تۇركيا شەكاراسىنان ەمىن-ەركىن جيھادقا كەتىپ جاتقان وزبەكتەر مەن ۇيعىرلار

ەردوعاننىڭ يدليبدەگى ال-كايداسى اشكەرەلەندى دەپ جازادى aktifhaber.com. حابارعا ساي، ەردوعان رەجيمىنىڭ اشىقتان-اشىق قولداۋ كورسەتكەن يدليبدەگى راديكال ۇيىمداردىڭ ال-كايدا نۇسقاۋىمەن ارەكەت ەتەتىنىن كورسەتەتىن ۆيدەو جاريالانعان.

سونداي-اق،  AKPء-نىڭ (تۇركيانىڭ قازىرگى بيلىك پارتياسى ادىلەت جانە دامۋ) ال-كايداشىلار ءۇشىن اشقان استىرتىن زاڭسىز شەكارا قاقپالارى العاش رەت تاسپاعا تۇسكەن.  اراب الەمىنىڭ الپاۋىت گازەتى  Akhbar ءۇشىن يدليب قۇجاتىن  دايىنداعان دۋبايلىق Al Aan TV ءتىلشىسى Jenan Moussa تۇركيا شەكاراسىنداعى ال-كايدا ترافيگىن جۇرتقا جاريا ەتتى.

يدليبتە  احرار اش-شام-نان باستاپ، راديكال جيھادشىلار پايدالانعان استىرتىن شەكارا وتكەلدەرى تۋرالى العاشقى بولىپ جاريالاعان  Moussa ال-كايداعا قاراستى جۇڭگو پاسپورتى بار شىعىس تۇركىستاندىق، ورتا ازيالىق جانە اراب تەرروريستەردىڭ سوعىسىپ جۇرگەنىن جانە تۇركياعا ەمىن-ەركىن كىرىپ-شىعىپ جۇرگەنىن قۇجاتتادى. تۇركيادا دا تەررورلىق ىس-ارەكەتتەرمەن اينالىسقان وزبەك توپتارى اراب ءتىلشىسىنىڭ وبەكتيۆىنە تۇسكەن. Moussa-نىڭ تەليەۆيزيادان تاراتقان دەرەكتى فيلمىندە انكارا قولداۋ كورسەتكەن ال-كايدانىڭ اپاندارى ەگجەي-تەگجەيلى تۇسىندىرىلەدى.

ءال-نۋسرانىڭ ەسىم ويىنى

Al Akhbar-دا جاريالانعان دوسە ەسەڭگىرەتەتىن اقيقاتتى ورتاعا شىعاردى: ءال-نۋسرا ءالى ءوز اتىمەن ىس-ارەكەت ەتىپ جاتىر. ال-كايدانىڭ رەسمي ورگانى رەتىندە سيريا سوعىسىنا كىرگەن ءال-نۋسرا 2 جىل بۇرىن اتىن فەت-ۋل داماسك دەپ وزگەرتىپ، قاتارىنا «ۇستامدى» دەگەن باسقا توپتاردى دا قوسىپ الىپ، حالىقارالىق ەمبارگو قويىپ جانە تەررور تىزىمىنەن ويىپ ورىن الۋعا تىرىسقان. الايدا، مايدانداعى جاعدايدىڭ بۇلاي ەمەستىگى بەلگىلى بولدى.   Moussa جاريالاعان ۆيدەوعا ساي ءال-نۋسرا جاريالاعان اقپاراتتارىندا ءالى كۇنگە دەيىن ءال-نۋسرا اتىن قولدانىپ كەلەدى. ءال-نۋسرانىڭ ءبىر بيۋروسىنا تيەسىلى قابىرعادا ءارى «فەت-ۋل داماسك» ءارى «ءال-نۋسرا» دەپ جازىلىپ تۇر. احرار اش-شام مەن ءال-نۋسرا تەرروريستەرى ءبىر ايماقتا «باۋىرلار» سياقتى ءومىر سۇرەدى.  
يدليبدە سالماقتى وپپوزيسيا وتىرىگىنىڭ داۋرەنى ءوتتى.

