انگلياداعى كينگستون-اپون-حالل قالاسىنىڭ تۇرعىنى ليندسي گرانت 8 جاستاعى قىزىنىڭ كونسەرۆىدەگى تۋنەستىڭ كەسىرىنەن مۇگەدەك بولىپ قالعانىن ايتادى. ءۇش بالالى انانىڭ پىكىرىنشە، كونسەرۆىدەگى تۋنەستى جەگەننەن كەيىن قىز ۋلانىپ، قۇسا باستاعان، كەيىننەن ءجۇرۋدى، ءتىپتى سويلەۋدى قويدى. «بۇلاي بولۋى مۇمكىن ەمەس» دەگەن دارىگەرلەر بولعان جاعدايعا ەشقانداي تۇسىنىك بەرە الماي وتىر، دەپ جازادى جەرگىلىكتى ب ا ق.

3 جىل بۇرىن لەكسي ورتا ءقۇلاعىنىڭ قابىنۋىنان ەمدەلىپ شىققان.

بىردە تاڭ اتا قىزدىڭ دەنەسى السىزدەنىپ قوزعالا الماي، ءتىپتى سويلەي الماي قالادى. لەكسيدى دەرەۋ اۋرۋحاناعا جەتكىزەدى، 2 اپتا بويى دارىگەرلەر ونىڭ جاعدايىمەن كۇرەستى. اقىرى، ەشتەڭە شىقپاعان سوڭ قولدارىن ءبىر سىلتەگەن.

«بولعان جاعدايدىڭ سەبەبىن انىقتاۋعا تىرىسپاعان دەيدى»، - قىزدىڭ اناسى ليندسي گرانت. ونىڭ ايتۋىنشا، لەكسي كۇندەلىكتى تاڭەرتەڭ كونسەرۆىلەنگەن بالىق ەتىن جەپ جۇرگەن، سونىڭ كەسىرىنەن وسىنداي جاعدايعا تاپ بولدى. بالىقتىڭ قۇرامىندا ۋلى نارسە بولعان، الايدا دارىگەرلەر قىزدىڭ اناسىنا سەنبەگەن، سەبەبى وسى ۋاقىتقا دەيىن ءبىر بالىقتىڭ كەسىرىنەن ەشكىم مۇگەدەك بولىپ قالماعان.

اناسى لەكسيدىڭ جارقىن ءجۇزدى ءبۇلدىرشىن بولعانىن ايتادى. ءان ايتقاندى، بيلەگەندى جاقسى كورگەن. انا جۇرەگى قىزدىڭ ەمدەلىپ، ءوز قالپىنا تۇسەتىنىنە سەنىمدى، الايدا ول ءۇشىن دارىگەرلەردىڭ كومەگى اۋاداي قاجەت. سول ءۇشىن ليندسي اۋرۋدىڭ سالدارى تۋنەس بولعانىن دا دالەلدەگىسى كەلەدى. 

شولۋشى: گۇلىم جاقان