەن قوعام اراسىنداعى بىرلىكتى ساقتاپ، ۇلتتىڭ پوتەنسيالىن كوتەرىپ، ۇلتتىڭ مودەرنيزاسيالىق پروسەسسىن جۇرگىزۋ بولىپ تابىلادى.
نۇرعالي نۇرتاي