AKP اشىقتان-اشىق قولداۋ كورسەتكەن يدليبتەگى ۇيىمداردى 2 جىل بۇرىن تاراپ كەتكەن سيريا ازات ارمياسى سياقتى «ۇستامدى» توپتار رەتىندە تۇركياداعى قوعامدىق پىكىرگە سىڭدىرۋگە تىرىسادى. AKP يدەولوگتارىنىڭ ءبىرى نۋرەتتين يىلدىز يدليبتەگى ءال-نۋسرا مەن احرار اش-شام قولباسشىلارىنا بارىپ-قايتقان سوڭ ونداعى راديكال تەرروريستەردى ماقتاۋ سارىنى بار حات تا جاريالاعان. ول حاتتا راديكال قولباسشىعا «ىستامبۇلدا كەزدەسۋدى تىلەيمىن» دەۋگە دەيىن بارىپ، بايلانىستارىن اشىق كورسەتكەن.  İHH (ادام قۇقىقتارى مەن بوستاندىقتارى گۋمانيتارلىق قورى) سياقتى AKPء-نىڭ، MİTء-تىڭ (ۇلتتىق بارلاۋ ۇيىمى) «سيريادا جيھاد» كومەگى ءۇشىن قولدانعان قورلارى مەن ۇيىمدارى دا ءال-نۋسرا مەن  احرار اش-شام سياقتى ۇيىمدارمەن بايلانىستارىن ەشقاشان جاسىرماعان.  AKP سويىلىن سوققان تىلشىلەردىڭ بۇل ۇيىمدارمەن جازعان تەكستەرى ۇشان-تەڭىز. الايدا، Moussa-نىڭ يدليبتە تۇسىرىلگەن ەڭ جاڭا، ەڭ اۋقىمدى ماتەريالىنا قاراساڭىز يبليبتە جالعىز عانا ۇيىمنىڭ ەرەجەسى جۇرەدى. ول – ال-كايدا.

ءال-نۋسرانىڭ اشىق ەسىمىمەن ىس-ارەكەت ەتكەنى كورىنەتىن قۇجاتتا قابىرعالار ال-كايدا ليدەرى ايمان از-زاۆاحيريدىڭ سوزدەرىمەن بەزەندىرىلگەن. بۇل توپتاردىڭ وتكەلى ءۇشىن تۇركيا اشقان استىرتىن جانە زاڭسىز شەكارا قاقپالارى AKPء-نىڭ اتالعان ايماقتا ال-كايدانى قولداپ كەلە جاتقانىن دالەلدەيدى.

MOUSSA-نىڭ كوزىمەن يدليب

ۆيدەو حاباردىڭ ەڭ ەستەن تاندىرار بولىمدەرىنىڭ ءبىرى Moussa ماڭدايشالارى – قابىرعالاردى جانە اينالادا جۇرگەن ادامداردى كورسەتكەن ول بىلاي دەيدى: يدليبتە ءال-نۋسرا بيلبوردتارىنا ىلگەن حابارلامالار ارقىلى حالىققا «باتىسقا نەمەسە باسقا ءبىر ەلگە قاشپاڭدار. وسىندا قالىڭدار» دەپ جازىلعان.  قابىرعالاردا جۇزدەگەن، مىڭداعان ءال-نۋسرا بەلگىسى، جازۋلارى، ۇراندارى بار.  ال-كايدا مۇندا اشىقتان-اشىق قوجا بولا باستاعان. ءار جەرگە اسىلعان ال-كايدا سيمۆولدارى وسى قالاعا كىمنىڭ ءامىرى جۇرەتىنىن اشىق كورسەتەدى.  

Moussa ايىرىقشا ءال-نۋسرانىڭ يدليبتە وزدەرىنە قارسى شىققانداردى اتقان قاپاستار تۋرالى دا اقپارات بەرەدى.

ال-كايدا كىتاپتارى تۇركيادا باسىلعان

Moussa-نىڭ حابارلارىنىڭ تاعى ءبىر توسىنى ۇلتشىل تۇركمەن جانە شىعىس تۇركىستاندىق توپتاردىڭ ال-نۋسرامەن بايلانىستارىنىڭ جاريا بولۋى. انكارادا كارلوۆ قاستاندىعىن جاساعان  ميەۆلۋت مەرت التىنتاش قاراستى بولعان تۇرىك ۇلتشىل توپتارى ءۇشىن احرار اش-شام تارابىنان ارنايى «جيھات» كىتاپتارى ەرەكشە اتالعان. ول كىتاپتاردىڭ باسىلعان جەرى تۇركيا. كىتاپتاردا جاستاردى سوعىسقا شاقىرۋدان باستاپ تۇتقىنعا الىنعان قاتىندارعا قالاي مامىلە جاساۋ كەرەك ەكەندىگىنە دەيىنگى «ءبىلىم» بار.