انانىڭ بالاسىنا دەگەن ماحابباتى شەكسىز. ول تەك قيىن ساتتە قولداۋ كورسەتىپ، جانىڭنان تابىلىپ قانا قويماي، قانداي جاعداي بولماسىن باۋىر ەتى بالاسىن تاستامايدى. وعان وقىرمان نازارىنا ۇسىنىپ وتىرعان مىنا وقيعا تاعى ءبىر دالەل.

1988 جىلى سزوۋ حونگيان ەسىمدى قىتايلىق ايەل ۇل بالانى دۇنيەگە اكەلەدى. ءسابي كوپتەگەن اۋىتقۋشىلىقتارمەن دۇنيەگە كەلدى. وندا ميدىڭ سال اۋرۋى بايقالعان. دارىگەرلەر ءسابيدىڭ ءومىر بويى مۇگەدەك بولىپ وتەتىنىن، سوندىقتان سابيدەن باس تارتۋعا كەڭەس بەرەدى. ولار بالا وزگەنىڭ كومەگىنسىز ءومىر سۇرە المايتىنىن، سونىڭ سالدارىنان قاتتى قينالاتىنىن ايتقان. الايدا سزوۋ حونگيان بالاسىن باعىپ-قاعۋعا شەشىم قابىلدادى.

باستاپقى كەزدە سزوۋ بالادان باس تارتقان اكەسىمەن اجىراسىپ كەتتى. بۇكىل ءومىرىن جالعىز بالاسىنا ارنادى. ايەل ءبىر ۋاقىتتا ءۇش جەردە جۇمىس ىستەدى. بوس ۋاقىتىندا بالانىڭ ينتەلەكتۋالدىق دەڭگەيىن ءوسىرىپ، لوگيكاسىن دامىتاتىن ءتۇرلى ويىندار وينادى.

ول ءتىپتى بالاسىنا تاماق جەۋگە ارنالعان تاياقتاردى ۇستاۋدى ۇيرەتتى. باستاپقى كەزدە بالانىڭ قولى ءالسىز بولعانى سونشالىق قولىنا زات الۋى مۇمكىن ەمەستەي كورىندى. سزوۋ حونگياننىڭ ايتۋىنشا، بالاسى ءوزىن قوعامدا جاقسى سەزىنۋ ءۇشىن قولدان كەلگەننىڭ بارلىعىن جاساعانىن ايتادى.

29 جىلدان كەيىن دين ناعىز اناسىنىڭ قامقورشىسىنا اينالدى. ول پەكين ۋنيۆەرسيتەتىن ءتامامداپ، ارنايى باعدارلاما ارقىلى گارۆارد ۋنيۆەسيتەتىنە ءتۇستى. سزوۋ حونگيان بالاسىن ماقتان تۇتاتىنىن ايتادى.  

وسىدان انانىڭ ماحابباتى كەز-كەلگەن دەرتتەن ايىقتىرا الاتىن قاسيەتكە يە دەگەن ويعا كەلەسىڭ. 

شولۋشى: اسەم المۇحانبەت